గ‌తంలో ఈట‌ల ....ఇప్పుడు కేసీఆర్ భూములు

తెలంగాణాలో ‘భూ’ రాజ‌కీయం

(న్యూస్ఇన్‌,హైద‌రాబాద్)

భూఅక్ర‌మ‌ణ‌ల వ్య‌వ‌హారం ఒక్కో ప్ర‌భుత్వంలో ఒక్కోలా తెర‌పైకి వ‌స్తోంది.గ‌త ప్ర‌భుత్వ హాయంలో బీఆర్ ఎస్ పార్టీలో కీల‌క నేతగా ఉన్న ఈట‌ల రాజేంద‌ర్ భూముల వ్య‌వ‌హారం తీవ్ర దూమారం రేపింది. బీఆర్ ఎస్ లో కీల‌క నేత‌గానే ఆయ‌న ఉన్నా….ఈట‌ల చేసిన వ్యాఖ్య‌లతో అప్ప‌టి సీఎం కేసీఆర్ ఆగ్ర‌హానికి గురికాక త‌ప్ప‌లేదు. మేడ్చ‌ల్ నియోజ‌క‌వ‌ర్గంతో పాటు మెద‌క్ జిల్లాలోని కొన్ని ప్రాంతాల్లో కూడా ఈట‌ల రాజేంద‌ర్ అసైన్డ్ భూముల తో పాటు దేవాదాయ‌,ద‌ళితుల భూములు అక్ర‌మించార‌ని గ‌త ప్ర‌భుత్వం క‌న్నెర్ర చేసింది.

ఈట‌ల ఆధీనంలో ఉన్న భూముల‌ను స‌ర్వే చేయించింది….ఇదంతా ఒక వంతంతే ఈట‌ల త‌న భూముల‌ను కాపాడుకునేందుకు జాతీయ పార్టీలో చేరి రాజ‌కీయంగా గులాబీ పార్టీ అనుస‌రిస్తున్న విధానాల‌ను ఎండ‌గట్టారు. ఈట‌ల ఆధీనంలో ఉన్న భూముల విష‌యంలో అప్ప‌టి ప్ర‌భుత్వం నాలుగైదు నెల‌ల పాటు వ‌రుస‌గా ఆ భూముల అంశాల‌ను తెర‌పైకి తెస్తూ రాజ‌కీయంగా ఆయ‌న‌ను ఇబ్బందులు సృష్టించామ‌ని భావించింది. కానీ ఈ వ్య‌వ‌హారం గులాబీ పార్టీ నుంచి బ‌య‌ట‌కు వ‌చ్చిన ఈట‌ల రాజేంద‌ర్ కు క‌లిసి వ‌చ్చింది. ప్ర‌భుత్వం వేధింపుల‌కు గురి చేస్తోంద‌న్న సంకేతాలు బ‌లంగా వెళ్ల‌డంతో రాజ‌కీయంగా ఆయ‌న‌కు ఉప ఎన్నిక ఫ‌లితాలు క‌లిసి వ‌చ్చాయి.

ప్ర‌స్తుతం కాంగ్రెస్ ప్ర‌భుత్వం కేసీఆర్ కుటుంబం ఆధీనంలో ఉన్న భూముల‌పై దాదాపు అలాంటి ఆరోప‌ణ‌ల‌ను తెర‌పైకి తెచ్చింది. అసెంబ్లీలో ముఖ్య‌మంత్రి రేవంత్ రెడ్డి కేసీఆర్ కుటుంబ స‌భ్యుల పేర్ల‌పై ఉన్న భూముల వివ‌రాల‌ను బ‌య‌ట పెట్టారు. కేసీఆర్ కుటుంబం అక్ర‌మించిన భూముల‌ను స్వాధీనం చేసుకుంటామ‌ని ప్ర‌క‌టించారు.

అధికారులు ఒక వైపు, పార్టీ నేత‌ల‌ను ఒక వైపు మాజీ ముఖ్య‌మంత్రి కేసీఆర్ మాదిరిగానే స‌ర్వేలు చేయిస్తూ క్షేత్ర స్థాయిలో సీఎం రేవంత్ రెడ్డి ఆదేశాల‌తో నేత‌లు హ‌డావుడి మొద‌లు పెట్టారు. కాంగ్రెస్ పార్టీ నేత‌లు బీఆర్ ఎస్ నేత‌ల భూముల సంద‌ర్శ‌న పేరుతో హంగామా చేస్తున్నారు. ఈ వ్య‌వ‌హారంపై ఇరు పార్టీల నేతల మ‌ధ్య మాట‌ల యుద్ధం జ‌రుగుతోంది. అయితే గ‌త ప్ర‌భుత్వం ఈట‌ల కుటుంబంపై వ‌చ్చిన భూ ఆక్ర‌మ‌ణ ఫిర్యాదుల‌పై ప్ర‌భుత్వానికి ఆశించిన ఫ‌లితం ద‌క్క‌లేదు. భూములు స‌ర్వే చేయాలంటే సంబంధిత వ్య‌క్తుల‌కు ముందుగా నోటీసులు ఇవ్వాల‌న్న ప్రాథ‌మిక అంశాల‌ను కోర్టు ప్ర‌శ్నించింది.ఈ వ్య‌వ‌హారం లో ఈట‌ల కుటుంబం ఆధీనంలో ఉన్న భూములు అక్ర‌మం అని ప్ర‌భుత్వం పూర్తి స్థాయిలో నిరూపించ‌లేక‌పోవ‌డంతో విష‌యం చ‌ల్ల‌బ‌డింది.

ప్ర‌స్తుతం జ‌రుగుతున్న ప‌రిణామాలు కూడా దాదాపు అదే ప‌రిస్థితుల‌ను గుర్తు చేస్తున్నాయ‌న్న చ‌ర్చ రాజ‌కీయ వ‌ర్గాల్లో జ‌రుగుతోంది. రాజ‌కీయంగా ఇరుకున పెట్టేందుకు ఇలాంటి అంశాలను అధికారంలో ఉన్న నేత‌లు తెర‌పైకి తెస్తుండ‌డం భ‌విష్య‌త్తులో కూడా ఇలాంటి ప‌రిస్థితులు పున‌రావృత్తం అయ్యే అవ‌కాశం ఉంద‌న్న అభిప్రాయాలు వ్య‌క్తం అవుతున్నాయి.

కేసీఆర్ కుటుంబం భు అక్ర‌మ‌ణ‌ల వ్య‌వ‌హారాన్ని అదికార పార్టీ బ‌య‌ట‌పెట్డంతో ప్ర‌తిప‌క్ష పార్టీ నేత‌లు కూడా సీఎం రేవంత్ రెడ్డి కుటుంబ స‌భ్యులు, స‌న్నిహితుల పేర్ల‌పై ఉన్న భూముల వివ‌రాల‌ను తెర‌పైకి తెస్తున్నారు. మొత్తం మీద ఈ వ్య‌వ‌హారం సీఎంగా ఉన్న స‌మ‌యంలో కేసీఆర్ క్రియేట్ చేసిన సీన్ ను ప్ర‌స్తుత సీఎం రేవంత్ రెడ్డి తెర‌పైకి తెచ్చార‌న్న వాద‌న మాత్రం బ‌లంగా వినిపిస్తోంది.ఇంత హంగామా చేస్తున్న స‌ర్కార్ ఎలాంటి చ‌ర్య‌లు తీసుకోక‌పోతే….. రాజ‌కీయ చ‌ర్చ‌కు ఇదే ప‌రిమితం అవుతుంద‌న్న అభిప్రాయాలు కూడా వ్య‌క్తం అవుతున్నాయి.