ఇందిరమ్మ ఇండ్లు - అలాట్‌మెంట్ లెటర్లు

(న్యూస్ఇన్‌,హైద‌రాబాద్)

న‌గ‌రంలో పైలెట్ ప్రాజెక్టులో భాగంగా చేప‌డుతున్న‌ ఇందిరమ్మ ఇండ్లు టవర్స్ ప్రాజెక్టుల కింద ఎంపికైన లబ్ధిదారులకు అలాట్‌మెంట్ లెటర్లు సోమ‌వారం నుండి జారీ చేయాల‌ని స‌ర్కార్ నిర్ణ‌యం తీసుకుంది. ఎంపికైన లబ్ధిదారుల రిజిస్టర్డ్ మొబైల్ నంబర్లకు SMS, WhatsApp ద్వారా అలాట్‌మెంట్ లెటర్లు నేరుగా పంపించబడతాయి. అదేవిధంగా, లబ్ధిదారులు తమ అలాట్‌మెంట్ లెటర్లను పొందేందుకు తెలంగాణ హౌసింగ్ బోర్డు అధికారిక వెబ్‌సైట్‌లో కూడా అందుబాటులో ఉంచ‌నున్నారు. ఎంపికైన లబ్ధిదారులు తమ రిజిస్టర్డ్ మొబైల్ నంబర్లతో పాటు TGHB వెబ్‌సైట్‌ను కూడా పరిశీలించాల‌ని అధికారులు సూచిస్తున్నారు.

రాయదుర్గంలో మల్కం చెరువు వెనుక భాగంలో ఉన్న సుమారు 2.85 ఎకరాల ప్రభుత్వ/తెలంగాణ హౌసింగ్ బోర్డు భూమిలో, ఒక్కొక్కటి సుమారు 528 చ.అ. విస్తీర్ణంతో 480 ఫ్లాట్లు నిర్మించడానికి ప్రతిపాదించబడింది. ప్రతి అర్హత కలిగిన లబ్ధిదారు కేవలం రూ.6.00 లక్షలు మాత్రమే చెల్లించాల్సి ఉండగా, ప్రభుత్వం ఒక్కో ఫ్లాట్‌కు రూ.5.00 లక్షల సబ్సిడీ అందించడంతో పాటు భూమి మొత్తం వ్యయాన్ని కూడా భరిస్తోంది.

అర్హత కలిగిన ప్రతి లబ్ధిదారునికి కేవలం రూ.6.00 లక్షల లబ్ధిదారు వాటాతో, అదనంగా రూ.5.00 లక్షల ప్రభుత్వ సబ్సిడీ మరియు ఉచిత భూమితో ఇందిరమ్మ ఇండ్లు ఫ్లాట్‌ను అందిస్తోంది. రాయదుర్గంలో మంత్రి పొంగులేటి శ్రీనివాస్ రెడ్డి సోమ‌వారం సాయంత్రం ట‌వ‌ర్స్ నిర్మాణానికి భూమి పూజ నిర్వ‌హించ‌నున్నారు.