ఫెర్టిలిటీ సెంటర్ల అక్రమాలు.. 50 మంది బాధితులు: నేరెళ్ల శారద

ఫెర్టిలిటీ సెంటర్ల అక్రమాల వ్యవహారంలో ఆరు రాష్ట్రాలకు చెందిన 50 మంది బాధితులు ఉన్నట్లు తెలంగాణ మహిళా కమిషన్ సభ్యురాలు నేరెళ్ల శారద వెల్లడించారు. వీరిలో 90 శాతం మంది అవివాహితులేనని తెలిపారు. ఉద్యోగాల పేరుతో ఆర్థికంగా వెనుకబడిన మహిళలను ప్రలోభపెట్టి, రూ.30 వేలకు అండాలను సేకరిస్తున్నట్లు ఆరోపించారు. ఐదు ఫెర్టిలిటీ సెంటర్ల ప్రతినిధులు విచారణకు హాజరయ్యారని, సరైన రికార్డులు నిర్వహించలేదని పేర్కొన్నారు. కేంద్రాల చైర్మన్లు, ఎండీలు మరోసారి విచారణకు హాజరై వివరణ ఇవ్వాలని నోటీసులు జారీ చేస్తామని తెలిపారు. ఈ వ్యవహారంపై కఠిన చర్యలు తీసుకోవాలని ప్రభుత్వాన్ని కోరారు.