13,14 తేదీల్లో హైదరాబాద్లో భారత్ సమ్మిట్-2026
(న్యూస్ఇన్, హైదరాబాద్)
ఈనెల 13 14 తేదీల్లో హైదరాబాద్లో భారత్ సమ్మిట్ ను వరుసగా రెండోది కూడా నిర్వహించనుంది. ఈ సదస్సుకు వివిధ దేశాల నుంచి ప్రతినిధులు హాజరుకారున్నారు.తెలంగాణ ప్రభుత్వం ప్రతిష్ఠాత్మకంగా భారత్ సమ్మిట్ నిర్వహిస్తోందని డిప్యూటీ సీఎం భట్టి విక్రమార్క, మంత్రి శ్రీధర్ బాబులు తెలిపారు.
ప్రజాస్వామ్యవాదులు, లిబరల్, ప్రగతిశీల భావాలు కలిగిన వారిని ఒకే వేదికపైకి తీసుకురావడమే సమ్మిట్ ప్రధాన లక్ష్యం అన్నారు.
ప్రపంచానికి ప్రజాస్వామ్య, సామాజిక, ఆర్థిక విధానాలపై నూతన దిశానిర్దేశం చేయనున్న భారత్ సమ్మిట్ చేస్తోందని తెలిపారు.70కి పైగా దేశాల నుంచి 1,000 మందికి పైగా ప్రజాప్రతినిధులు, విధాన రూపకర్తలు, మేధావులు పాల్గొనేందుకు అంగీకారం తెలిపినట్లు వెల్లడించారు. మహాత్మాగాంధీ బోధించిన అహింసా మార్గం, నెహ్రూ ప్రవచించిన అలీన విదేశాంగ విధానం, మిశ్రమ ఆర్థిక విధానాల ప్రాధాన్యతను ప్రపంచానికి చాటిచెప్పడమే సమ్మిట్ ఉద్దేశం అన్నారు. పెరుగుతున్న విద్వేష రాజకీయాలు, హింస, సామాజిక విభజనకు భారత్ సమ్మిట్ ద్వారా ప్రజాస్వామ్య పరిష్కారాలపై చర్చ జరుగుతోందని వెల్లడించారు.
ప్రతిపక్ష పార్టీలను, నాయకులను శత్రువులుగా చూడటం ప్రజాస్వామ్య మౌలిక సూత్రాలకు విరుద్ధం అన్నారు.ప్రతిపక్షాల గొంతుకను అణచివేయడం, వాటిని అంతం చేయాలనుకోవడం ప్రజాస్వామ్యానికి మంచిది కాదని చెప్పారు.అన్ని రాజకీయ పార్టీలు, నాయకులు భారత్ సమ్మిట్‌లో పాల్గొని ప్రజాస్వామ్య పరిరక్షణపై చర్చించాలని ఆహ్వానించారు.దావోస్ ఆర్థిక, పెట్టుబడుల విధానాలకు ప్రపంచ వేదికగా గుర్తింపు పొందినట్లే.. హైదరాబాద్ రాజకీయ, సామాజిక, ఆర్థిక విధానాల చర్చలకు అంతర్జాతీయ వేదికగా ఎదగనుంది.80వ స్వాతంత్ర్య దినోత్సవం, జవహర్‌లాల్ నెహ్రూ 137వ జయంతి నేపథ్యంలో భారత్ సమ్మిట్‌కు ప్రత్యేక ప్రాధాన్యత ఉందన్నారు.