మంగళవారం హాజరుకావాల్సిందే…రంగనాథ్‌కు హైకోర్టు ఆదేశం
(హైద‌రాబాద్,న్యూస్ఇన్‌)
హైడ్రా కమిషనర్ రంగనాథ్ పై హై కోర్టు మ‌రోసారి ఆగ్ర‌హం వ్య‌క్తం చేసింది.సమన్లు జారీ చేసినా విచారణకు హాజరుకాకపోవడంపై హైకోర్టు ఘాటుగా స్పందించింది. హైడ్రా కమిషనర్ రంగనాథ్‌ను వచ్చే మంగళవారం కోర్టులో హాజరుపరచాలని డీజీపీని ఆదేశించింది. వ్యక్తిగత హాజరు నుంచి మినహాయింపు కోరుతూ రంగనాథ్, శంషాబాద్ ఎమ్మార్వో దాఖలు చేసిన పిటిషన్లను కొట్టివేసింది. శంషాబాద్ ఎమ్మార్వోను కూడా కోర్టులో హాజరుపరచాలని సైబరాబాద్ పోలీస్ కమిషనర్‌కు ఆదేశాలు జారీ చేసింది.