తెలంగాణాలో భారీగా ఐపీఎస్ అధికారుల బ‌దిలీలు
(హైదరాబాద్,క్రైం బ్యూరో)
రాష్ట్రంలో భారీగా ఐపీఎస్ బ‌దిలీలు జ‌రిగాయి. ఐపీఎస్ అధికారుల‌కు ప‌లువురికి కీల‌క బాధ్య‌త‌ల‌ను స‌ర్కార్ అప్ప‌గించింది. మ‌రికొంత మందికి అంత‌గా ప్రాధాన్య‌త లేని పోస్టుల్లో నియ‌మించింది. గ్రేట‌ర్ ఎన్నిక‌లు నిర్వ‌హిస్తార‌ని జ‌రుగుతున్న ప్ర‌చారం నేప‌త్యంలో న‌గ‌ర పోలీస్ క‌మిష‌న‌ర్ గా మహేష్ భగవత్ ను నియ‌మించింది. ఇప్ప‌టి వ‌ర‌కు ఈ స్థానంలో ఉన్న సజ్జనార్ కు అంత‌గా ప్రాధాన్య‌త లేని పోస్టింగ్ ఇచ్చింది. ఫైర్,డిజాస్టర్ మేనేజ్ మెంట్ రెస్పాన్స్ డీజీగా సజ్జనార్ ను నియ‌మించింది. ప‌లువురు అధికారుల‌కు అదనపు బాద్య‌త‌ల‌ను ప్ర‌భుత్వం అప్ప‌గించింది. ఐపీఎస్ అధికారుల బ‌దిలీలు జ‌రుగ‌డంతో ఇక ఐఏఎస్ అధికారుల బ‌దిలీల‌పై ప్ర‌భుత్వం క‌స‌ర‌త్తు చేస్తోంద‌న్న ప్ర‌చారం జ‌రుగుతోంది. 21 మంది ఐపీఎస్ అధికారుల బ‌దిలీలు-పోస్టింగ్ లు ఇలా ఉన్నాయి.
జైళ్ల శాఖ డీజీగా ఉన్న డాక్టర్ సౌమ్య మిశ్రా బదిలీ
డీజీపీ, మహిళా భద్రత విభాగం, షీ టీమ్స్, భరోసా విభాగాల డీజీపీగా సౌమ్య మిశ్రాకు బాధ్యతలు
పోలీస్ ఆర్గనైజేషన్, పోలీస్ లీగల్ విభాగాల డీజీపీగా అదనపు బాధ్యతలు
పోలీస్ ఆర్గనైజేషన్, హోంగార్డ్స్ డీజీపీగా ఉన్న స్వాతి లక్రా బదిలీ
జైళ్లు, కరెక్షనల్ సర్వీసెస్ డీజీగా స్వాతి లక్రా నియామకం
హోంగార్డ్స్ డీజీపీగా అదనపు బాధ్యతలు
హైదరాబాద్ పోలీస్ కమిషనర్‌గా మహేష్ మురళీధర్ భగవత్ నియామకం
సీవీ సజ్జనార్ స్థానంలో మహేష్ భగవత్
ఏసీబీ డైరెక్టర్ జనరల్‌గా చారు సిన్హా నియామకం
సీఐడీ డీజీపీగా చారు సిన్హాకు అదనపు బాధ్యతలు
టీజీఎస్‌ఆర్టీసీ ఛైర్మన్, మేనేజింగ్ డైరెక్టర్‌గా అనిల్ కుమార్ నియామకం
గ్రేహౌండ్స్, ఆక్టోపస్ డీజీగా అనిల్ కుమార్ స్థానంలో విక్రమ్ సింగ్ మాన్..
తెలంగాణ ఫైర్, డిజాస్టర్ రెస్పాన్స్ డీజీగా వీసీ సజ్జనార్ నియామకం
సివిల్ సప్లైస్ కమిషనర్‌గా వై. నాగిరెడ్డి నియామకం
అదనపు డీజీపీగా సంజయ్ కుమార్ జైన్‌కు ట్రైనింగ్ బాధ్యతలు
పోలీస్ హౌసింగ్ కార్పొరేషన్ బాధ్యతలతో పాటు అదనపు డీజీపీగా విక్రమ్ సింగ్ మాన్
తెలంగాణ ట్రాఫిక్ మేనేజ్‌మెంట్, రోడ్ అండ్ రైల్ సేఫ్టీ బ్యూరో డైరెక్టర్‌గా ఎం. స్టీఫెన్ రవీంద్ర
అదనపు డీజీపీ (L&O)గా ఆకున్ సబర్వాల్ నియామకం
ఐజీ, డీఐజీ స్థాయిలో మార్పులు…
యాంటీ కరప్షన్ బ్యూరో ఐజీగా ఎస్. చంద్రశేఖర్ రెడ్డి
ఇంటెలిజెన్స్ ఐజీగా కార్తికేయ నియామకం
రైల్వే ఐజీగా కే. రమేష్ నాయుడు
రోడ్ సేఫ్టీ, ట్రాఫిక్ విభాగాల్లో జాయింట్ డైరెక్టర్‌గా డి. జోయల్ డేవిస్
డీఐజీ ఇంటెలిజెన్స్‌గా ఆర్. భాస్కరన్‌కు అదనపు బాధ్యతలు
డీఐజీ జోన్-2 బాసరగా కే. నారాయణ నాయక్
డీఐజీ కోఆర్డినేషన్‌గా ఎల్.ఎస్. చౌహాన్
డీఐజీ జోన్-6 చార్మినార్‌గా అదనపు బాధ్యతలు..
డీఐజీ జోన్-8 జోగులాంబగా చందనా దీప్తికి అదనపు బాధ్యతలు
డిప్యూటీ డైరెక్టర్ (అడ్మిన్), టీజీ-టీఎంఏఆర్ఎస్‌గా బాలాదేవి
హైదరాబాద్ సిటీ డీసీపీ (SM&IT)గా వి. అరవింద బాబు నియామకం