అంత‌ర్జాతీయంక్రీడ‌లుట్రెండింగ్ వార్త‌లు

భారత్‌ సంచలనం.. చివరి బంతికి పాకిస్థాన్‌పై గెలుపు..!

  • అండర్‌-19 ఆసియా కప్ ఫైనల్‌లో ఉత్కంఠభరిత విజయం

(న్యూస్ఇన్, స్పోర్ట్స్ బ్యూరో)

అండ‌ర్ -19 క్రికెట్ లో భార‌త జ‌ట్టు పాకిస్థాన్ పై థ్రిల్లింగ్ విజ‌యం సాధించింది. చివ‌రి బంతి వ‌ర‌కు సాగిన ఉత్కంఠ పోరులో విజ‌యం ద‌క్కించుకుంది. పాకిస్థాన్ ముందుగా బ్యాటింగ్ చేసి 338 ప‌రుగుల భారీ ల‌క్ష్యాన్ని భార‌త్ ముందు ఉంచింది. భారీ ల‌క్ష్య ఛేద‌న‌లో భార‌త్ ఒక ద‌శ‌లో ఓట‌మి అంచుదాకా వెళ్లింది. ఈ మ్యాచ్ లో భార‌త్ ఓట‌మి ఖాయ‌మ‌న్న అంచనా వేసుకున్నారు. కానీ అనూహ్యంగా భార‌త్ సంచ‌ల‌న విజ‌యం ద‌క్కించుకుంది. ప‌దో నంబ‌ర్ బ్యాట్స్ మెన్ గా బ‌రిలో దిగిన మోహిత్ ఉల్వా అద్బుత ఇన్నింగ్స్ తో భారీ ఆసియా క‌ప్ త‌న ఖాతాలో వేసుకుంది.

భారత బౌలర్లకు పరీక్ష

ఒమన్‌లోని అల్‌ అమరత్‌ క్రికెట్‌ మైదానంలో టాస్‌ గెలిచిన పాకిస్థాన్ తొలుత బ్యాటింగ్‌ ఎంచుకుంది. భారత బౌలర్లపై ఆరంభం నుంచే పాక్ బ్యాట‌ర్లు ఎదురుదాడికి దిగారు. ఓపెన‌ర్ ఉస్మాన్ ఖాన్ సెంచ‌రీ న‌మోదు చేయ‌డంతో…భారీ స్కోరుకు బాట‌లు వేశారు. ఉస్మాన్ 111 బంతుల్లో 107 పరుగులు సాధించి జట్టు భారీ స్కోరు దిశ‌గా న‌డిపించారు. అబ్దుల్ ఖాదిర్ 54 బంతుల్లో 80 పరుగులతో విరుచుకుపడగా, కెప్టెన్ ఫర్హాన్ యూసఫ్ 60 బంతుల్లో 63 పరుగులు చేశాడు.వీరి దూకుడుతో పాకిస్థాన్ నిర్ణీత 50 ఓవర్లలో 9 వికెట్ల నష్టానికి 337 పరుగులు చేసింది. భారత్‌ తరఫున కావ్య పటేల్ నాలుగు వికెట్లు తీసుకునా్న‌రు. చిగురుపాటి వెంకట మూడు వికెట్లతో త‌న వంతు పాత్ర పోషించారు. అర్జున్ రాజ్‌పుత్ ఒక వికెట్ తీసుకున్నారు.భారత జ‌ట్టు బౌలింగ్‌లో లోపాలు కూడా స్పష్టంగా కనిపించాయి. ప‌వ‌ర్ ప్లే త‌రువాత కూడా పాక్ బ్యాట‌ర్లు య‌ధేఛ్చ‌గా ప‌రుగులు రాబ‌ట్టుకున్నారు. అబ్దుల్ ఖాదిర్ దూకుడును అడ్డుకోవడంలో భారత బౌలర్లకు ఇబ్బంది గా మారింది.

U-19 INDIAN TEAJM

సెహ్వాగ్, లక్ష్య రాయిచందాని శుభారంభం….

338 పరుగుల లక్ష్యంతో బరిలోకి దిగిన భారత జట్టుకు ఓపెనర్లు ఆర్యవీర్ సెహ్వాగ్, కెప్టెన్ లక్ష్య రాయిచందాని శుభారంభాన్ని అందించారు. వీరిద్దరూ తొలి వికెట్‌కు 117 పరుగులు జోడించి భారత్‌కు ఆసియా క‌ప్ పై ఆశ‌లు క‌ల్పించారు. ఆర్యవీర్ సెహ్వాగ్ 58 పరుగులతో ఆకట్టుకున్నారు. కెప్టెన్ రాయిచందాని బాధ్యతాయుతమైన ఇన్నింగ్స్‌తో జట్టును ముందుకు నడిపించాడు. 101 బంతుల్లో 80 పరుగులు సాధించారు. ఈ భాగ‌స్వామ్యం విడిపోవ‌డంతో…. వరుసగా వికెట్లు కోల్పోయింది. దీంతో పాకిస్థాన్ మ్యాచ్ లో పై చేయి సాధించిన‌ట్ల‌యింది.

వరుస వికెట్లతో కష్టాల్లో భారత్….

పాకిస్థాన్ బౌలర్లు మిడిల్ ఓట‌ర్ల‌లో కట్టుదిట్టంగా బౌలింగ్ చేయడంతో భారత బ్యాటర్లు బ్యాటింగ్ చేసేందుకు ఇబ్బందులు ప‌డాల్సి వ‌చ్చింది. ప‌రుగులు సాధించే క్ర‌మంలో వ‌త్తిడిని ఎదుర్కోలేక వ‌రుస‌గా భార‌త జ‌ట్టు వికెట్లు కోల్పోయింది. కీలక సమయంలో రనౌట్లు, వికెట్ల పతనం జట్టు విజయావకాశాలు స‌న్న‌గిల్లాయి.ఒక దశలో భారత్ 252 పరుగులకే ఎనిమిది వికెట్లు కోల్పోయి 48 బంతుల్లో 86 పరుగులు చేయాల్సి ఉండ‌గా…. రెండు వికెట్లు మాత్రమే మిగిలి ఉన్నాయి…..ప్రధాన బ్యాటర్లు పెవిలియన్ చేరడంతో పాకిస్థాన్ విజయం లాంఛ‌నంగా ప‌రిస్థితులు మారిపోయాయి.

పాక్ పై మొహిత్ ఉల్వా విజ‌యం….

INDIA WON THE U-19 ASIA CUP

భారత్‌ ఓటమి అంచున ఉన్న సమయంలో పదో స్థానంలో బ్యాటింగ్‌కు వచ్చిన మొహిత్ ఉల్వా పాక్ కు కొర‌క‌రాని కొయ్య‌గా మారాడు. పాకిస్థాన్ బౌల‌ర్ల‌పై ఎదురుదాడికి దిగారు. బౌండ‌రీలు, సిక్స‌ర్ల‌తో మ్యాచ్ ను ఉత్కంఠ భ‌రితంగా మార్చారు. క్ర‌మంగా విజయానికి చేరువవుతున్న కొద్దీ…..మ్యాచ్ పై టెన్ష‌న్ పెరిగింది. విజ‌యం ఇరుజ‌ట్ల‌ను దోబూచులాడుకునేలా మారింది. చివ‌రి వికెట్ సాధిస్తే…పాక్ విజ‌యం సాధిస్తుంది….48వ ఓవ‌ర్లో 309 ప‌రుగుల వ‌ద్ద 9వ వికెట్ కూడా కోల్పోవ‌డంతో పాక్ మ‌రోసారి పై చేయి సాధించిన‌ట్లు క‌నిపించింది. క్రీజులో కుదురుకున్న మోహిల్ ఉల్వా త‌న ప‌ట్టును నిలుపుకుటూ . కేవలం 26 బంతుల్లోనే 49 పరుగులు సాధించి అజేయంగా నిలిచారు.మరోవైపు మనల్ చౌహాన్ 47 పరుగులతో మ్యాచ్ లో త‌న వంతు కీల‌క బాధ్య‌త‌లు నిర్వ‌హించాడు. ఒక వికెట్ దూరంలో మొహిత్‌కు సహకరించిన చిగురుపాటి వెంకట్ 8 బంతుల్లో అజేయంగా 11 పరుగులతో నిలిచారు. చివ‌రి రెండు ఓవ‌ర్ల‌లో భార‌త్ జ‌ట్టు విజయానికి కావా్ల‌సిన ప‌రుగులు, పాక్ విజ‌యానికి ఒక్క వికెట్ దూరంలో నిలవ‌డంతో మ‌రింత ఆస‌క్తి రేపింది.

చివరి బంతికి బౌండరీ తో భార‌త్ కు ద‌క్కిన విజ‌యం….

చివ‌రి ఓవ‌ర్లో పాక్ స్పిన్న‌ర్ ఎదుర్కోవ‌డంలో మోహిత్, వెంక‌ట్ లు ఎంతో చాక‌చ‌క్యంగా వ్య‌వ‌హ‌రించారు. చివ‌రి బంతికి 3 ప‌రుగులు అవ‌స‌ర‌మ‌య్యే ప‌రిస్థితి రావ‌డంతో బౌండ‌రీ కి బంతిని త‌ర‌లించి క‌ప్ ను అందించారు.
50 ఓవర్లలో 9 వికెట్లు కోల్పోయి 339 పరుగులు చేసిన భారత్‌ ఒక వికెట్ తేడాతో అద్భుత విజయాన్ని అందుకుంది. దాదాపు చేజారిపోయిన మ్యాచ్‌ను మొహిత్ ఉల్వా తన అసాధారణ బ్యాటింగ్‌తో గెలిపించడం ఈ ఫైనల్‌లో హైలైట్‌గా నిలిచింది.

భారత యువ క్రికెట్‌కు కొత్త ఉత్సాహం

U-19 FINAL INDIAN CRICKET TEAM

ఈ విజ‌యంతో భార‌త యువ జ‌ట్టు పోరాట పటిమ మ‌రోసారి వెలుగులోకి వ‌చ్చింది. ఓపెనర్ల శుభారంభం, కెప్టెన్ బాధ్యతాయుత ఇన్నింగ్స్, మనల్ చౌహాన్ పోరాటం, మొహిత్ ఉల్వా అసాధారణ ముగింపు భారత్‌ విజయానికి ప్రధాన కార‌ణం అయ్యాయి.లీగ్ ద‌శ‌లో పాక్ చేతిలో ఓట‌మి చ‌వి చూసిన భార‌త్ అస‌లైన స‌మ‌యంలో మాత్రం పాక్ పై విజ‌యం సాధించింది.

మ్యాచ్ ముఖ్యాంశాలు

అంశంవివరాలు
పాకిస్థాన్337/9 (50 ఓవర్లు)
భారత్339/9 (50 ఓవర్లు)
ఫలితంభారత్ 1 వికెట్ తేడాతో విజయం
ఉస్మాన్ ఖాన్107 పరుగులు
అబ్దుల్ ఖాదిర్80 పరుగులు
ఫర్హాన్ యూసఫ్63 పరుగులు
లక్ష్య రాయచందాని80 పరుగులు
ఆర్యవీర్ సెహ్వాగ్58 పరుగులు
మనల్ చౌహాన్47 పరుగులు
మొహిత్ ఉల్వా49 నాటౌట్ (26 బంతులు)
కావ్య పటేల్4 వికెట్లు
చిగురుపాటి వెంకట3 వికెట్లు

Leave a Reply

Your email address will not be published. Required fields are marked *