హార్వర్డ్ లో 6 రోజుల కోర్సు..…రూ.7 లక్షల ఫీజు
(హైదరాబాద్,న్యూస్ఇన్)
దావోస్ పర్యటన అనంతరం హార్వర్డ్ యూనివర్జిటీలో విద్యాభ్యాసం కోసం సీఎం రేవంత్ రెడ్డి అయిదు రోజుల పర్యటనకు ఆమెరికా వెళ్లారు. హర్వార్డ్ కెన్నెడీ స్కూల్ లో నిర్వహించిన తరగతులకు ఆయన హాజరయ్యారు. 21వ శతాబ్దంలో నాయకత్వం అనే కోర్సును సీఎం పూర్తి చేశారు. ఆమెరికాలో ఇటీవలి కాలంలో భారీగా మంచుకురుస్తుండడం ఉష్ణోగ్రతలు పూర్తిగా తగ్గిపోయాయి. ఉదయం 7 గంటల నుంచి సాయంత్రం 6 గంటల వరకు రోజుకు 11 గంటల వరకు సీఎం కోర్సు లో భాగంగా యూనివర్సిటీ తరగతులకు హాజరయ్యారు. చివరి రోజు ఈ బ్యాచ్ లో ఉన్న 62 మంది ఔత్సాహిక విద్యార్థులకు యూనివర్సిటీ సర్టిఫికెట్లు అందచేసింది. శనివారం ఆర్ధరాత్రి సీఎం హైదరాబాద్ కురానున్నారు. తెలంగాణాకు వచ్చిన వెంటనే మున్సిపల్ ఎన్నికలపై దృష్టి పెట్టనున్నారు. 2వ తేదీన రాష్ట్ర రాజకీయాల్లో పరిణామాలపై అందుబాటులో ఉన్న మంత్రులతో భేటీ అయి చర్చించనున్నట్లు తెలుస్తోంది.
ఈ కోర్సు అడ్మిషన్ ,ఫీజు….
ఆరు రోజుల పాటు నిర్వహించే ఈ కోర్సును ఎవరైనా చేరే అవకాశం ఉంటుంది.21వ శతాబ్దంలో నాయకత్వం వరుసగా ఆరు రోజుల పాటు యూనివర్సిటీలో జరిగే తరగతులకు హాజరు కావాలి. ఇలాంటి కోర్సులు ముఖ్యంగా కీలక బాధ్యతల్లో ఉన్న వారు చేరుతుంటారు. విద్యాభ్యాసం చేస్తున్న వారికి ఇలాంటి కోర్సులో అడ్మిషన్ యూనివర్సిటీ ఇవ్వదు. కానీ ఉద్యోగులు, పారిశ్రామిక వేత్తలు, రాజకీయ నాయకులు ఆయా రంగాల్లో 8 నుంచి 10 ఏళ్ల అనుభవం ఉన్న వారికి మాత్రమే కోర్సులో చేరేందుకు అర్హతగా యూనివర్సిటీ నిర్ణయించింది. భారత కరెన్సీలో ఈ కోర్సు ఫీజు 6.50 లక్షల నుంచి 8.25 లక్షల వరకు ఉంటుంది. ప్రతి బ్యాచ్ పరిస్థితికి అనుగుణంగా ఫీజులో స్వల్ప మార్పులు ఉంటాయి. ఈ యూనివర్సిటీలో అడ్మిషన్ పొందేందుకు ఆన్ లైన్ లో దరఖాస్తు చేసుకోవాల్సి ఉంటుంది. యూనివర్సిటీ ఎంపిక చేస్తే ఫీజు కూడా ముందుగానే చెల్లిస్తే ఆమెరికా పర్యటన కు విసా ఏర్పాట్లు చేసుకునేలా యూనివర్సిటీ సాధారణ పౌరులకు కూడా అన్ని అనుమతులు వచ్చేలా కావాల్సిన పత్రాలను అందిస్తుంది.
Leave a Reply