(హైదరాబాద్,న్యూస్ ఇన్)
మరో రెండు రోజుల్లో హైదరాబాదులో ప్రముఖ ఫుట్ బాల్ క్రీడాకారుడు ది గోట్ లియోనియల్ మెస్సి పర్యాటించనున్నారు. 13వ తేదీన ఉప్పల్ స్టేడియంలో ఫ్రెండ్లీ మ్యాచ్ లో మెస్సి పాల్గొంటారు. ఈ మ్యాచ్ లో బరిలో దిగేందుకు ముఖ్యమంత్రి రేవంత్ రెడ్డి రెడీ అవుతున్నారు. గత కొద్దిరోజులుగా వరుసగా సీఎం ఫుట్ బాల్ ఆడుతూ ప్రాక్టీస్ చేస్తున్నారు. రెండు రోజులపాటు ప్రభుత్వం తెలంగాణ రైసింగ్ గ్లోబల్ సమ్మిట్ నిర్వహించింది. అంతర్జాతీయ క్రీడాకారుడు మెస్సి హైదరాబాద్ పర్యటన ఖరారు కావడంతో….ఈ సమ్మిట్ ను మరో నాలుగు రోజులు పొడగించి…. ప్రజాపాలన వారోత్సవాలను 13వ తేదీన ముగించాలని నిర్ణయం తీసుకుంది. మెస్సి పర్యటనను ప్రజాపాలన వారోత్సవాలను ముగింపు కార్యక్రమంగా వినియోగించుకునేందుకు ఏర్పాట్లు చేస్తోంది.
మెస్సి పర్యటనను పురస్కరించుకొని ప్రభుత్వం అత్యంత ప్రతిష్టాత్మకంగా ఏర్పాట్లు చేస్తోంది. రాష్ట్ర ప్రతిష్టను అంతర్జాతీయ స్థాయికి తీసుకు వెళ్లేందుకు ఇది ఒక అవకాశంగా సర్కార్ భావిస్తుంది. అందులో భాగంగానే మెస్సి ఆడే ఫ్రెండ్లీ మ్యాచ్ లో ఫుట్ బాల్ క్రీడాకారుడైన సీఎం రేవంత్ రెడ్డి స్వయంగా రంగంలోకి దిగాలని నిర్ణయం తీసుకన్నారు.
మెస్సి తో మ్యాచ్ కోసం ఎదురు చూస్తున్నట్లు రెండు వారాల క్రితం సీఎం రేవంత్ ట్వీట్ చేశారు. మెస్సి జెర్సీ 10 నంబర్ తో ఫ్రెండ్లీ మ్యాచ్లో ఆడుతుండగా…. సీఎం రేవంత్ రెడ్డి తన లక్కీ నెంబర్ 9 తో బరిలో దిగనున్నారు. ఇందుకు సంబంధించి సీఎం స్పోర్ట్స్ డ్రెస్ రెడీ అయిందనీ సీఎం అనుచరులు సోషల్ మీడియాలో షేర్ చేస్తూ… సంబరపడిపోతున్నారు. మెస్సితో మ్యాచుకు రేవంత్ ఈ డ్రెస్ లోనే ఉంటారంటూ ఫోటో లు వైరల్ అవుతున్నాయి.
మెస్సి హైదరాబాద్ పర్యటన సందర్భంగా…. ప్రైవేటు నిర్వాహకులు మెసేజ్ ఫోటో సెషన్ ఏర్పాటు చేశారు…. అయితే ఇది సాదాసీదా వ్యక్తులకు సాధ్యమయ్యే పనిలా లేదు. మెస్సి తో ఫోటో దిగాలంటే 10 లక్షల రూపాయలకు పైగా నిర్వాహకులకు చెల్లించాల్సిందే.
ఇది కూడా తొలి వందమందికే అవకాశం కల్పిస్తామంటూ నిర్వాహకులు ప్రకటించారు. ఉప్పల్ స్టేడియంలో మెస్సి కార్యక్రమానికి సంబంధించి టికెట్ల విక్రయాలు జరుగుతున్నాయి.అంతర్జాతీయ క్రీడాకారుడు హైదరాబాద్ వస్తుండడంతో స్వయంగా డిజిపి శివధర్ రెడ్డి రంగంలోకి దిగి ఉప్పల్ స్టేడియంలో ఏర్పాట్లపై సమీక్ష నిర్వహించి ఎప్పటికప్పుడు పర్యవేక్షిస్తున్నారు.
Leave a Reply