- ఆందోళనలో హోటల్ యాజమానులు
(హైదరాబాద్,న్యూస్ఇన్)
ఇరాన్- ఇస్రాయిల్, అమెరికా మధ్య జరుగుతున్న యుద్ధ ప్రభావం నాలుగురోజుల ముందే తెలుగు రాష్ట్రాల్లో మొదలైంది. వాణిజ్య వినియోగానికి వినియోగించే గ్యాస్ సిలిండర్లు సరఫరా చేయలేమని గ్యాస్ ఏజన్సీలు చేతులు ఎత్తివేయడంతో హోటల్ నిర్వాహకుల్లో ఆందోళన మొదలైంది. ఈ సమస్య ఆధ్యాతిక నగరం తిరుపతి లో మొదలు కాగా ఒక్కొక్క నగరాన్ని తాకుతూ వస్తోంది. బెంగుళూరులో హోటల్ యజమానులు గ్యాస్ సిలిండర్ల సరఫరాపై ఆందోళన కూడా వ్యక్తం చేస్తూ నిరసన ప్రదర్శన చేశారు. ముంబాయి,చెన్నై లలో దాదాపు ఇదే పరిస్థితి తాజాగా ఈ గ్యాస్ సెగ హైదరాబాద్ హోటళ్లను తగిలింది. గ్యాస్ సరఫరాను చేయలేమన్న సంకేతాలుగ్యాస్ ఏజన్సీలు ఇవ్వడంతో ఈ ప్రభావం ప్రజలపై కూడా పెద్ద ఎత్తన పడనుంది. రోజు రాజధాని హైదరాబాద్ కు లక్షలాది మంది ప్రజలు రాకపోకలు సాగిస్తుంటారు వారంతా హోటళ్లపైనే ప్రధానంగా ఆధరపడుతారు. దీంతో పాటు లక్షలాది మంది కార్మికులు కూడా హోటల్ రంగంపై ఆధార పడి జీవనం సాగిస్తుంటారు. హైదరాబాద్ లో హోటల్ అసోసియేషన్ అత్యవసరంగా సమావేశం అయింది. అత్యవసరంగా ఎలాంటి చర్యలు తీసుకోవాలో అన్న అంశంపై చర్చిస్తోంది. లంచ్ సమయంలో కిక్కిరిసి పోయి ఉండే హోటళ్లు ఖాళీగా కనిపిస్తున్నాయి. రోజు కనీసం ఐదు వాణిజ్య సిలిండర్లు వాడే హోటళ్లకు రెండు కంటే ఎక్కువగా లభ్యం కాకపోవడంతో ఇబ్బందులు ఎదురౌతున్నాయని హోటల్ యజమానులు వాపోతున్నారు. ఆ రెండు దక్కాలన్న ఎన్నో ఇబ్బందులు ఎదుర్కోవాల్సి వస్తోందని ఆందోళన వ్యక్తం చేస్తున్నారు. మరో వైపు రంజాన్ సందర్భంగా రాత్రి సమయాల్లో కూడా ఎన్నో హోటళ్లు తెరిచే ఉంటాయి. గ్యాస్ అందకపోవడంతో ప్రత్యామ్నయ ఏర్పాట్లు చేసుకునేందుకు కొంత మంది ఏర్పాట్లు చేసుకుంటున్నారు. సరిపోయినంత గ్యాస్ సిలిండర్ల సరఫరా లేకపోవడంతో…..ఇక ప్రభుత్వం కూడా తక్షణం ఎలాంటి చర్యలు తీసుకుంటుందా అన్నది ఆసక్తి రేపుతున్న అంశంగా మారింది.
గృహవినియోగదారుల ఇబ్బందులు….
పది రోజుల క్రితం వరకు గహ వినియోగదారులు గ్యాస్ బుక్ చేస్తే ఒకటి, రెండు రోజుల్లో సరఫరా అయ్యేది. ఇప్పుడు ఆ పరిస్థితి కనిపించడం లేదు. గతంలో రెండో సిలిండర్ బుక్ చేసుకునేందుకు ఎలాంటి నిర్ణీత గడువు లేదు…కానీ యుద్ధం కారణంగా గ్యాస్ సరఫరాలో తాత్కలిక ఇబ్బందులు మొదలు కావడంతో గ్యాస్ ఏజన్సీలు గృహ వినియోగదారులకు కొత్త నిబంధనలు విధించడం ప్రారంభించాయి. రెండో సిలిండర్ బుక్ చేసుకోవాలంటే కనీసం 25 రోజుల గడువు ఉండాలని చెబుతున్నాయి. ఇది ఇలా ఉంటే ఇప్పటికే గ్యాస్ సిలిండర్ల ధరలను చమురు సంస్థలు భారీగా పెంచాయి.
Leave a Reply