ప్రియుడి కోసం రూ. 2 ల‌క్ష‌ల వాచ్ చోరీ చేసి

(హైద‌రాబాద్,న్యూస్ఇన్‌)

ఆ అమ్మాయి అమాయ‌క‌త్వం, అందం,హుందా త‌నం అన్ని మ‌రిచింది. త‌న ప్రియుడిని సంతోష పెట్టేందుకు భారీ స్కెచ్ వేసింది. ప్రియుడి పుట్టిన రోజు కు ఖ‌రీదైన గిఫ్ట్ ఇవ్వాల‌ని నిర్ణ‌యం తీసుకుంది. ప్రియుడికి స‌ర్ ప్రైజ్ షాక్ ఇచ్చేందుకు భారీ ప్ర‌ణాళిక వేసుకుంది. అంతా బాగనే ఉంది…కానీ సీసీ కెమ‌రాలు అంద‌మైన అమ్మాయి అస‌లు స్వ‌రూపాన్ని బ‌య‌ట పెట్టాయి. ఇక పోలీసులు త‌మ ప‌ని తాము చేశారు.

పోలీసులు తెలిపిన వివ‌రాలు ప్ర‌కారం ఖమ్మం జిల్లా చెందిన 26 ఏళ్ల యువతి తన ప్రియుడితో కలిసి కారులో జూబ్లీహిల్స్‌లోని ఒక ప్రముఖ వాచ్ షోరూమ్‌కి వెళ్లింది. ప్రియుడిని కారులోనే కూర్చోబెట్టి, ఆమె కస్టమర్‌లా లోపలికి వెళ్లింది. అక్కడ సేల్స్‌మెన్‌ను మాటల్లో పెట్టి, సుమారు రూ. 2 లక్షల విలువైన రెండు టీ-సాట్ (Tissot) వాచీలను తన హ్యాండ్‌బ్యాగ్‌లో వేసుకుని అక్కడి నుండి మెల్లగా జ‌రుకుంది..అమ్మాయి వ‌చ్చి వెళ్లిన కొద్ది సేప‌టికి వాచీలు క‌నిపించ‌క‌పోవ‌డంతో షోరూం సిబ్బంది వెంట‌నే అప్ర‌మ‌త్తం అయ్యారు. సీసీటీవిపుటేజీ ప‌రిశీలించి పోలీసుల‌కు ఫిర్యాదు చేశారు. పోలీసులు విచార‌ణ లోభాగంగా ఆ అమ్మాయి వ‌చ్చిన కారు, సీసీ టీవిలో క‌నిపించిన దృష్యాల ఆధారంగా విచార‌ణ మొద‌లు పెట్టారు. హైద‌రాబాద్ లో చోరీ చేసి ఖ‌మ్మం చెక్కేసిన అమ్మాయిని పోలీసులు గుర్తించారు. వాచీల చోరీ కి పాల్ప‌డ్డ కేసులో ఆ అమ్మాయిని అరెస్టు చేసి రిమాండ్ కు త‌ర‌లించారు.