(న్యూఢిల్లీ,న్యూస్ఇన్)
సినీ రంగం లో స్టార్లుగా ఎదిగిన వారే తమిళ రాజకీయాల్లో తమ ముద్ర ఎన్నో ఏళ్లుగా వేస్తూ వస్తున్నారు. సాంప్రదాయ రాజకీయ పార్టీలకు, సాంప్రదాయ రాజకీయాలకు భిన్నంగా తమిళ రాజకీయాలు ద్రవిడ నినాదంపైనే ఎక్కువగా ఆధార పడి ఉంటాయి. ఎంజీ రాంచంద్రన్, జయలలిత వంటి నేతలు సినిమాల్లో తమ మార్క్ వేసుకుని ప్రజల మద్దతు కూడ గట్టడంలో తమ మార్క్ వేసకుని పాలన అందించారు.మాజీ సీఎం కరుణా నిధి సినిమా స్టార్ కాకపోయినా…తన కథలతో సినిమా రంగానికి ఎంతో సన్నిహితంగా మెలిగిన నేతగా గుర్తింపు ఉంది.తమిళ రాజకీయాల్లో ఆ రాష్ట్ర సరళిని పరిశీలించిన పలువురు సీనియర్ నేతలు కూడా రాజకీయ పార్టీలు ఏర్పాటు చేసి తమ అదృష్టాన్ని పరీక్షించుకోవాలని ప్రయత్నాలు చేశారు.
తమిళంలో సూపర్ స్టార్ గా గుర్తింపు ఉన్న రజినీకాంత్….. గత ఎన్నికలకు ముందు రాజకీయ పార్టీలను ఏర్పాటు చేసేందుకు అంతా సిద్ధం చేశారన్న ప్రచారం జరిగింది. రజనీ కాంత్ పార్టీ ఏర్పాటుపై వెనక్కి చివరి నిమిషంలో వెనక్కి తగ్గారు. తమిళ హీరోలైన విజయ్ కాంత్ కూడా రాజకీయ పార్టీని డీఎండీకే పేరుతో ఏర్పాటు చేశారు. ఒక ఎన్నికల్లో ఆ రాష్ట్రంలో ప్రధాన పార్టీగా గుర్తింపు పొందిన ఏఐఏడిఎంకే పార్టీతో పొత్తుపెట్టుకుని భారీగానే సీట్లు సాధించారు. ప్రభుత్వంలో భాగస్వామ్యం కూడా అయ్యారు. ఆ తరువాత జరిగిన ఎన్నికలో ఒంటరిగా పోటీ చేసి ఒక్క స్థానం కూడా సాధించలేకపోయారు.కాల క్రమణే ఆ పార్టీని ప్రజలు పూర్తిగా విస్మరించారు. మరో సినీ హీరో కమల్ హసన్ కూడా తమళ రాజకీయాలను శాసిస్తానన్న ధీమాతో మక్కల్ నీధి మయ్యం పేరుతో పార్టీ ని గత అసెంబ్లీ ఎన్నికలకు ముందు మొదలు పెట్టారు. కాని చివరి నిమిషయంలో డీఎంకే తో ఒప్పందం కుదుర్చుకుని కమల్ హసన్ రాజ్యసభకు అవకాశం దక్కించుకున్నారు.
వివాదాల నుంచి విజయం వరకు…..
ఈ పరిస్థితులను గమనించిన విజయ్ పార్టీ మొత్తం అన్నీ తానై మాత్రమే నిర్వహించారు. బలమైన నేతలు ఎవరూ పార్టీలో లేరు. కీలకమైన నేతలు ఇతర పార్టీల నుంచి వలస రాలేదు…ఆ దిశగా విజయ్ ప్రణాళికలు అమలు చేయలేదు. టీవీకేతో కలిసి వచ్చి తమ అదృష్టాన్ని పరీక్షించుకునేందుకు వచ్చిన నేతలకే అవకాశం కల్పించారు. క్షేత్ర స్థాయిలో పోల్ మేనేజ్ మెంట్ చేసే యంత్రాంగం కూడా టీవీకే కు లేదు. తనకు న్న క్రేజీ తో … ప్రస్తుతం అధికారంలో ఉన్న ప్రభుత్వంపై ఉన్న వ్యతిరేకత, ఏఐఏడిఎంకే లో ఉన్న నాయకత్వ లోపం వంటి అంశాలు విజయ్ థళపతికి ఎన్నికల్లో కలిసి వచ్చాయి.
Leave a Reply