గెలుపు దిశగా విజయ్ కారు డ్రైవర్ కొడుకు

(చెన్నై, న్యూస్ఇన్)

తమిళనాడు అసెంబ్లీ ఎన్నికల ఫలితాలు దేశవ్యాప్తంగా సంచలనం సృష్టిస్తున్నాయి. ఎగ్జిట్ పోల్స్ కు భిన్నంగా టీవీకే పార్టీ భారీ ఆధిక్యత సాధించింది. టి వి కే హవాలో సీఎం స్టాలిన్ కూడా ఓటమి ఎదుర్కొక తప్పలేదు. 30 ఏళ్ల తర్వాత స్టాలిన్ తొలిసారి ఈ ఎన్నికల్లో ఓటమి చవిచూసారు. పార్టీకి బలమైన లీడర్లు, క్యాడర్ లేకపోయినా.. 234 నియోజకవర్గాల్లో విజయ్ అభ్యర్థిగానే ఓటు వేయాలని ఎన్నికల ప్రచారంలో విజయ్ వ్యాఖ్యలు చేస్తూ వచ్చారు. విరుగంబాక్కం నియోజకవర్గ ఫలితం రాజకీయంగా మరింత ఆసక్తి రేపుతుంది. చెన్నై నగరంలోని ఈ నియోజకవర్గ లో విజయ్ కార్ డ్రైవర్ గా పనిచేస్తున్న వ్యక్తి కొడుకుని అభ్యర్థిగా ఎంపిక చేశారు. కౌంటింగ్లో ‘విరుగంబాక్కం’ నియోజకవర్గంలో టివీకే అభ్యర్థి శభరినాథన్ 16వేల కు పైగా ఓట్లతో ముందంజలో ఉన్నారు. DMK అభ్యర్థి ప్రభాకర రాజా రెండో స్థానానికి పరిమితమయ్యారు. సామాన్య కుటుంబానికి చెందిన వ్యక్తి అధికార పార్టీ అభ్యర్థిని వెనక్కి నెట్టి ముందంజలో కొనసాగుతుండటంతో TVK శ్రేణుల్లో ఉత్సాహం నెలకొంది. చెన్నైలో నీ మెజారిటీ నియోజకవర్గాల్లో టీవీకే అభ్యర్థులు విజయం దిశగా అడుగులు వేస్తున్నారు.