(హైదరాబాద్,న్యూస్ఇన్)
హైదరాబాద్ సిటీ పోలీస్ ఫిర్యాదులు స్వీకరించేందుకు aiని ప్రవేశ పెట్టింది. దీన ఆధారంగా భాషలోనైనా ఫిర్యాదు చేసే అవకాశం ప్రజలకు కలుగుతుంది.పోలీస్ స్టేషన్కు వచ్చే బాధితులు భాషా సమస్యలు లేకుండా వేగంగా, ఖచ్చితత్వంతో ఫిర్యాదులను నమోదు చేసుకునేందుకు దేశంలోనే మొదటిసారిగా ‘AI కాప్ రైటర్’
(AI Cop Writer) అనే ఆర్టిఫిషియల్ ఇంటెలిజెన్స్ ఆధారిత మొబైల్ యాప్ను అందుబాటులోకి తెచ్చింది.
బంజారాహిల్స్లోని TGICCC వేదికగా జరిగిన కార్యక్రమంలో హైదరాబాద్ సిటీ పోలీస్ కమిషనర్ వి.సి. సజ్జనార్, ఈ యాప్ను అధికారికంగా ప్రారంభించారు.నగరంలోని 80కి పైగా పోలీస్ స్టేషన్లలో అందుబాటులోకి రానున్న ఈ యాప్ ద్వారా, బాధితులు తమ మాతృభాషలో చెప్పే ఫిర్యాదులను పోలీసులు వెంటనే రికార్డ్ చేసి, అనువదించుకునే వీలుంటుంది.హైదరాబాద్ లాంటి గ్లోబల్ సిటీలో తెలుగు, ఇంగ్లీష్ రాని ఇతర రాష్ట్రాల వలస కార్మికులు, పర్యాటకులు ఫిర్యాదులు చేసేటప్పుడు తీవ్ర ఇబ్బందులు పడుతున్నారు. భాష అర్థం కాకపోవడం వల్ల FIR నమోదులో ఆలస్యం కావడం సమాచారం తప్పుగా నమోదు కావడం వంటి సమస్యలు ఉత్పన్నం అయ్యే పరిస్థితి లేదు.
బాధితులకు ఎంతో సునాయసం….
హైదరాబాద్ ఒక గ్లోబల్ సిటీ. భాషా పరిజ్ఞానం లేకపోవడం వల్ల ఏ ఒక్కరికీ న్యాయం దూరం కాకూడదనే లక్ష్యంతోనే ఈ యాప్ను తెచ్చాం. బాధితుడు తన సొంత భాషలో మాట్లాడితే, ఈ యాప్ ప్రతి 5 సెకన్లకు సమాచారాన్ని అప్డేట్ చేస్తూ అధికారిక రికార్డుగా మారుస్తుంది. ఇది వలస కార్మికులు, మహిళలు, వృద్ధులలో పోలీసు సేవలపై నమ్మకాన్ని పెంచుతుందని పోలీస్ కమిషనర్ సజ్జనార్ అన్నారు. నిందితులకు శిక్ష పడేలా చేయడంలో మరియు దర్యాప్తు నాణ్యతను పెంచడంలో ఇది కీలక పాత్ర పోషిస్తుందని చెప్పారు.
HYDERABAD POLICE, AI SERVICES, ALL POLIE STATIONS, AI COMPLAINTS, NO LANGAUAGE PROBELMS, COMMISSIONER SAJJANAR,
Leave a Reply