RCB Vs GT : గుజ‌రాత్ ల‌క్ష్యం 255

(స్పోర్ట్స్ డెస్క్,న్యూస్ఇన్‌)

ఐపీఎల్ ప్లే ఆఫ్స్ లో తొలి మ్యాచ్ రాయ‌ల్ ఛాలెంజ‌ర్స్ బెంగుళూరు, గుజ‌రాత్ టైట‌న్స్ మ‌ధ్య జ‌రుగుతోంది. ముందుగా బ్యాటింగ్ చేసిన రాయ‌ల్ ఛాలెంజ‌ర్స్ ధాటిగా ఇన్నింగ్స్ మొద‌లు పెట్టింది. కీల‌క మ్యాచ్ లో ర‌జ‌త్ పాటిదార్ రాణించి బెంగుళూరు జ‌ట్టుకు భారీ స్కోరు చేశారు. చివ‌రి ఐదో ఓవ‌ర్ల‌లోనే ఆర్సీబీ 100 ప‌రుగులకు పైగా సాధించడం విశేషం.పాటిదార్ 9 సిక్స్ లు , 5 ఫోర్ల‌తో విరుచుకు ప‌డ్డారు. దీంతో 33 బంతుల్లో 93 ప‌రుగులు చేసి నాటౌట్ గా నిలిచారు.20 ఓవ‌ర్ల‌లో 254 ప‌రుగులు ఆర్సీబీ చేసి 255 ప‌రుగుల ల‌క్ష్యాన్ని ఉంచింది.

ఓపెన‌ర్ గా ఈ మ్యాచ్ లో ప్ర‌మోష‌న్ పొందిన వెంక‌టేశ్ అయ్య‌ర్ తొలి ఓవ‌ర్ లోనే సిరాజ్ ను వ‌రుస‌గా 3 ఫోర్లు కొట్టి బెంబేలెత్తించారు. 7 బంతులు మాత్ర‌మే ఎదుర్కొన్ని అయ్య‌ర్ 3 ఫోర్లు, ఒక సిక్స్ తో 19 ప‌రుగులు చేసి 2 వ ఓవ‌ర్ చివ‌రి బంతికి పెవీలియ‌న్ చేరుకున్నారు. కింగ్ కోహ్లీ, దేవ‌ద‌త్ ప‌డిక్క‌ల్ కూడా స్కోరు జోరును అదే విధంగా కొన‌సాగించారు. ప‌వ‌ర్ ప్లేలోనే దాదాపు 80 ప‌రుగులు చేసి గుజ‌రాత్ కు హెచ్చ‌రిక‌లు పంపారు. కొహ్లీ మొద‌ట్లో ఆచి తూచి ఆడుతున్న‌ట్లు క‌నిపించినా… ఆ త‌రువాత గేర్ మ‌ర్చారు. భారీ షాట్ల‌తో ఆల‌రించారు. 25 బంతులు మాత్ర‌మే ఎదుర్కొన్న కొహ్లీ 5 ఫోర్లు 1 సిక్స్ తో 43 ప‌రుగులు చేసి హోల్ట‌ర్ బౌలింగ్ లో 9 వ ఓవ‌ర్లో 93 ప‌రుగుల వ‌ద్ద వెనుదిరిగారు. ఆ వెంట‌నే ప‌డిక్క‌ల్ కూడా ఔట‌య్యారు. ప‌డిక్క‌ల్ 19 బాల్స్ ఎదుర్కొని 30 ప‌రుగులు చేశారు. ఇందులో 5 ఫోర్లు ఉన్నాయి. ర‌జ‌త్ పాటిదార్, కృనాల్ పాండ్య‌లు కొత్త‌గా క్రీజులోకి వ‌చ్చినా ఎక్కువ బంతులు వేస్ట్ చేయ‌కుండా ఎదురు దాడి మొద‌లు పెట్టారు. ఫోర్లు, సిక్స్ లో గుజ‌రాత్ బౌల‌ర్ల‌పై విరుచుకు ప‌డ్డారు. గుజ‌రాత్ పీల్డ‌ర్లు జార విడిచిన క్యాచ్ లు వీరికి బాగా క‌లిసి వచ్చాయి.

కృణాల్ 28 బంతుల్లోనే 5 ఫోర్లు, 2 సిక్స్ ల‌తో 43 ప‌రుగులు చేసి ర‌బ‌డా బౌలింగ్ లో ఔట‌య్య‌రు. మ‌రో వైపు 20 బంతుల్లో త‌న హాఫ్ సెంచ‌రీ పూర్తి చేసుకున్నారు. కృణాల్ స్థానాల్లో టీం డేవిడ్ బ్యాటింగ్ వ‌చ్చారు. కీల‌క మ్యాచ్ లో పాటిదార్ చెల‌రేగ‌డంతో 16వ ఓవ‌ర్లోనే 200 ప‌రుగుల మైలురాయిని రాయ‌ల్ చాలెంజ‌ర్స్ చేరుకుంది. 14 వ ఓవ‌ర్ వ‌ర‌కు గుజ‌రాత్ బౌల‌ర్లు ఆర్సీబీ బ్యాట‌ర్ల‌ను కంట్రో ల్ చేసినా…. ఆ త‌రువాత మ్యాచ్ స్వరూపం మారిపోయింది. కేవ‌లం 3 ఓవ‌ర్ల‌లోనే దాదాపు 80 ప‌రుగుల‌ను ఆర్సీబీ రాబ‌ట్టుకుంది. గుజ‌రాత్ ఫీల్డింగ్ వైఫ‌ల్యం కూడా ఆర్సీబీ కి క‌లిసి వ‌చ్చింది. కీల‌క మ్యాచ్ లో గుజ‌రాత్ ఫీల్డ‌ర్లు క్యాచ్ లు వద‌ల‌డం, ఫీల్డింగ్ స‌రిగ్గా చేయ‌క‌పోవ‌డంతో భారీగా ప‌రుగులు సాధించేందుకు అవ‌కాశం ద‌క్కింది.