RCB విజ‌యాల‌కు బ్రేకులు వేసిన DC

( స్పోర్ట్స్ డెస్క్, న్యూస్ఇన్‌)

ఆర్సీబీ విజ‌యాల‌కు ఢిల్లీ క్యాపిట‌ల్స్ బ్రేకులు వేసింది. అన్ని రంగాల్లో రాణించి ఢిల్లీ క్యాపిటల్స్ రాయ‌ల్ ఛాలెంజ‌ర్స్ జ‌ట్టును ఓడించింది. ఉత్కంఠ‌గా రేపిన ఈ మ్యాచ్ లో ఒక బంతి మిగిలి ఉండ‌గా విజయం ద‌క్కించుకుంది. ఇన్నింగ్స్ ప్రారంభించిన వెంట‌నే క‌ష్టాల్లో ప‌డ్డ ఢిల్లీ అన్యూహ్యంగా పుంజుకుంది. 3 ఓవ‌ర్ల‌లోపే కేవ‌లం 18 ప‌రుగులు మాత్ర‌మే చేసి 3 కీల‌క వికెట్లు కోల్పోయింది. ఢిల్లీ జట్టు ఓట‌మి ఖాయ‌మ‌న్న ధీమా ఆర్సీబీలో క‌నిపించింది. కానీ…. లోకేష్ రాహూల్, స్ట‌బ్స్ లు 10 ఓవ‌ర్ల వ‌ర‌కు మ‌రో వికెట్ కోల్పోయ‌కుండా 87 ప‌రుగుల వ‌ద్ద‌కు స్కోరును తీసుకెళ్లారు. అక్క‌డ రాహూల్57 ప‌రుగులు చేసి కృనాల్ పాండ్య బౌలింగ్ లో ఔట‌య్యారు. కేవ‌లం 34 బంతులు ఎదుర్కొని 6 ఫోర్లు, 2 సిక్స్ ల‌తో 57 ప‌రుగులు చేశారు. స్ట‌బ్స్ కు అక్ష‌ర్ ప‌టేల్ తోడ‌య్యారు. మ‌రో వికెట్ కోల్పోకుండా స్కోరు ను పెంచుతూ వ‌చ్చారు.

176 ప‌రుగుల విజ‌య ల‌క్ష్యం కావ‌డంతో సునాయ‌సంగా విజ‌యం సాధించ‌వ‌చ్చేన్న ధీమాతో బ్యాటింగ్ చేశారు. అక్ష‌ర్ ప‌టే 19 బంతుల్లో 26 ప‌రుగులు చేసి రిటైర్డ్ హార్ట్ గా వెనుదిరిగారు. స్ట‌బ్స్- డేవిడ్ మిల్ల‌ర్లు ఎక్క‌డా ఆర్సీబీ బౌల‌ర్ల‌కు అవ‌కాశం ఇవ్వ‌లేదు. మిల్లర్ కూడా 10 బంతుల్లో 1 ఫోర్ 2 సిక్స్ ల స‌హాయంతో 22 ప‌రుగులు చేశారు. క్రీజులో నిల‌దొక్కుకుని బ్యాటింగ్ చేసిన స్ట‌బ్స్ 47 బంతుల్లో 60 ప‌రుగులు చేశారు. 4 ఫోర్లు, 1 సిక్స్ స్ట‌బ్స్ ఖాతాలో ఉన్నాయి. మ‌రో బంతి మిగిలి ఉండ‌గానే కేవ‌లం 4 వికెట్లు కోల్పోయి 179 ప‌రుగులు ఢిల్లీ క్యాపిటల్స్ చేసింది. ఆర్సీబీలో వెట‌ర‌న్ బౌల‌ర్ భువ‌నేశ్వ‌ర్ కుమార్ ప్రారంభంలో నిప్పులు చెరిగారు. వ‌రుస ఓవ‌ర్ల‌లో ఢిల్లీ కీల‌క బ్యాటర్ల‌ను ఔట్ చేశారు. భువ‌నేశ్వ‌ర్ కు మ‌రో బౌల‌ర్ స‌హ‌కారంలో లేకుండా ఈ మ్యాచ్ లో ఆర్సీబీ ఓట‌మి పాలైంది.

అంత‌కు ముందు బ్యాటింగ్ చేసిన ఆర్సీబీ 20 ఓవ‌ర్ల‌లో 175 ప‌రుగులు చేసింది. ఆర్సీబీ జ‌ట్టులో ఫిల్ సాల్ట్ 38 బంతు్లో 63 ప‌రుగుల చేశారు. ఇదే ఆ జ‌ట్టు బ్యాట‌ర్ల‌లో అత్య‌ధిక స్కోరు విరాట్ కోహ్లీ జోరు మీద క‌నిపించినా… 19 ప‌రుగుల దగ్గ‌ర తొలి వికెట్ రూపంలో ఔట‌య్యారు. ఐ పీఎలో ప్రారంభం నుంచి ఫాంలో ఉన్న దేవ‌ద‌త్ ప‌డిక్క‌ల్ 18 ప‌రుగులు మాత్ర‌మే చేసి వెను దిరిగారు. టిం డేవిడ్ 17 బంతుల్లో 26ప‌రుగులు చేఆరు. 3 ఫోర్లు 1 సిక్స్ తో దూకుడుగా బ్యాటింగ్ చేశారు.20 ఓవ‌ర్ల‌లో 8 వికెట్లు కోల్పోయి 175 ప‌రుగుల స్కోరుకు ప‌రిమితం అయ్యింది. ఢిల్లీ బౌల‌ర్లు స‌మిష్టిగా ఆర్సీబీపై వ‌త్తిడి పెంచ‌డంతో పాటు వ‌రుస‌గా వికెట్లు ప‌డ‌గొట్టారు. కుల్దీప్, అక్ష‌ర్, ఎంగిడీలు త‌లో రెండు వికెట్లు తీసుకున్నారు.