వరంగల్ సూపర్ స్పెషాలిటీ ఆస్పత్రి పనుల స్పీడ్ పెంచాలని సీఎం ఆదేశం
(న్యూస్ఇన్,హైదరాబాద్ )
రాబోయే 30 రోజుల పాటు ఆస్పత్రి నిర్మాణ పనులు 24 గంటలూ కొనసాగించాలని సీఎం రేవంత్ రెడ్డి అధికారులను ఆదేశించారు. సష్టమైన వర్క్ షెడ్యూల్ రూపొందించి, దాని ప్రకారం పనులు జరిగేలా చూడాలన్నారు. పనుల పర్యవేక్షణకు ప్రత్యేక అధికారులను నియమించి, ప్రతి పనికి ఒక్కో అధికారిని బాధ్యుడిగా నియమించాలని సూచించారు.వరంగల్ సూపర్ స్పెషాలిటీ ఆస్పత్రి నిర్మాణ పురోగతిపై సీఎం సమీక్ష నిర్వహించారు. పనులకు అవసరమైన నిధులను గ్రీన్ ఛానల్లో మంజూరు చేస్తున్నా…. నిర్మాణం ఆశించిన స్థాయిలో వేగంగా సాగకపోవడంపై సీఎం అసంతృప్తి వ్యక్తం చేశారు.
సీఎంఓ అధికారులు తరచూ క్షేత్రస్థాయిలో పర్యటించి పనుల పురోగతిని సమీక్షించాలని సీఎం ఆదేశించారు. వరంగల్ కలెక్టర్ ప్రతిరోజూ ఆస్పత్రి నిర్మాణ పనులను పర్యవేక్షించాలని సూచించారు. వివిధ శాఖల మధ్య సమన్వయం లోపించకుండా కో-ఆర్డినేషన్ కమిటీ ఏర్పాటు చేసి పనులను ముందుకు తీసుకెళ్లాలని చెప్పారు.ఆస్పత్రిలో త్వరగా ఓపీ సేవలు అందుబాటులోకి తీసుకురావడంపై అధికారులు దృష్టి పెట్టాలని సీఎం సూచించారు. సిబ్బంది కోసం క్వార్టర్స్ నిర్మాణ పనులను వెంటనే ప్రారంభించాలని, ఆస్పత్రి నిర్వహణను సమర్థవంతమైన ఏజెన్సీకి అప్పగించే అంశాన్ని పరిశీలించాలని సీఎం సూచించారు.
Fallow us on….https://whatsapp.com/channel/0029Vb7fQokJENxuemz6EL3X
Leave a Reply