నిమ్స్‌లో హెల్త్ సైన్సెస్ కోర్సుల్లో ప్రవేశాలు

(హైదరాబాద్,న్యూస్ఇన్)

హైదరాబాద్‌లోని నిజాం ఇన్‌స్టిట్యూట్ ఆఫ్ మెడికల్ సైన్సెస్ (నిమ్స్) 2026-27 విద్యా సంవత్సరానికి బాచిలర్ ఆఫ్ ఫిజియోథెరపీ (బీపీటీ), బీఎస్సీ నర్సింగ్, బీఎస్సీ అలైడ్ హెల్త్ సైన్సెస్ కోర్సుల్లో ప్రవేశాలకు దరఖాస్తులను ఆహ్వానించింది.

తెలంగాణ రాష్ట్రానికి చెందిన అర్హులైన అభ్యర్థులు మాత్రమే ఈ ప్రవేశాలకు దరఖాస్తు చేసుకోవచ్చని నిమ్స్ డీన్ ప్రొఫెసర్ పి. చంద్రశేఖర్ విడుదల చేసిన నోటిఫికేషన్‌లో పేర్కొన్నారు.అభ్యర్థులు ఆన్‌లైన్‌లో దరఖాస్తు చేసుకోవడానికి, ప్రాస్పెక్టస్ మరియు ఇతర వివరాల కోసం www.nims.edu.in వెబ్‌సైట్‌ను సందర్శించాలని సూచించారు.

అందుబాటులో ఉన్న సీట్ల వివరాలు….

బాచిలర్ ఆఫ్ ఫిజియోథెరపీ (BPT) – 50 సీట్లు

బీఎస్సీ నర్సింగ్ (B.Sc Nursing) – 100 సీట్లు

బీఎస్సీ అలైడ్ హెల్త్ సైన్సెస్ (B.Sc Allied Health Sciences) – 100 సీట్లు

ఆన్‌లైన్ దరఖాస్తుల ప్రారంభం: 27 జూన్ 2026

ఆన్‌లైన్ దరఖాస్తుల చివరి తేదీ: 11 జూలై 2026 సాయంత్రం 5 గంటల వరకు

హార్డ్ కాపీ సమర్పణకు చివరి తేదీ: 14 జూలై 2026 సాయంత్రం 5 గంటల వరకు

ఆన్‌లైన్ దరఖాస్తు హార్డ్ కాపీతో పాటు అవసరమైన ధ్రువపత్రాలను జత చేసి, నిమ్స్ అకాడమిక్-2 విభాగం, ఓల్డ్ ఓపీడీ బ్లాక్, పంజాగుట్ట, హైదరాబాద్-500082 చిరునామాకు వ్యక్తిగతంగా లేదా పోస్టల్ ద్వారా పంపించాలని నోటిఫికేషన్‌లో పేర్కొన్నారు.