విశాఖలో 31వ సీఐఐ భాగస్వామ్య సదస్సు ప్రారంభం.. 58 దేశాల ప్రతినిధుల హాజరు
- ఏఐ, పునరుత్పాదక ఇంధనం
- సెమీకండక్టర్ల తయారీపై ప్రత్యేక దృష్టి
(విశాఖపట్నం, న్యూస్ఇన్)
విశాఖపట్నం వేదికగా 31వ సీఐఐ భాగస్వామ్య సదస్సు 2026 ఘనంగా ప్రారంభమైంది. ‘నేవిగేటింగ్ ద న్యూ వరల్డ్ ఆర్డర్’ (కొత్త ప్రపంచ క్రమంలో దిశానిర్దేశం) ఇతివృత్తంతో భారత పరిశ్రమల సమాఖ్య (సీఐఐ) ఈ సదస్సును నిర్వహిస్తోంది. ముఖ్యమంత్రి చంద్రబాబు నాయుడు, కేంద్ర వాణిజ్య, పరిశ్రమల శాఖ మంత్రి పీయూష్ గోయల్, ఉప ముఖ్యమంత్రి పవన్ కల్యాణ్ కలిసి సదస్సును ప్రారంభించారు.ఈ కార్యక్రమానికి కేంద్ర మంత్రి రామ్మోహన్ నాయుడు, ఐటీ శాఖ మంత్రి నారా లోకేష్, రాష్ట్ర మంత్రులు టీజీ భరత్, బీసీ జనార్దన్ రెడ్డితో పాటు పలువురు ప్రముఖులు హాజరయ్యారు. జీఎంఆర్ గ్రూప్ అధినేత గ్రంథి మల్లికార్జునరావు, కియా ఇండియా ఎండీ, సీఈఓ గ్వాంగ్ లీ, సుచిత్రా ఎల్లా, సీఐఐ అధ్యక్షుడు, టాటా కెమికల్స్ సీఈఓ ఆర్. ముకుందన్ తదితర పారిశ్రామికవేత్తలు పాల్గొన్నారు. 58 దేశాలకు చెందిన ప్రభుత్వ, పారిశ్రామిక ప్రతినిధులు, భారత్‌లోని విదేశీ రాయబారులు సదస్సుకు తరలివచ్చారు.
భవిష్యత్ సాంకేతికతలపై దృష్టి…..
భారత్‌లో ఇండియా ఏఐ మిషన్, పునరుత్పాదక ఇంధన రంగాల్లో చేపడుతున్న కార్యక్రమాలతో ఉత్పాదకత, సాంకేతికతకు ప్రాధాన్యం పెరుగుతోందని సీఐఐ అధ్యక్షుడు ఆర్. ముకుందన్ పేర్కొన్నారు. అభివృద్ధి చెందుతున్న సాంకేతిక రంగాల్లో వివిధ దేశాలతో కలిసి పనిచేయాల్సిన అవసరం ఉందన్నారు.
సోలార్ ప్యానళ్ల తయారీ, బ్యాటరీ ఎనర్జీ స్టోరేజ్, సెమీకండక్టర్లు, ఎలక్ట్రిక్ వాహనాల తయారీలో భారత్ కీలక పాత్ర పోషించాలని సదస్సులో అభిప్రాయపడ్డారు. ఆహార భద్రతను బలోపేతం చేసేందుకు దేశవ్యాప్తంగా వ్యవసాయ ఆధారిత విలువ జోడింపు సరఫరా వ్యవస్థలను (అగ్రి వాల్యూ చైన్స్) విస్తరించాలని సూచించారు. ఈ రంగాల్లో సమగ్ర అభివృద్ధి సాధించినప్పుడే వికసిత్ భారత్, వికసిత్ ఆంధ్రప్రదేశ్ లక్ష్యాలను చేరుకోగలమని సీఐఐ ప్రతినిధులు స్పష్టం చే