(చెన్నై,న్యూస్ఇన్)
తమిళ వెట్రిగ కజగం పార్టీని ఏర్పాటు చేసిన విజయ్ పార్టీ లో చెప్పుకోదగ్గ నాయకులు ఎవరూ చేరలేదు. ఎన్నికలకు ముందు వరకు అభ్యర్థులు ఉన్నారా అనే అనుమానాలు వ్యక్తం అయ్యాయి. తమిళ రాజకీయాల్లో సాంప్రదాయ పార్టీలు, సెంటిమెంట్ తో అధికారం కాపాడుకుంటూ వస్తున్న డీఎంకే, ఏఐఏడిఎంకే లాంటి పార్టీలకు క్షేత్ర స్థాయి వరక క్యాడర్ ఉన్న పార్టీలుగా వేళ్లూను కున్నాయి. విజయ్ అభిమానం సంఘం నేతలే విజయ్ పార్టీకి కీలక నేతలయ్యారు. ఎన్నికలకు ముందు ఒక్కరిద్దరు మినహా పెద్ద లీడర్ల వలసలు కూడా టీవీకే పార్టీలోకి లేవు…కాని ఫలితాలు మాత్రం ఊహించని విధంగా వచ్చాయి. కీలక పార్టీలను రెండు,మూడు స్థానాలకు పరిమితం చేస్తూ తమిళ వెట్రిక కజగం అభ్యర్థులకు 107 స్థానాల్లో విజయం దక్కించుకున్నారు. వీరిలో దాదాపు 90 శాతం కొత్త నేతలుగానే చెబుతున్నారు. అతి తక్కువ మంది మాత్రమే గతంలో రాజకీయ అనుభవం ఉన్న నేతలు అతి తక్కువ మాత్రమే ఉన్నారు.
గెలుపొందిన వారిలో ఒక్కొక్కరి ఒక్కో విజయగాధగా ఈ ఎన్నికలు మార్చాయి. విజయ్ దగ్గర సుదీర్ఘ కాలం గా పనిచేస్తున్న కారు డ్రైవర్ రాజేంద్రన్ కొడుకుకు ఓ నియోజకవర్గ అభ్యర్థిగా విజయ్ ఖరారు చేశారు. చెన్నై నగరంలోని విరుగంబాకం నియోజకవర్గంలో శబరినాథన్ బరిలో నిలిచారు. ఈ సమయంలో తండ్రి కొడుకులను వేదిపై పిలిచి విజయ్ బీ ఇవ్వడం…కొడుకు విజయ్ కాళ్లు మొక్కి కన్నీరు పెట్టుకోవడంతో ఆ వీడియోలు వైరల్ గా మారాయి. అంతే…ఇక ఎన్నికల్లో దాదాపు 18 వేల మెజార్టీతో ఆ శబరినాథన్ విజయం దక్కించుకున్నారు.
ఇక మరో స్థానంలో ఆటో డ్రైవర్ రాయపురం నియోజకవర్గంలో విజయ్ దాము అనే ఆటో డ్రైవర్ ను అభ్యర్థిగా ఖరారు చేశారు.రాయపురం స్థానం నుంచి పోటీ చేసిన దాము దాదాపు 15 వేల ఓట్లతో విజయం దక్కించుకున్నారు. ఈ విజయంతో తమిళనాడులో విజయ్ పేరు మారు మోగింది. సామన్య ప్రజానికం నుంచి అభ్యర్థులగా ఎంపిక చేయడం దాముకు కలిసి వచ్చింది. ఐదు సార్లు అన్నా డీఎంకే పార్టీ నుంచి ఎమ్మెల్యేగా విజయం సాధించిన డి. జయకుమార్ పై దాము విజయం సాధించడం తమిళ రాజకీయాల్లోనే హాట్ హాట్ మారింది.
తిరుపత్తూరు నియోజకవర్గంలో టీవీకే అభ్యర్థిగా పోటీ చేసిన ఆర్. శ్రీనివాస్ సేతుపతి ఒక్క ఓటు తేడాతో సమీప ప్రత్యర్థిపై విజయం దక్కించుకున్నారు. హోరా హోరీ పోరులో అతి తక్కువ మెజార్టీతో గెలుపొందిన సీటు కూడా టీవీకే ఖాతాలో పడింది.ముందుజ నుంచి విజయం దాకా….
Leave a Reply