టీవీకే వ్యూహం……దారికొచ్చిన‌ వీసీకే…..!

(చెన్నై,న్యూస్ఇన్‌)

రాజ‌కీయాల్లో నంబ‌ర్ గేంతోనే అధికారం ఉండ‌డం, కోల్పోవ‌డం జ‌రుగుతుంది. గ‌తంలో ఒకే ఒక్క ఓటు తేడాతో కేంద్ర ప్ర‌భుత్వం ప‌డిపోయింది. సంకీర్ణ రాజ‌కీయాల్లో ఆయా పార్టీలు సాధించే ఒక్క సీటైనా….కీల‌కం మారుతుంది. త‌మిళ‌రాజ‌కీయాల్లో ప్ర‌స్తుతం అదే జ‌రిగింది. రాష్ట్ర వ్యాప్తంగా 108 స్థానాలు కైవ‌సం చేసుకున్న టీవీకే అధికారానికి మ‌రో 10 స్థానాల్లో నిలిచిపోయింది. దీంతో ఇత‌ర రాజ‌కీయ పార్టీల‌పై ఆధార ప‌డ‌క త‌ప్ప‌లేదు. ఒక్కో రాజ‌కీయ పార్టీ ఒక్కో విధంగా టీవీకే ముందు త‌మ డిమాండ్ల‌ను ఉంచుతూ వ‌చ్చింది. అయితే అత్య‌ధిక స్థానాలు గెలిచిన టీవీకేకు ముందుగా కాంగ్రెస్ త‌మ మ‌ద్ద‌తు ప్ర‌ట‌కించింది. నిన్న మొన్న‌టి వ‌ర‌కు డీఎంకేతో ఉన్నా…ఒక్క సారిగా కాంగ్రెస్ త‌న వ్యూహాన్ని మార్చుకుంది.

టీవీకేతో క‌లిసి జాతీయ స్థాయిలో కూడా రాజ‌కీయాలు చేసిన కాంగ్రెస్…. త‌మిళ‌నాడు రాజ‌కీయ ప‌రిస్థితులతో ఒక్క సారిగా త‌న నిర్ణ‌యాన్ని మార్చ‌కోవ‌డం రాజ‌కీయంగా హాట్ హాట్ గా మారింది. ఇది ఇలా ఉంటే త‌మిళ‌నాడులో రెండు స్థానాలు గెలుచుకున్న పార్టీలు కూడా తాజా రాజకీయ ప‌రిణామాలు, విజ‌య్ ద‌ళ‌ప‌తి రాజకీయ అనుభ‌వ రాహిత్యాన్ని త‌మ‌కు అనుకూలంగా మ‌లుచుకునేలా పావులు క‌దిపాయి. దీంతో ఒక ద‌శ‌లో ద‌ళ‌ప‌తి కూడా మా ప్ర‌భుత్వం ఏర్పాటు కాక‌పోతే మూకుమ్మ‌డి రాజీనామాల‌కు సిద్ధం అనే వ‌ర‌కు ప‌రిస్థితులు వెళ్లాయంటే రాజ‌కీయ స‌మీక‌ర‌ణ‌లు ఎలా మారాయో అర్ధం చేసుకోవ‌చ్చు.

కాంగ్రెస్ పార్టీతో పాటు వామ‌ప‌క్ష పార్టీలు కూడా విజ‌య్ కు స‌హ‌క‌రించేందుకు పెద్ద‌గా ఇబ్బందులు పెట్ట‌లేదు. కానీ వీసీకే పార్టీ విజ‌య్ స‌ర్కార్ తో జ‌త‌క‌ట్టేందుకు త‌మ గొంతెమ్మ కొరిక‌ల‌న్నీ కోరింది. రెండు,మూడు రోజులుగా వీటిపైనే చ‌ర్చ‌లు జ‌రిగాయి. ఆ పార్టీకి ఉన్న రెండు సీట్ల‌తోనే 108 స్థానాలు గెలుచుకున్న పార్టీని ఆడించే య‌త్నం చేసింది. కుక్క తోక‌ను ఆడిస్తుందా…తోక కుక్క‌ను ఆడిస్తుందా అన్న సామెత‌కు స‌రిగ్గా స‌రిపోయే విధంగా రెండు సీట్లున్న వీసీకే 108 సీట్లున్న టీవీకే ముందు త‌మ రాజ‌కీయ డిమాండ్ల‌తో పాటు కొత్త అవ‌కాశాల కోసం ఇప్పుడే చిట్టా విపింది. టీవీకే నేత‌లు వీసీకే డిమాండ్ల‌ను చూసి ఖంగు తిన్నంత ప‌నైంది.

కానీ ప‌రిస్థితులు ఎవ‌రినీ దూరం చేసుకునే విధంగా లేక‌పోవ‌డంతో రాజ‌కీయంగానే వీసీకే కు చెక్ పెట్టాల‌న్న అక్ష్యంగా టీవీకే వ్యూహాత్మ‌కంగా అడుగు లు వేసింది. త‌మిళ‌గ వెట్రిగ క‌జ‌గం పార్టీకి మ‌ద్ద‌తు ఇచ్చేందుకు రెడీగా ఉన్న ప్ర‌ధాన పార్టీల నేత‌ల‌తో సంప్ర‌దింపులు మొద‌లు పెట్టింది. డీఎంకే కొత్త ప్ర‌భుత్వానికి శుభాకాంక్షులు అని చెప్ప‌డంతో ఏ ఐఏడిఎంతో క‌లిసి ప్ర‌భుత్వాన్ని ఏర్పాటు చేసే దిశ‌గా ప్ర‌ణాళిక‌ల‌ను సిద్ధం చేసింది. దీంతో ఏఐఏడిఎంకే త‌మ ఎమ్మెల్యేలు జారీ పోకుండా ఉండేందుకు పుదుచ్చేరిలో రిసార్ట్ రాజ‌కీయాల‌ను చేసింది. ఇక ఈ విష‌యం బ‌య‌ట ప‌డ‌డంతో టీవీకే ను రెండు సీట్ల‌తో ఆడించిన వీసీకే…ఒక్క సారిగా దిగి వ‌చ్చింది. కొత్త ప్ర‌భుత్వ ఏర్పాటుకు బేష‌రుతుగా మ‌ద్ద‌తు ఇస్తున్న‌ట్లు ప్ర‌క‌టించింది. అయితే దీనిపై అంత‌ర్గ‌తంగా రాజ‌కీయ ఒప్పందాలు, వాటి అమ‌లు విష‌యం రాబోయే రోజుల్లో బ‌య‌ట‌కు రానుంది. వీసీకే అధినేత తిరుమావ‌ళ‌వ‌న్ ను ఉప ముఖ్య‌మంత్రి ప‌ద‌వి ఇవ్వాల‌ని, విజ‌య్ రెండు స్థానాల్లో గెలిచ్చి తిరిచ్చిని వ‌దులుకుంటాన‌ని ప్ర‌క‌టించ‌డంతో ఆ స్థానం వీసీకే కు కేటాయించాల‌న్న డిమాండ్ టీవీకే లో కూడా తీవ్ర చ‌ర్చ‌కు దారి తీసింది.

ద‌ళ‌ప‌తికి లైన్ క్లియ‌ర్…చేసిన మిత్ర ప‌క్షాలు…

అయితే మంత్రి ప‌ద‌వులు ఇచ్చేందుకు త‌మ‌కు అభ్యంత‌రం లేద‌ని టీవీకే హామీ ఇచ్చినా…అంత సులువుగా వీసీకే టీవీకే కు మ‌ద్ద‌తు ఇచ్చేందుకు అంత సులువుగా అంగీక‌రించ‌లేదు. ఏఐఏడిఎంకే చీలిక వ‌ర్గం టీవీకే కు మ‌ద్ద‌తు ఇస్తే….. వ‌చ్చే మంత్రి ప‌ద‌వి కూడా ద‌క్క‌కుండా పోతుంద‌న్న అనుమానంతో వీసీకే టీవీకే కు చివ‌రి నిమిషంలో జై కొట్టింది. రెండు స్థానాలున్న మ‌రో పార్టీ కూడా టీవీకే మ‌ద్ద‌తు ఇచ్చేది లేద‌ని ఒక‌రోజు, ఇస్తామ‌ని మ‌రో రోజు వ్యాఖ్య‌లు చేస్తూ గంద‌ర‌గోళానికి గురి చేసింది. కానీ చివ‌రికి టీవీకే కు మ‌ద్ద‌తు ఇస్తున్న‌ట్లు ప్ర‌క‌ట‌న చేసింది.