హై క్వాలిటీ బాటిల్స్……..లో క్వాలిటీ లిక్క‌ర్…!

(హైద‌రాబాద్,న్యూస్ఇన్‌)

లిక్క‌ర్ కిక్కు ఎక్కించేందుకు హై క్వాలిటీ బాటిళ్ల‌ను వినియోగిస్తూ…లో క్వాలిటీ లిక్క‌ర్ విక్రయిస్తున్న ముఠా గుట్టు ర‌ట్ట‌యింది. భారీ బ్రాండ్ల బాటిళ్ల‌లో మందు కాళీ చేసి….. అతి త‌క్కు వ ధ‌ర ఉన్న బాటిళ్ల నుంచి లిక్క‌ర్ తీసి భారీ బ్రాండ్ల బాటిళ్ల‌కు మిక్సింగ్ చేస్తూ ఓ ముఠా ప‌ట్టుబ‌డింది.ఈ వివ‌రాల్లోకి వెళితే లిక్కర్ మిక్సింగ్ జరుగుతుందనే పక్కా సమాచారం మేరకు సికింద్రాబాద్ ఎక్సైజ్ డిటిఎఫ్ సీఐ సావిత్రి సౌజన్య, టీం సిబ్బంది కలిసి రసూల్ పుర మెట్రో స్టేషన్ సమీపంలో తనిఖీలు నిర్వహించారు.ఈ తనిఖీల్లో ఇద్దరు వ్యక్తుల వద్ద 6 ఆరు శివాజీ రీగల్ ప్రీమియం లిక్కర్ బాటిల్ లభించాయి.వాటిని పరిశీలించగా ప్రీమియం లిక్కర్ బాటిల్ లో తక్కువ ధర కలిగిన మద్యం మిక్సింగ్ చేసిన‌ట్లు ఎక్సైజ్ సిబ్బంది గుర్తించారు. అదుపులోకి తీసుకున్న నిందితుల స‌మాచారం మేర‌కు మిక్సింగ్ లిక్కర్ తయారీ ప్రాంతానికి వెళ్లారు.లిక్కర్ మిక్సింగ్ ప్రాంతంలో 41 ఫుల్ బాటిల్స్ మిక్సింగ్ చేసినటువంటి శివాజీ రీగల్ మద్యం బాటిల్ ఉన్నాయి. మిక్సింగ్ మద్యం నింపడానికి వివిధ రకాలైన హై క్వాలిటీ 63 ప్రీమియం లిక్కర్ బాటిల్స్ స్వాధీనం చేసుకున్నారు. రాయల్ సెల్యూట్ లాంటి మద్యం బాటిల్ ని కూడా ఈ ముఠా మిక్సింగ్ మద్యంతో నింపి అమ్మకాలు సాగిస్తూ సొమ్ము చేసుకుంటున్నట్టు ఎక్సైజ్ పోలీసుల విచారణలో వెల్లడయింది.