యూఎస్ఏ పై 32 ప‌రుగుల‌తో పాక్ విజ‌యం

(స్పోర్ట్స్ డెస్క్, న్యూస్ఇన్‌)

పొట్టి ప్ర‌పంచ‌క‌ప్ క్రికెట్ చాంఫియ‌న్ షిప్ పోటీల్లో మొద‌టి మ్యాచ్ లో ఓడినంత ప‌నైన పాకిస్తాన్ ఆమెరికా జ‌ట్టుతో జ‌రిగిన రెండో మ్యాచ్ లో రాణించింది. పాక్-యూఎస్ ఏ జ‌ట్ల మ‌ద్య జ‌రిగిన ముందుగా బ్యాటింగ్ చేసిన పాకిస్తాన్ నిర్ణీత 20 ఓవ‌ర్ల‌లో 9 వికెట్లు కోల్పోయి 190 ప‌రుగులు చేసింది. భార‌త జ‌ట్టుతో జ‌రిగిన మ్యాచ్ లో రాణించిన వాన్ స్కావిక్ ఆమెరిక‌న్ బౌల‌ర్ ఈ మ్యాచ్ లో కూడా అద్భతంగా రాణించారు. పాకిస్తాన్ తో జ‌రిగిన మ్యాచ్ లో కూడా నాలుగు వికెట్లు తీసుకున్నారు. పాకిస్తాన్ బ్యాట్సెమెన్ ల‌లో ఓపెన‌ర్ ఫ‌ర్హాన్ నిల‌దొక్కుకోవ‌డంతో పాక్ భారీ స్కోరు దిశ‌గా అడుగులు వేసింది. తొలి వికెట్ భాగ‌స్వామ్యానికి 5 ఓవ‌ర్ల‌లో 54 ప‌రుగులు పాక్ చేసింది. సయిం అయూబ్ 19 ప‌రుగులు చేసి వాన్ స్కావిక్ బౌలింగ్ లో సౌర‌బ్ కు క్యాచ్ ఇచ్చి వెనుదిరిగగా రెండో వికెట్ కూడా 56 ప‌రుగుల వ‌ద్ద‌నే పాక్ కోల్పోయింది.ఆరు ఓవ‌ర్ల వ‌ర‌కు మ‌రో రెండు ప‌రుగులు మాత్ర‌మే సాధించి సల్మాన్ ఆఘా 3 బంతులు ఎదుర్కొని కేవ‌లం ఒక్క ప‌రుగు చేసి పెవిలియ‌న్ చేరుకున్నారు. ఆ త‌రువాత బాబ‌ర్ ఆజం, ఫ‌ర్హాన్ లు పాక్ ఇన్నింగ్స్ ను చ‌క్క బెట్టారు. మ‌రో వికెట్ కోల్పోకుండా 14.4 ఓవ‌ర్ల‌లో స్కోరు 137 ప‌రుగుల‌కు చేరుకున్న స‌మ‌యంలో బాబ‌ర్ ఆజం 32 బంతుల్లో 46 ప‌రుగులు చేసి ఔట‌య్యారు.

ఆ వెంట‌నే మ‌రో 6 ప‌రుగులు మాత్ర‌మే సాధించి పాక్ మ‌రో వికెట్ కోల్పోయింది. ఈ సారి క్రీజులో నిల‌దొక్కుకున్నా ఫ‌ర్హాన్ ఔట‌య్యారు. 41 బంతుల్లోనే 73 ప‌రుగులు చేసిన(ప‌ర్హాన్ 6 ఫోర్లు, 5 సిక్సర్లు) పెవిలియ‌న్ చేర‌కున్నారు. అప్ప‌టికీ పాక్ 16 ఓవ‌ర్ల‌లో నాలుగు వికెట్లు కోల్పోయి 143 ప‌రుగులు చేసింది. ఆ త‌రువాత బ్యాటింగ్ వ‌చ్చిన షాదాబ్ ఖాన్ మిన‌హా పాక్ బ్యాట్స్ మెన్లు పెద్ద‌గా ప‌రుగులు చేయ‌లేక‌పోయారు. షాదాబ్ 12 బాల్స్ ఎదుర్కొని 4 ఫోర్లు, ఒక సిక్స్ తో 30 ప‌రుగులు రాబ‌ట్టారు. 18.3 ఓవ‌ర్ల‌లో177 ప‌రుగుల‌కు పాక్ జ‌ట్టు స్కోరు చేరింది. ఆ త‌రువాత రెండు ఓవ‌ర్ల‌లో పాక్ 190 ప‌రుగులు సాధించి 9 వికెట్లు కోల్పోయింది.

అనంత‌రం 191 ప‌రుగుల విజ‌య ల‌క్ష్యంగా బ‌రిలో దిగిన అమెరికా పాక్ ధీటుగా ఇన్నింగ్స్ మొద‌లు పెట్టింది. తొలి ఐదు ఓవ‌ర్ల‌లో ఒక వికెట్ కోల్పోయి 42 ప‌రుగుల‌ను ఆమెరికా సాధించింది. ఓపెన‌ర్ అడ్రిస్ న‌వాజ్ బౌలిక్ లో స‌ల్మాన్ అలీకి క్యాచ్ ఇచ్చి వెనుదిరిగారు.జోరు మీద క‌నిపించిన మ‌రో ఓపెన‌ర్ ష‌యాన్ జ‌హాంగీర్ 34 బంతుల్లో 49 ప‌రుగులు సాధించి షాదాబ్ ఖాన్ బౌలింగ్ లో షాహీన్ ఆఫ్రిదీకి క్యాచ్ ఇచ్చి ఔట‌య్యారు.మ‌రో బ్యాట్స్ మెన్ మోనంక్ ప‌టేల్ కేవ‌లం 3 ప‌రుగులు మాత్రమే సాధించి ఔట‌య్యారు.

10.2 ఓవ‌ర్ల‌లో 69 ప‌రుగుల వ‌ద్ద ఆమెరికా 3 వికెట్ కోల్పోయింది. ఆత‌రువాత ఆమెరిక‌న్ బ్యాట్స్ మెన్లు ఆచి తూచి బ్యాటింగ్ చేయ‌డంతో ర‌న్ రేట్ పెరుగుతూ వ‌చ్చింది. పెరిగిన ర‌న్ రేట్ తో వ‌త్తిడి గురైన ఆమెరికా ఆట‌గాళ్లు వికెట్లు వెంట వెంట‌నే పారేసుకున్నారు. 20 ఓవ‌ర్ల‌లో అమెరికా 8 వికెట్లు కోల్పోయి 158 ప‌రుగులు చేసింది. అమెరిక‌న్ బ్యాట్స్మెన్ శుభం రంజానే ఆడుతున్నంత సేపు ఆ జ‌ట్టు విజ‌యంపై ఆశ‌లు రేకిత్తించాయి. 30 బంతులు ఎదుర్కొన్న శుభం 3 ఫోర్లు 3 సిక్స్ ల‌తో 51 ప‌రుగులు చేసి ఔట‌వ్వ‌డంతో అ త‌ర్వాత ఆమెరికా జ‌ట్టు వెంట వెంట‌నే వికెట్లో కోల్పోయింది. పాక్ జ‌ట్టులో స్పిన్న‌ర్ ఉమ‌ర్ తారీక్ 3 వికెట్లు ప‌డ‌గొట్ట‌గా షాదాబ్ కాన్ రెండు వికెట్లు తీసుకున్నారు.