కెప్టన్ ఇన్నింగ్స్ ఆడిన ఏయిడెన్ మార్క్రం
(స్పోర్ట్స్ డెస్క్,న్యూస్ ఇన్)
సూపర్ 8 మ్యాచ్ లలో ఒక్కో జట్టు సెమీ ఫైనల్ బెర్త్ ను ఖరారు చేసుకుంటున్నాయి. ఈ రోజు జరిగిన కీలక మ్యాచ్ లో వెస్టీండీస్ పై విజయం సాధించడంతో దక్షిణా ఫ్రికా జట్టు సెమిఫైనల్ కు అర్హత సాధించింది. భారత్, వెస్టీండీస్ తో జరిగిన మ్యాచ్ లలో సునాయసంగా విజయం దక్కించుకుంది. దక్షిణా ఫ్రికా విజయం సాధించడంతో భారత్ జట్టుకు ఆశలు రేకెత్తిస్తున్నాయి.
వెస్టీండీస్ తో జరిగిన మ్యాచ్ లో దక్షిణా ఫ్రికా జట్టు మరో నాలుగు ఓవర్ల ముందే లక్ష్యాన్ని అధిగమిచింది. దక్షిణా ఫ్రికాకు ఓపెనర్లు శుభారంభాన్ని అందించారు. క్వింటన్ డికాక్, ఏయిడెన్ మార్క్రం లు వెస్టీండీస్ బౌలర్లపై విరుచుకు పడ్డారు. తొలి వికెట్ భాగస్వామ్యానికి 8 ఓవర్ పూర్తయ్యే వీరిద్దరు 95 పరుగులు జోడించారు. డికాక్ 24 బంతుల్లో 4 ఫోర్లు, 4 సిక్స్ లతో 47 పరుగులు చేసి వెనుదిరిగారు. మరో వైపు కెప్టన్ మార్కరం అదే జోరును కొనసాగిస్తూ వీండీస్ బౌలర్లకు ఏ మాత్రం అవకాశం ఇవ్వలేదు. డికాక్ స్థానంలో బ్యాటింగ్ కు వచ్చిన రికెల్టన్ కూడా అదే జోరును అందుకున్నారు. మార్కరం, రికల్టన్ లు వీండీస్ ఓటమిని 16.1 ఓవర్లలో 177పరుగులను సాధించి వీండీస్ పై భారీ విజయాన్ని ప్రోటీస్ జట్టు నమోదు చేసుకుంది. రికల్టన్ 28 బంతుల్లో 4 ఫోర్లు, 2 సిక్స్ లసహాయంతో 48 పరుగులు చేశారు. మార్కరం 46 బంతులను ఎదుర్కొని 7 ఫోర్లు, 4 సిక్స్ లతో 82 పరుగులు చేసి నాటౌట్ గా నిలిచారు.
అంతకు ముందు బ్యాటింగ్ చేసిన వీండీస్ దక్షిణా ఫ్రికా బౌలర్లను ఎదుర్కొనేందుకు అవస్థలు పడింది. 7 ఓవర్లలోపే 60 పరుగులు చేసి ఐదు వికెట్లు కోల్పోయి కష్టాల్లో పడింంది. హోప్, కింగ్ లు తొలి వికెట్ కు 29 పరుగులు జోడించారు. ఆ తరువాత 60 పరుగులకు స్కోరు చేరుకునే సరికే సగం మంది వీండీస్ బ్యాటర్లు పెవిలీయన్ చేరుకున్నారు. ఈ సమయంలో బ్యాటింగ్ చేసిన జాసన్ హోల్డర్, షెపర్డ్ లు నిలదొక్కుకోవడంతో వీండీస్ 176 పరుగుల లక్ష్యాన్నిదక్షిణాఫ్రికా ముందు ఉంచగలిగింది. హోల్డర్ 31 బంతుల్లో 49 పరుగులు చేయగా షెపర్డ్ 37 బంతుల్లో 52 పరుగులు సాధించారు. దీంతో వీండిస్ 20 ఓవర్లలో 8 వికెట్ల నష్టానికి 176 పరుగులు చేసింది. దక్షిణాఫ్రికా బౌలర్లలో ఎంగిడీ మూడు వికెట్లు తీసుకున్నారు. పవర్ ప్లే లోనే దక్షిణాఫ్రికా బౌలర్లు వీండీస్ బ్యాటింగ్ లైనప్ ను దెబ్బ కొట్టడంలో విజయవంతం అయ్యారు.
Leave a Reply