ఎస్ ఆర్ హెచ్ పై పంజాబ్ సునాయ‌స విజ‌యం

( స్పోర్ట్స్ డెస్,న్యూస్ఇన్‌)

పంజాబ్ కింగ్స్ భారీ స్కోరును ఆడుతూ పాడుతూ ఛేదించింది. 220 ప‌రుగుల విజ‌య ల‌క్ష్యాన్ని ఏమాత్రం ఇబ్బంది లేకుండా సాధించి ఎస్ ఆర్ హెచ్ పై ఆరు వికెట్ల తేడాతో విజ‌యం ద‌క్కించుకుంది. పంజాబ్ ఓపెన‌ర్ల‌తో పాటు శ్రేయ‌స్ అయ్య‌ర్ ఇన్నింగ్ పంజాబ్ సులువుగా విజ‌యం సాధించేందుకు బాట‌లు వేసింది. 220 ప‌రుగుల విజ‌య ల‌క్ష్యంతో బ‌రిలో దిగిన పంజాబ్ కింగ్స్ ధీటుగా ఇన్నింగ్స్ మొద‌లు పెట్టింది. 18.5 ఓవ‌ర్ల‌లో పంజాబ్ 223 ప‌రుగుల చేసింది. పంజాబ్ ఓపెన‌ర్లు ఆ జ‌ట్టుకు శుభారంభాన్ని అందించారు. ప్రియాన్ష్ ఆర్య‌, ప్ర‌భమ‌న్ సింగ్ లు ధాటిగా ప‌రుగులు రాబ‌ట్టారు. తొలి వికెట్ భాగ‌స్వామ్యం కోసం 6 ఓవ‌ర్ల‌లోనే 99 ప‌రుగులు సాధించారు. 6.2. ఓవ‌ర్ల‌లో 99 ప‌రుగుల వ‌ద్ద తొలి వికెట్ కోల్పోయింది.20 బంతుల‌ను ఎదుర్కొన్న ప్రియాన్ష్ 5 ఫోర్లు, 5 సిక్స్ ల‌తో 57 ప‌రుగులు చేసి ఔట‌య్యారు. శివాంగ్ కుమార్ బౌలింగ్ లో భారీ షాట్ ఆడేందుకు ప్ర‌య‌త్నించి 99 ప‌రుగుల వ‌ద్ద తొలి వికెట్ రూపంలో ఔట‌య్యారు. ఆ త‌రువాత కొద్దిసేప‌టికే ప్ర‌భ్ మ‌న్ సింగ్ కూడా శివాంగ్ బౌలింగ్ లోనే ఔట‌య్యారు.117 ప‌రుగుల వ‌ద్ద రెండో వికెట్ గా వెనుదిరిగారు. 128 ప‌రుగుల వ‌ద్ద 11 ఓవ‌ర్లో కాన్లీ కూడా ఔట్ కావ‌డంతో ఎస్ ఆర్ హెచ్ కు గెలుపుపై ఆశ‌లు పెరిగాయి. కానీ కెప్ట‌న్ శ్రేయ‌స్ అయ్యర్, నేహ‌ల్ వ‌ధేరాలు భారీ భాగ‌స్వామ్యం న‌మోదు చేశారు.

అవ‌స‌ర‌మైన ర‌న్ రేట్ కంటే ఎక్కువ‌గానే ప‌రుగులు సాధించ‌డంతో ఎస్ ఆర్ హెచ్ బౌల‌ర్లకు వారిని అడ్డుకోవ‌డం తీవ్ర స‌మ‌స్య‌గా మారింది. నేహ‌ల్ త‌క్కువ స్కోరుకే ఔటైనా.. శ్రేయ‌స్ కెప్ట‌న్ ఇన్నింగ్స్ ఆడుతూ జ‌ట్టు స్కోరును ముందుకు తీసుకెళ్లారు. నాలుగో వికెట్ రూపంలో నేహ‌ల్ వ‌ధేరా16.1 ఓవ‌ర్లో 197 ప‌రుగుల వ‌ద్ద నాలుగో వికెట్ గా ఔట‌య్యారు. పంజాబ్ 17 ఓవ‌ర్లో 200 ప‌రుగుల మైలురాయిని దాటింది.18.5 ఓవ‌ర్ల‌లో 223 ప‌రుగులు సాధించి విజ‌యం ద‌క్కించుకుంది. అయ్యర్ 33 బంతుల‌ను ఎదుర్కొని 69 పరుగులు సాధించి నాటౌట్ గా నిలిచారు. పంజాబ్ నాలుగు వికెట్లు కోల్ప‌యి ఎస్ ఆర్ హెచ్ పై గెలిచింది. ఎస్ ఆర్ హెచ్ బౌల‌ర్ల‌లో శివాంగ్ కుమార్ 3 వికెట్లు తీసుకున్నారు.

అంత‌కు ముందు బ్యాటింగ్ చేసిన ఎస్ ఆర్ హెచ్ కు ఓపెన‌ర్లు శుభారంభం అందించారు. అభిషేక్ శర్మ‌, ట్రావిస్ హెడ్ లు ప‌వ‌ర్ ప్లేలోనే భారీగా ప‌రుగులు పిండుకున్నారు. పోటీ ప‌డుతూ హిట్టింగ్ చేశారు. ఫోర్లు, సిక్స్ ల‌తో తొలి ఓవ‌ర్ల‌లోనే పంజాబ్ కింగ్స్ పై ఆధిప‌త్యం మొద‌లు పెట్టారు. ఎస్ ఆర్ హెచ్ బ్యాట‌ర్ల‌ను ఆడ్డుకునేందుకు పంజాబ్ చెమ‌టోడాల్సి వ‌చ్చింది. ఓపెనింగ్ బ్యాటింగ్ భాగ‌స్వామ్యం చూస్తే….. జ‌ట్టు స్కోరు 300 ప‌రుగుల‌కు చేరుకునే అవ‌కాశం ఉంద‌నిపించింది.

పంజాబ్ పై అభిషేక్ దూకుడు…

తొలివికెట్ భాగ‌స్వామ్యానికి అభిషెక్, హెడ్ లో 8 ఓవ‌ర్ల‌లో 120 ప‌రుగులు జోడించారు. అభిషేక్ 28 బంతులు ఎదుర్కొని 5 ఫోర్లు, 8 సిక్స్ ల స‌హాయంతో 74 ప‌రుగులు చేశారు. ఇదే స‌మ‌యంలో ట్రావిస్ హెడ్ 23 బంతుల్లో 5 ఫోర్లు ఒక సిక్స్ స‌హాయంతో 38 ప‌రుగులు చేశారు. 8.1 ఓవ‌ర్ల వ‌ద్ద హెడ్ ఔట‌య్యారు. ఆత‌రువాత కొద్ది సేప‌టికే అభిషేక్ కూడా పెవిలియ‌న్ చేరుకున్నారు. ఓపెనర్లు వెనుదిరిగిన త‌రువాత ఎస్ ఆర్ హెచ్ స్కోరు మంద‌గించింది. ఒకే ఓవ‌ర్లో ఓపెన‌ర్లు ఇద్ద‌రు ఔట్ కావ‌డంతో ఎస్ ఆర్ హెచ్ పై స్వ‌ల్పంగా వ‌త్తిడి పెరిగింది. ఇషాన్ కిషన్,క్లాసిన్ లు ఇన్నింగ్స్ స్కోరు పెంచే ప్ర‌య‌త్నాల్లో ప‌డ్డారు. భారీ షాట్లు ఆడిన ఇషాన్ కిష‌న్ మ‌రింత వేగంగా ప‌రుగులు చేయాల‌న్న ల‌క్ష్యంగా బ్యాటింగ్ చేసి 17 బాల్స్ ఎదుర్కొని ఒక సిక్స్ 3 ఫోర్ల స‌హాయంలో 27 ప‌రుగులు చేసి ఔట‌య్యారు. అనికేత్ వ‌ర్మ‌, క్లాసిన్ లు మ‌రో వికెట్ కోల్పోకుండా స్కోరు ను నిదానంగా పెంచుతూ వ‌చ్చారు. అనికేత్ వ‌ర్మ‌16.4 ఓవ‌ర్ల వ‌ద్ద 18 ప‌రుగులు చేసి స‌మ‌న్వ‌య లోపంతో ర‌నౌట్ అయ్యారు. 18వ ఓవ‌ర్లో రెండు వంద‌ల ప‌రుగుల స్కోరు దాటింది. నిర్ణీత 20 ఓవ‌ర్ల‌లో ఎస్ ఆర్ హెచ్ జ‌ట్టు ఆరు వికెట్లు కోల్పోయి 219 ప‌రుగులు చేసింది.