SRH Vs RR మ్యాచ్ – SRH ఘ‌న విజ‌యం……!

(స్పోర్ట్స్ డెస్క్, న్యూస్ఇన్‌)

హైద‌రాబాద్ ఉప్ప‌ల్ స్టేడియంలో జ‌రిగిన మ్యాచ్ లో స్థానిక జ‌ట్టు భారీ స్కోరు సాధించినా…ఓపెన‌ర్ అభిషేక్ శ‌ర్మ తీవ్ర నిరాశ ప‌రిచారు. య‌దావిధిగా మొద‌టి బంతికే పెవీలియ‌న్ చేరుకున్నారు. నిర్ణీత 20 ఓవ‌ర్ల‌లో ఎస్ ఆర్ హెచ్ 216 ప‌రుగులు సాధించింది. ఆర్ ఆర్ కు 217 ప‌రుగుల విజ‌యల‌క్ష్యాన్ని నిర్దేశించింది. ఇప్ప‌టి వ‌ర‌కు ఓట‌మిని ఎదుర్కోకుండా ఐపీఎల్ లో ముందుకు వ‌చ్చిన ఆర్ ఆర్ తొలి ఓట‌మిని హైద‌రాబాద్ చేతిలో చూడాల్సి వ‌చ్చింది. 19 ఓవ‌ర్ల‌లో 159 ప‌రుగుల‌కు ఆర్ ఆర్ ఆలౌట్ కావ‌డంతో…. హైద‌రాబాద్ 57 ప‌రుగుల తేడాతో విజ‌యం ద‌క్కించుకుంది. ఎస్ ఆర్ హెచ్ బౌల‌ర్లు ప్ర‌ఫూల్ హింగే, షాకీబ్ హుస్సేన్ లు ఆర్ ఆర్ బ్యాట‌ర్ల‌ను తొలి నుంచి నిల‌దొక్కుకుండా చేయ‌డంతో భారీ తేడాతో ఎస్ ఆర్ హెచ్ విజ‌యం ద‌క్కించుకుంది.

ముందుగా బ్యాటింగ్ చేసిన ఎస్ ఆర్ హెచ్ జ‌ట్టులో ఇషాన్ కిష‌న్ ఆర్ఆర్ బౌల‌ర్ల‌పై విరుచుకు ప‌డ్డారు. స్కోరు బోర్డును ప‌రుగులు పెట్టించారు. జ‌ట్టు భారీ స్కోరు సాధించేందుకు బాట‌లు వేశారు. ప‌రుగుల ఖాతా తెర‌వ‌కుండానే అభిషేక్ వేనుదిరిగినా…. కిషన్, హెడ్ లు ఆర్ ఆర్ బౌల‌ర్ల‌పై విరుచుకు ప‌డ్డారు. కిష‌న్ ఆకాశ‌మే హ‌ద్దుగా చెల‌రేగారు. బౌండ‌రీలు, సిక్స్ ల‌తో విరుచుకు ప‌డ్డారు. 7 ఓవ‌ర్ల‌లో 55 ప‌రుగులు సాధించిన ఎస్ఆర్ హెచ్ మ‌రో హెడ్ వికెట్ కోల్పోయింది. 6 ఓవ‌ర్ల‌లో కిష‌న్ దూకుడుకు జ‌ట్టు స్కోరు భారీగా పెరిగింది.13.2 ఓవ‌ర్ల‌లో జ‌ట్టు స్కోరు 143 ప‌రుగులకు చేరుకుంది.కిష‌న్- హెన్రెచ్ క్లాసిన్ ల భాగ‌స్వామ్యం ఆర్ ఆర్ జ‌ట్టులో ఆందోళ‌న రేపింది.కిష‌న్ 44 బంతుల్లో 6 సిక్స్ లు, 8 ఫోర్ల‌తో 91 ప‌రుగులు చేసి సందీప్ శ‌ర్మ బౌలింగ్ లో భారీ షాట్ ఆడ‌బోయి ఔట‌య్య‌రు. ఆత‌రువాత క్లాసిన్ కూడా 26 బాల్స్ ఎదుర్కొని 40 ప‌రుగులు చేసి వెనుదిరిగారు.16 ఓవ‌ర్ల‌లో 162 ప‌రుగులు చేసి నాలుగు వికెట్లు ఎస్ ఆర్ హెచ్ కోల్పోయింది. క్లాసిన్ ఇన్నింగ్స్ లో 3 సిక్స్ లు, ఒక ఫోర్ కొట్టారు. నితీష్ కుమార్ రెడ్డి – స‌లీల్ అరోరాల భాగ‌స్వామ్యం తో జ‌ట్టు స్కోరు పెరిగింది. నితీష్ స్థానిక గ్రౌండ్ లో చెల‌రేగారు భారీ సిక్స్ లో కొట్టి అభిమానుల‌ను అల‌రించారు. 13 బాల్స్ లు ఎదుర్కొని 4 సిక్స్ ల స‌హాయంతో 28 ప‌రుగులు చేశారు. దీంతో జ‌ట్టు స్కోరు 18వ ఓవ‌ర్లో 200 ప‌రుగులు దాటింది. ఆర్చ‌ర్, సందీప్ శ‌ర్మ‌, తేషార్ దేశ‌పాండే,రియాన్ ప‌రాగ్ లు త‌లో వికెట్ తీసుకున్నారు

తొలి ఓవ‌ర్ లోనే ఆర్ ఆర్ ను ప్ర‌ఫూల్ దెబ్బ కొట్టారు. తొలి ఓవ‌ర్ లోనే ఆర్ ఆర్ మూడు కీల‌క వికెట్లు కోల్పోయింది. ఆర్ ఆర్ లిటిల్ స్టార్ వైభ‌వ్ సూర్య‌వంశీ తొలి బంతిని ఎదుర్కొని ఔట‌య్యారు మూడో బంతికి మ‌రో కీల‌క బ్యాట్స్ మెన్ ధృవ్ జురేల్ ఫ‌ఫూల్ బౌలింగ్ లోనే బౌల్డ్ అయ్యారు. ప్రిటోరియ‌స్ ఎదుర్కొన్న రెండో బంతిని భారీ షాట్ ఆడ‌బోయి నితీష్ రెడ్డికి క్యాచ్ ఇచ్చి పెవిలియ‌న్ చేరుకున్నారు. దీంతో తొలి ఓవ‌ర్లోనే 1 ప‌రుగు సాధించి ఆర్ ఆర్ 3 కీల‌క వికెట్లు కోల్పోయింది. రెండో ఓవ‌ర్ బౌలింగ్ చేసిన షాకీబ్ హుస్సేన్ మ‌రో కీల‌క బ్యాట్స్ మెన్ య‌శ‌స్వీ జైస్వాల్ ను త‌న తొలి ఓవ‌ర్ లోనే ఔట్ చేయ‌డంతో ఆర్ ఆర్ రెండో ఓవ‌ర్ల‌లోనే టాప్ ఆర్డ‌ర్ మొత్తం కుప్ప‌కూలిపోయింది. జ‌ట్టు వికెట్లు కోల్పోవ‌డాన్ని ప‌రిశీలిస్తే 1/1,1/2,1/3 2/4,9/5 తొలి రెండు ఓవ‌ర్ల‌లోనే ఆర్ ఆర్ బ్యాట్స్ మెన్లు తీవ్ర నిరాష ప‌రిచారు. దీంతో మ్యాచ్ పై ఎస్ ఆర్ హెచ్ పూర్తి స్థాయిలో ప‌ట్టు సాధించింది. ర‌వీంద్ర జ‌డేజా- ఫెరీరాలు ఎస్ ఆర్ హెచ్ బౌల‌ర్ల ఆధిప‌త్యానికి బ్రేక్ ఇచ్చారు. ఈ ఇద్ద‌రు ప‌వ‌ర్ ప్లే పూర్త‌య్యే స‌రికి వికెట్ కోల్పోకుండా 32 ప‌రుగులు సాధించారు. ఈ ఇద్ద‌రి భాగ‌స్వామ్యం రాజ‌స్థాన్ జ‌ట్టుకు గౌర‌వ ప్ర‌ద‌మైన స్కోరుకు చేరుకునేలా చేసింది. ఫెరిరా తాను ఆడుతున్న తొలి మ్యాచ్ లో వ‌త్తిడిని అధిగ‌మించి 69 ప‌రుగులు చేశారు. (44 బంతుల్లో 7ఫోర్లు, 3 సిక్స్ లు) జ‌డేజా 32 బాల్స్ ఆడి 45 ప‌రుగులు చేశారు. 127 ప‌రుగుల వ‌ద్ద ఆర్ ఆర్ 6వ వికెట్ కోల్పోయింది. ఆ త‌రువాత మ‌రోసారి వ‌రుస‌గా ఆ జ‌ట్టు వికెట్లు కోల్పోయింది. ప్ర‌ఫూల్ హింగే, షాకీబ్ హుస్సేన్ లు చెరో నాలుగు వికెట్లు తీసుకోగా…మ‌లింగా రెండు వికెట్లు ప‌డ‌గొట్టారు. దీంతో 19 ఓవ‌ర్ల‌లో 159 ప‌రుగుల‌కు ఆలౌట్ అయింది.

SRH లో ఇ(షాన్)దార్ ఇన్నింగ్స్….