(న్యూఢిల్లీ, న్యూస్ఇన్)
తమిళ నాడు ఎన్నికల ఫలితాల్లో విజయ్ థళపతి పూర్తి ఆధిక్యంలోకి వచ్చారు. ఇక ముఖ్యమంత్రి గా విజయ్ బాధ్యతలు తీసుకునేందుకు కావాల్సిన దాదాపు మెజార్టీ వచ్చే అవకాశాలు కనిపిస్తున్నాయి. అతిపెద్ద పార్టీగా అవతరించడంతో ఇక మిగిలిన రాజకీయ పార్టీలకు ఫలితాలు ఛేదు అనుభవాన్ని ఇచ్చాయి. ప్రభుత్వంపై ఉన్న వ్యతిరేకతను పూర్తి స్థాయిలో విజయ్ అందిపుచ్చుకున్నారు. ఎన్నికలకు ముందు వరకు కూడా పార్టీ క్షేత్ర స్థాయి వరకు విస్తరించకపోవడం, సరైన అభ్యర్థులు లేకపోవడం, కొంత మంది అభ్యర్థులు మాత్రమే పార్టీకి బలమైన అభ్యర్థులుగా ఉండడంతో ఎన్నో అనుమానాలు వ్యక్తం అయ్యాయి. పార్టీ విస్తరణ , బలోపేతం కోసం సమయం కూడా లేకపోవడం పార్టీ క్యాడర్ కూడా విజయ్ కు రాష్ట్ర వ్యాప్తంగా అందుబాటులోకి రాకపోవడం వంటి అంశాలు విజయ్ గెలుపుపై ధీమా కల్పించలేకపోయాయి. దీనికి తోడు ఆయన వ్యక్తి గత విషయాలు కూడా ఎన్నికలకు ముందే వివాదాస్పదం కావడంతో ప్రతిపక్ష పార్టీలకు ఇదో పెద్ద అస్త్రంగా మారింది.
ప్రజాక్షేత్రంలో మాత్రం విజయ్ దళపతి ఇచ్చిన మార్పు నినాదం బాగా పనిచేసింది. యువ ఓటర్లు, ప్రభుత్వ వ్యతిరేక ఓటును విజయ్ తనవైపు కు మళ్లించుకోవడంలో విజయవంతం అయ్యారు. డీఎంకే, ఏఐఏడీఎంకే వంటి పార్టీలు తమిళ రాజకీయాల్లను ఎన్నో ఏళ్లుగా శాసిస్తూ వచ్చాయి. ఎన్నికలకు ముందు ప్రీ పోల్స్ పొత్తుల కోసం బీజేపీ చేసిన ప్రయత్నాలను కూడా విజయ్ పట్టించుకోలేదు. తమిళ సెంటిమెంట్ ప్రకారం హీందీ వ్యతిరేక పార్టీగానే బీజేపీకి వ్యతిరేకంగా ఉంటానని ప్రకటించారు. తమిళ రాజకీయాల్లోని ప్రధాన పార్టీలు రెండు డీఎంకే, ఏ ఐ డీఎంకే లు రెండు జాతీయ పార్టీలతో అప్పటికే సమన్వయంతో ఉన్నాయి. ఏఐఏడిఎంకే తో బీజేపీ పొత్తు పెట్టుకోవడం కూడా ఆ పార్టీ ఈ ఎన్నికల్లో పెద్ద మైనస్ గా మారింది. ఒంటరిగా ఎన్నికల బరిలో నిలిచి తమిళ ప్రజల సెంటిమెంట్ సొంతం చేసుకున్నారు. ఇక టీవీకే పార్టీ భారీ ఆధిక్యతతో దూసుకు పోతుంది. సంపూర్ణ మెజార్టీ రాకపోయినా…ఏఐఏడిఎంకే బీజేపీతో తెగతెంపులు చేసుకునే అవకాశాలు లేకపోలేదు. అయినా అతిపెద్ద పార్టీగా అవతరించిన పార్టీ అధినేతగా విజయ్ థళపతి తమిళ సీఎం కావడం ఖాయం. ఇక పూర్తి మెజర్టీ వస్తే…ఎవరిపైనా ఆధార పడకుండానే తమిళనాడు దళపతి గా మారనున్నారు.తమిళ తంబీలపై మార్పు నినాదం ప్రభావం…
విజయ్ కుటుంబ సభ్యుల సంబరాలు…
ఇక ఫలితల ట్రెండ్స్ విజయ్ నివాసం వద్ద సంబరాలు మొదలయ్యాయి. పోలీసు బందోబస్తు విజయ్ నివాసం వద్ద భారీగా పెంచారు. కార్యకర్తలు పెద్ద ఎత్తున తరలివచ్చారు. పార్టీ ఏర్పాటు చేసి అతి తక్కువ కాలంలోనే అధికారం దక్కించుకున్న మరో నేతగా విజయ్ థళపతి గుర్తింపు పొందనున్నారు. విజయ్ నివాసంలో భారీ విజయం తో విజయ్ కుటుంబ సభ్యులు కూడా విజిల్ ఊదూతూ సంబరాలు చేసుకున్నారు.చెన్నైలోని టీవీకే పార్టీ కార్యాలయంతో పాటు విజయ్ నివాసం వద్ద పోలీసులు భారీగా మోహరించారు.
Leave a Reply