(హైదరాబాద్,న్యూస్ఇన్)
గత వారంలో ఎస్ ఆర్ హెచ్, చెన్నై సూపర్ కింగ్స్ మధ్య జరిగిన మ్యాచ్ ఐపీఎల్ లోనే వివాదాస్పదంగా మారింది. మ్యాచ్ లో చెన్నై జట్టు యాజమాన్యం బీసీసీఐ కి ఫిర్యాదు చేసే వరకు వెళ్లింది. మ్యాచ్ వీక్షించేందుకు వచ్చిన ఓ ఎస్ ఆర్ హెచ్ అభిమాని నిమ్మకాయాతో చేతి బడి చేస్తున్నట్లు నటించడం, దాన్ని వీడియో తీసి సోషల్ మీడియాలో పోస్టు చేయడంతో వివాదం రేగింది. ప్రేక్షకుల మధ్యలో ఎక్కడా ఉండి బ్లాక్ మ్యాజిక్ పేరుతో నిమ్మకాయతో ఎదో చేస్తున్నట్లు చేస్తున్న వీడియో తీయడం…. ఆ సందర్భంగా చెన్నై సూపర్ కింగ్స్ కీలక బ్యాట్స్ మెన్ శివం దుబె ఔట్ కావడంతో తీవ్ర చర్చకు దారి తీసింది.
మంగళవారం కూడా మరో సారి ఎస్ ఆర్ హెచ్ మ్యాచ్ జరుగడంతో ఆ చేతబడి బ్లాక్ మ్యాజిక్ వ్యక్తి పై నే అందరి దృష్టి ఉంది. కానీ ఎస్ ఆర్ హెచ్ మ్యాచ్ లో స్టేడియంకు వచ్చినట్లు ఎక్కడా కనిపించలేదు…ఇదే సమయంలో ఓ మీడియా ఛానల్ ఇచ్చిన ఇంటర్యూలో ఈ మంత్రగాడు వాస్తవాలను వెల్లడించారు.
బ్లాక్ మ్యాజిక్ నిజం బయటపెట్టిన అభిమాని……
ఆ వీడియోలో కనిపించిన యువకుడి పేరు సన్నీ.
ఎస్.ఆర్.హెచ్ కు వీరాభిమాని. తన వీడియో ఇంతలా వైరల్ అవుతుందని ఊహించలేదు. నెట్టింట జరుగుతున్న ప్రచారానికి ఫుల్ స్టాప్ పెడుతూ సన్నీ అసలు విషయం బయటపెట్టాడు. తనకు మంత్ర, తంత్రాలు తెలియవని.. తాను ఒక క్రికెట్ అభిమానినని స్పష్టం చేశాడు.
నిమ్మకాయ ఎందుకు తీసుకెళ్లాడంటే?
స్టేడియంకు వెళ్లే సమయంలో తనకు కాస్త అస్వస్థతగా అనిపించిందని.. దాన్ని అధిగమించేందుకు నిమ్మకాయ వాసన చూస్తే బాగుంటుందన్న ఉద్దేశంతోనే పోలీసులకు సమస్య చెప్పి మరీ వివరించి దానిని స్టేడియంలోకి తీసుకెళ్లానని సన్నీ తెలిపారు. మ్యాచ్ మధ్యలో సరదాగా తన స్నేహితులతో కలిసి ఇలా రీల్ కోసం ‘మ్యాజిక్’ చేస్తున్నట్టుగా యాక్టింగ్ చేశానని చెప్పాడు.నేను కళ్లు మూసుకుని మంత్రాలు చదువుతున్నట్లు నటిస్తున్నప్పుడు నా మనసులో మ్యచ్ తరువాత బిర్యానీ ఎక్కడ తినాలి, ఆఫీస్ పనులు ఎలా పూర్తి చేయాలని తప్ప మరేమి లేదన్నారు. ఆ రోజు మ్యాచ్ లో ఏం జరిగిందంటే….. ఈ మ్యాచ్ లో ఐదు సార్లు ఇలా ప్రయత్నం చేశానని ఆరోసారి శివందుబే అవుట్ కావడంతో ఆ వీడియో సోషల్ మీడియాలో వైరల్ అయిందన్నారు. ఇలా వైరల్ అవుతుందని తాను కూడా ఊహించలేదని సన్నీ చెప్పారు.
Leave a Reply