ఫీక్కీకి వ‌రాలు ప్ర‌క‌టించిన సీఎం రేవంత్ రెడ్డి

(హైద‌రాబాద్,న్యూస్ఇన్‌)

మ‌హిళా పారిశ్రామిక వేత్త‌ల‌కు సీఎం రేవంత్ రెడ్డి వ‌రాలు కురిపించారు. హైటెక్ సిటీ స‌మీపంలో వెయ్యి గ‌జాల భూమిని ఫీక్కీ కార్యాల‌యం కోసం కేటాయిస్తామ‌న్నారు.ఫ్యూచ‌ర్ సిటీలో ఎక‌రా స్థాలాన్ని కేటాయిస్తున్న‌ట్లు ప్ర‌ట‌కించారు. రాష్ట్రంలో కాంగ్రెస్ ప్ర‌భుత్వం మ‌హిళా శ‌క్తితోనే, మ‌హిళ‌ల దీవెన‌ల‌తో కొలువు దీరింద‌ని ముఖ్య‌మంత్రి రేవంత్ రెడ్డి అన్నారు. మ‌హిళా పారిశ్రామిక వేత్త‌ల‌తో ఆయ‌న భేటీ అయ్యారు. ఈ సంద‌ర్బంగా మాట్లాడుతూ సీఎం మ‌హిళ‌ల కోసం త‌మ ప్ర‌భుత్వం అనుస‌రిస్తున్న విధానాల‌ను తెలియ‌చేశారు. హైటెక్ సిటీ ప్రాంతంలో శిల్పారామంకు అనుకుని రూ.1,000 కోట్ల విలువైన స్థలాన్ని ఇందిరా మహిళా శక్తి బజార్‌ నిర్వహించడానికి కేటాయించాం .. ప్రత్యేక సదుపాయంలో, గ్రామీణ హస్తకళలు, సాంప్రదాయ ఉత్పత్తులను విక్రయించడానికి మహిళా స్వయం సహాయక బృందాలకు ప్రత్యేకంగా కేటాయించిన 150కి పైగా దుకాణాలు విజయవంతంగా నడుస్తున్నాయ‌న్నారు.

అదే స్పూర్తితో మహిళా సాధికారత కోసం ఫిక్కీ అభ్యర్ధనలను అత్యంత ప్రాముఖ్యతతో నెరవేరుస్తాం .. ఫిక్కీ ప్రధాన కార్యాలయం నిర్మించుకోవడానికి శిల్పారామం పక్కనే వెయ్యి గజాల స్థలాన్ని కేటాయిస్తాం .. హైటెక్ సిటీ, సిఐఐ (కాన్ఫెడరేషన్ ఆఫ్ ఇండియన్ ఇండస్ట్రీ) కార్యాలయానికి మధ్యలో ఫిక్కీ కార్యాలయం ఆ ప్రాంతంలో ప్రత్యేక ఆకర్షణగా నిలువనుందని చెప్పారు. ఫిక్కీని ఈ ప్రభుత్వం అత్యంత ప్రతిష్టాత్మకంగా చేపడుతున్న భారత్ ఫ్యూచర్ సిటీ అభివృద్ధిలో భాగస్వామిని చేసే ఆలోచనతో .. భారత్ ఫ్యూచర్ సిటీలో ఫిక్కీకి ఒక ఎకరం స్థలాన్ని కేటాయిస్తాం .

cm revanth reddy with ficcci representatives

మహిళల అభ్యున్నతికి ఏమి చేసినా వ్యక్తిగతంగా నాకు చాలా సంతృప్తినిస్తుంది అమెజాన్ లాంటి దిగ్గజ సంస్థ ఫ్యూచర్ సిటీలో లక్ష కోట్ల రూపాయల పెట్టుబడులు పెట్టనుంది .. రానున్న రోజుల్లో ప్రపంచ అగ్రగామి ఫార్చ్యూన్-500 కంపెనీలనన్నింటినీ ఫ్యూచర్ సిటీ లో నెలకొల్పాలన్నది మా ప్రభుత్వ లక్ష్యం .. దీంట్లో ఫిక్కీ తోపాటు మహిళా పారిశ్రామికవెత్తల పాత్ర కీలకం కానుంది ఫిక్కీ లేడీస్ ఆర్గనైజేషన్ ఆద్వర్యంలోని ఇండస్ట్రియల్ పార్క్ విజయవంతమైన నేపథ్యంలో మరొక ఇండస్ట్రియల్ పార్క్ ను మహిళా సాధికారత కోసం అభివృద్ధి చేసే అంశాన్ని పరిశీలిస్తాం … మహిళలు ఆర్ధికంగా ఎదిగిన దేశాల్లో ఆర్థిక వృద్ధి మరియు జీవన ప్రమాణాలు మెరుగ్గా ఉంటాయి2013లోనే సోనియా గాంధీ మహిళా రిజర్వేషన్ బిల్లును ప్రవేశపెట్టినప్పటికీ ఇప్పటివరకు అది అమలు కాలేదు, వచ్చే ఎన్నికల తర్వాత అమలవుతుందకి ఆకాక్షించారు.