హైద‌రాబాద్ మెట్రో ఫేజ్-IIకు ఆమోదం ఇవ్వండి

(న్యూఢిల్లీ,న్యూస్ఇన్‌)

హైద‌రాబాద్ మెట్రో ఫేజ్‌-IIకు ఆమోదం తెల‌పాల‌ని కేంద్ర ప‌ట్ట‌ణ వ్య‌వ‌హారాల శాఖ మంత్రి మ‌నోహ‌ర్‌లాల్ ఖ‌ట్ట‌ర్‌కు ముఖ్య‌మంత్రి ఎ.రేవంత్ రెడ్డి విజ్ఞ‌ప్తి చేశారు. ఏడు కారిడార్ల‌తో కూడిన మెట్రో ఫేజ్‌-II స‌మ‌గ్ర ప్ర‌ణాళిక‌ను రూపొందించి డీపీఆర్‌ను ఇప్ప‌టికే స‌మ‌ర్పించామ‌ని కేంద్ర మంత్రికి సీఎం తెలియ‌జేశారు. ఢిల్లీలో కేంద్ర మంత్రి మ‌నోహ‌ర్‌లాల్ ఖ‌ట్ట‌ర్‌తో ముఖ్య‌మంత్రి ఎ.రేవంత్ రెడ్డి బుధ‌వారం సాయంత్రం స‌మావేశ‌మ‌య్యారు. ఈ సంద‌ర్భంగా ముఖ్య‌మంత్రి హైద‌రాబాద్ మెట్రో ఫేజ్‌-II, మెట్రో ఫేజ్‌-IIIపై కేంద్ర మంత్రితో చ‌ర్చించారు. వేగంగా అభివృద్ధి చెందుతున్న హైద‌రాబాద్ న‌గ‌రంలో ప్ర‌యాణికుల సౌక‌ర్యార్ధం మెట్రోను మ‌రింత‌గా విస్త‌రించాల్సిన అవ‌స‌రం ఉంద‌ని కేంద్ర మంత్రికి సీఎం తెలియజేశారు. హైదరాబాద్ మెట్రో రైలు ఫేజ్-II, ఫేజ్‌-III విస్త‌ర‌ణ స‌జావుగా సాగాల‌నే ఉద్దేశ్యంతోనే మెట్రో ఫేజ్‌-Iను L&TMRHLను రాష్ట్ర ప్ర‌భుత్వం స్వాధీనం చేసుకుంద‌ని కేంద్ర మంత్రి మ‌నోహ‌ర్‌లాల్ ఖ‌ట్ట‌ర్‌కు సీఎం వివ‌రించారు. ప్రస్తుతం ఫేజ్-I ప్రభుత్వం ప‌రిధిలో ఉండ‌డంతో ఫేజ్‌-II, ఫేజ్‌-III విస్తరణ సులువ‌వుతుంద‌న్నారు.

TELANGANA CM REAVANTH REDDY MET CENTRAL MINISTGER MANOHAR LALA KATTAR

హైదరాబాద్‌లో మెట్రో రైలు నెట్‌వర్క్‌ను విస్తరించేందుకు రాష్ట్ర ప్రభుత్వం ఫేజ్-IIలో ఏడు కారిడార్లతో మొత్తం 122.9 కి.మీ మేర విస్తరణకు, రూ. 38,595 కోట్ల అంచనా వ్యయంతో రూపొందించిన సమగ్ర డీపీఆర్‌ను ఇప్ప‌టికే స‌మ‌ర్పించామ‌ని సీఎం తెలిపారు. హైదరాబాద్ మెట్రో రైలు ఫేజ్-II ప్రాజెక్ట్ ను భారత ప్రభుత్వం – తెలంగాణ రాష్ట్ర ప్రభుత్వాల జాయింట్ వెంచ‌ర్ గా చేప‌ట్టేందుకు త్వ‌ర‌గా ఆమోదం తెల‌పాల‌ని కేంద్ర మంత్రి మ‌నోహ‌ర్‌లాల్ ఖ‌ట్ట‌ర్‌కు ముఖ్య‌మంత్రి రేవంత్ రెడ్డి విజ్ఞ‌ప్తి చేశారు. హైద‌రాబాద్ న‌గ‌ర భ‌విష్య‌త్ అవ‌స‌రాల దృష్ట్యా ఆర్జీఐ ఎయిర్‌పోర్ట్ – భారత్ ఫ్యూచర్ సిటీ కారిడార్‌ను మెట్రో ఫేజ్-IIIగా చేపట్టాలని కేంద్ర మంత్రి మ‌నోహ‌ర్‌లాల్ ఖ‌ట్ట‌ర్‌కు ముఖ్య‌మంత్రి రేవంత్ రెడ్డి విజ్ఞ‌ప్తి చేశారు. మెట్రో ఫేజ్-III కిసంబంధించిన డీపీఆర్ ను ఇప్ప‌టికే స‌మ‌ర్పించామ‌ని కేంద్ర మంత్రికి సీఎం తెలిపారు.