KKR Vs GT – గుజ‌రాత్ టైట‌న్స్ విజ‌యం

(స్పోర్ట్స్ డెస్క్,న్యూస్ఇన్‌)

కేకేఆర్ తో జ‌రిగిన మ్యాచ్ లో గుజరాత్ టైట‌న్స్ పై విజ‌యం ద‌క్కించుకుంది. బ్యాటింగ్, బౌలింగ్ విభాగాల్లో రాణించి సునాయ‌సంగా విజ‌యాన్ని ద‌క్కించుకుంది. కెప్ట‌న్ గిల్ మార్ సారి త‌న మార్క్ ఆట‌ను ఈ మ్యాచ్ లో వేశారు. 181 ప‌రుగుల విజయ ల‌క్ష్యంగా ఇన్నింగ్స్ ప్రారంభించిన గుజ‌రాత్ టైట‌న్స్ ముందు నుంచే అటాకింగ్ గేమ్ మొద‌లు పెట్టింది. కోల్ క‌త్త బౌల‌ర్ల‌పై జీటీ ఓపెన‌ర్లు విరుచుకు ప‌డ్డారు. సాయి సుద‌ర్శ‌న్, శుభ్ మ‌న్ గిల్ లో ఇన్నింగ్స్ మొద‌లు పెట్టారు. ప‌వ‌ర్ ప్లేలో తొలి వికెట్ భాగ‌స్వామ్యానికి 5.1 ఓవ‌ర్ల‌లో 57 ప‌రుగులు చేసిన త‌రువాత సాయి సుద‌ర్శ‌న్ ఔట‌య్యారు.16 బంతుల్లో 22 ప‌రుగుల చేసి సుద‌ర్శ‌న్ పెవిలీయ‌న్ చేరుకున్నారు. అనంత‌రం గిల్, జోస్ బ‌ట్ల‌ర్ ల ఇన్నింగ్స్ ఆక‌ట్టుకుంది. గిల్ భారీగా ప‌రుగులు రాబ‌ట్టే ప్ర‌య‌త్నంలో విజ‌య‌వంతం అయ్యారు. రెండో వికెట్ కు ఈ భాగ‌స్వామ్యం..10 ఓవ‌ర్ల‌లో 95 ప‌రుగులే చేసి బ‌ట్ల‌ర్ వికెట్ కోల్పోయింది. 14.3 ఓవ‌ర్ల వ‌ర‌కు వాషింగ్ట‌న్ సుంద‌ర్- గిల్ లు బ్యాటింగ్ చేశారు.

సుంద‌ర్ 13 ప‌రుగులు మాత్ర‌మే చేసి 3వ వికెట్ రూపంలో వెనుదిరిగారు. క్రీజులో నిల‌దొక్కుకున్న గిల్ కేకేఆర్ బౌల‌ర్ల‌కు ఎక్క‌డా అవ‌కాశం ఇవ్వ‌కుండా భారీగా ప‌రుగులు రాబ‌ట్టుకున్నారు. సుంద‌ర్ స్థానంలో గ్లెన్ ఫిలిప్స్ బ్యాటింగ్ కు వ‌చ్చారు.158 ప‌రుగుల ద‌గ్గ‌ర 86 ప‌రుగులు చేసిన గ్రీన్ బౌలింగ్ లో భారీ షాట్ ఆడిన‌ గిల్ వైభ‌వ్ ఆరోరా తీసుకున్న అద్భ‌త క్యాచ్ తో ఔట‌య్యారు. గుజరాత్ విజ‌యాన్ని గెలుపు ముందుకు తెచ్చి గిల్ పెవీలియ‌న్ చేరుకున్నారు. గిల్ 50 బాల్స్ ఎదుర్కొని 8 ఫోర్లు, 4 సిక్స్ లు స‌హాయంతో 86 ప‌రుగులు చేశారు. గిల్ స్థానంలో రాహూల్ తేవాటియా బ్యాటింగ్ కు వ‌చ్చారు.చివ‌రి ఓవ‌ర్లో జీటీ కి ఐదు ప‌రుగులు చేయాల్సి వ‌చ్చింది. బౌలింగ్ కు వ‌చ్చిన ర‌మ‌ణ్ దీప్ మొద‌టి బాల్ వైడ్ వేసి ఒక ప‌రుగు ఇచ్చారు రెండో బంతిని హిట్టింగ్ చేసే ప్ర‌య‌త్నం ఫిలిప్స్ చేసి ఔట‌య్య‌రు. దీంతో 5 బంతుల్లో నాలుగు ప‌రుగులు చేసేలా స‌మీక‌ర‌ణ‌లు మారాయి. మ‌రో రెండు బంతులు మిగిలి ఉండ‌గా 181 ప‌రుగుల‌ను గుజ‌రాత్ టైట‌న్స్ గెలుపు ద‌క్కించుకుంది.

KKR ను ఆదుకున్న గ్రీన్…..

ముందుగా బ్యాటింగ్ చేసిన‌ కోల్ కొత్తా జ‌ట్టును కెమ‌రూన్ గ్రీన్ ఆదుకున్నారు. ఇన్నింగ్స్ ప్రారంభం నుంచి త‌డుబడుతూ బ్యాటింగ్ చేసిన కోల్ క‌త్తా బ్యాట్స‌మెన్లు ప‌వ‌ర్ ప్లేలోనే వెనుదిరిగారు. అజింక్య ర‌హానే ఈ మ్యాచ్ లో మ‌రోసారి విఫ‌లం అయ్యారు. 5 ప‌రుగుల వ‌ద్ద ప‌రుగులేమి చేయ‌కుండా ర‌హానే వెనుదిరిగారు. ఆ స్థానంలో బ్యాటింగ్ కు వ‌చ్చిన ర‌ఘు వంశీ 4 బంతులు ఎదుర్కొని 8 ప‌రుగులు చేసి వెంట‌నే ఔట‌య్యారు. అప్ప‌టికి జ‌ట్టు స్కోరు 2 ఓవ‌ర్ల‌లో 21 ప‌రుగులు మాత్ర‌మే. బ్యాటింగ్ లో జోరు మీద క‌నిపించిన మ‌రో ఓపెన‌ర్ టీం సెల్ఫ్రిట్ 14 బాల్స్ ఎదుర్కొని 2 ఫోర్లు ఒక సిక్స్ తో 19 ప‌రుగులు చేసి ర‌బ‌డా బౌలింగ్ లో గ్లెన్ ఫిలిప్స్ కు క్యాచ్ ఇచ్చి ఔట‌య్యారు. 32ప‌రుగుల‌కే 3 వికెట్లు కోల్పోవ‌డంతో క‌ష్టాల్లో ప‌డ్డ కోల్ క‌త్తా జ‌ట్టు స్కోరును కెమ‌రూన్ గ్రీన్, పావెల్ లు ముందుకు తీసుకెళ్లారు. 10 ఓవ‌ర్ల‌లో 80 ప‌రుగుల వ‌ద్ద‌కు స్కోరును చేర్చారు. 11 ఓవ‌ర్లో పావెల్ 87 ప‌రుగుల వ‌ద్ద 20 బంతుల్లో 2 ఫోర్లు, 2 సిక్స్ ల‌తో 27 ప‌రుగుల చేసి అశోక్ శ‌ర్మ బౌలింగ్ లో ఔట‌య్యారు.

అప్ప‌టికీ క్రీజులో నిల‌దొక్కుకున్న కెమ‌రూన్ గ్రీన్ త‌న జోరు ను కొన‌సాగించారు. కోల్ కొత్త బ్యాట‌ర్ల నుంచి పెద్ద‌గా స‌హ‌కారం అంద‌క పోయినా గ్రీన్ ఒంట‌రి పోరు చేశారు.అనుకుల్ రాయ్ తో క‌లిసి ఐదో ఓవ‌ర్ల‌లోనే 60 ప‌రుగులు జోడించారు. 15వ ఓవ‌ర్ చివ‌రి బంతికి అనుకుల్ రాయ్ కేవలం 9 ప‌రుగులు చేసి ఔట‌య్యారు. కేవ‌లం ఒక్క ప‌రుగు జోడించి రింకూసింగ్ వెంట‌నే ఔట‌య్యారు. ర‌మ‌ణ్ దీప్ 8 బంతుల్లో ఒక సిక్స్2 ఫోర్ల‌తో 8 బాల్స్ ఎదుర్కొని 17 ప‌రుగులు చేసి 165 ప‌రుగుల స్కోరు వ‌ద్ద 7వ వికెట్ రూపంలో వెనుదిరిగారు. సునీల్ న‌రేన్, కార్తిక్ త్యాగిల నుంచి పెద్ద‌గా మ‌ద్ద‌తు ద‌క్క‌లేదు. వీరు కూడా త్వ‌ర‌గానే ఔట‌య్యారు. ఇన్నింగ్స్ చివ‌రి బంత‌కి 180 ప‌రుగుల స్కోరు వ‌ద్ద గ్రీన్ 55 బంతుల్లో 79 ప‌రుగులు చేసి చివ‌రి వికెట్ గా వెనుదిరిగారు. ఇందులో 7ఫోర్లు, 4 సిక్స్ లు ఉన్నాయి. 20 ఓవ‌ర్ల‌లో కేకేఆర్ 180 ప‌రుగులు చేసి గుజ‌రాత్ టైట‌న్స్ ముందు 181 ప‌రుగుల ల‌క్ష్యాన్ని ఉంచింది. టైట‌న్ బౌల‌ర్ల‌లో ర‌బ‌డా 3, సిరాజ్ రెండు, అశోక్ శ‌ర్మ రెండు వికెట్లు ప‌డ‌గొట్టారు.