ముఖ్యమంత్రి రేవంత్ రెడ్డి కొడంగల్ పర్యటన
(న్యూస్ ఇన్,హైదరాబాద్)
ముఖ్యమంత్రి రేవంత్ రెడ్డి శనివారం నుంచి మూడు రోజులపాటు కొడంగల్ నియోజకవర్గం లో పర్యటించనున్నారు. నియోజకవర్గం లో జరుగుతున్న అభివృద్ధి పనులను సమీక్ష చేయడంతో పాటు పూర్తయిన పనులకు ప్రారంభోత్సవాలు చేయనున్నారు.
శనివారం మధ్యాహ్నం దుద్యాల మండలం హకీంపేటలో సీఎం రేవంత్ రెడ్డి రైతు మేళా, ఇండస్ట్రియల్ ఎక్స్‌పో ను ప్రారంభిస్తారు. నియోజక వర్గంలో రూ.9,100 కోట్లతో పలు అభివృద్ధి పనులకు శంకుస్థాపనలు, ప్రారంభోత్సవాలు చేయనున్నారు.ఆదర్శ రైతులు, వ్యవసాయ శాస్త్రవేత్తలతో సమావేశంలో రేవంత్ రెడ్డి పాల్గొంటారు.సాయంత్రం ఎడ్యుకేషన్ హబ్ పనులను పరిశీలించి రోడ్డు మార్గంలో కొడంగల్ లో తన నివాసానికి చేరు కుంటారు.
అభివృద్ధి పై ఫోకస్…
ముఖ్యమంత్రిగా బాధ్యతలు చేపట్టి మూడేళ్లు అవుతుండడంతో నియోజకవర్గంలో అభివృద్ధి పనులపై సీఎం రేవంత్ ఫోకస్ పెట్టారు. నియోజకవర్గంలో మూడేళ్లుగా జరుగుతున్న అభివృద్ధి పనులపై సమీక్ష నిర్వహించనున్నారు. గతకొన్ని నెలలుగా సీఎం నియోజకవర్గంలో ప్రత్యేకంగా ఫోకస్ పెట్టారు. ప్రతినెల నియోజకవర్గం లో జరిగే పనులను ప్రత్యక్షంగా పర్యవేక్షిస్తారని మూడు నెలల క్రితం ప్రకటించిన సీఎం అందుకనుగుణంగా నియోజకవర్గ అభివృద్ధిపై మరింత దృష్టి సారించారు.