LSG Vs CSK : ల‌క్నో ఘ‌న విజ‌యం

(స్పోర్ట్స్ డెస్క్,న్యూస్ఇన్‌)

ల‌క్నో సూప‌ర్ జెంట్స్ ఘ‌న విజ‌యం సాధించింది.188 ప‌రుగులు విజ‌య ల‌క్ష్యాన్ని 17 ఓవ‌ర్ల‌లో పూర్తి చేసింది. కేవ‌లం 3 వికెట్లు కోల్పోయి ల‌క్నో చెన్నై పై ఘ‌న విజ‌యాన్ని ద‌క్కించుకుంది. ల‌క్నోకు ఓపెన‌ర్లు అద్భుత‌మైన శుభారంభాన్ని అందించారు. తొలి వికెట్ భాగ‌స్వామ్యం కోసం 11.4 ఓవ‌ర్ల‌లో 135 ప‌రుగుల జోడించారు. మిచెల్ మార్ష్, జోష్ ఇంగ్లీష్ ల‌ను చెన్నై బౌల‌ర్లు ఎక్క‌డా ఇబ్బందులు పెట్ట‌లేక‌పోయారు. య‌దేచ్ఛ‌గా ప‌రుగులు సాధిస్తూ ల‌క్నో విజ‌యం కోసం ఓపెన‌ర్లు బాట‌లు వేశారు. మిచెల్ మార్ష్ యేధేఛ్చ‌గా బ్యాట్ ఝుళిపించారు. ప‌వ‌ర్ ప్లేలోనే దాదాపు 90 ప‌రుగులను రాబ‌ట్టుకున్నారు. జోష్ ఇంగ్లీష్ తొలి వికెట్ రూపంలో వెనుదిరిగారు. 32 బంతుల్లో 3 ఫోర్లు 1 సిక్స్ తో 36 ప‌రుగులు చేసి ఊర్విల్ ప‌టేల్ బౌలింగ్ లో ఔట‌య్యారు. ఆ త‌రువాత బ్యాటింగ్ వ‌చ్చిన నికొల‌స్ పూర‌న్ భారీ షాట్ ఆడ‌డంతో దుర‌దృష్ట వ‌శాత్తు 90 ప‌రుగులు చేసి మార్ష్ ర‌నౌట్ అయ్యారు. 38 బంతులు మాత్ర‌మే ఎదుర్కొన్న మార్ష్ 7 సిక్స్ లు 9 ఫోర్ల‌తో 90 ప‌రుగులు చేశారు. పూర‌న్ కూడా ఎక్కువ సేపు క్రీజులో నిలువ లేక‌పోయారు. అబ్దుల్ స‌మ‌ద్ కేవ‌లం 7 ప‌రుగులు మాత్ర‌మే చేసి వెనుదిరిగారు. నికోల‌స్ పూర‌న్ ఈ మ్యాచ్ లో రాణించారు. 17 బాల్స్ ఎదుర్కొని 32 ప‌రుగులు చేశారు 4 సిక్స్ ల‌తో పూర‌న్ చివ‌ర్లో చెన్నై బౌల‌ర్ల‌కు చుక్క‌లు చూపారు.

చెన్నై బ్యాటింగ్…..

అంత‌కు ముందు బ్యాటింగ్ చేసిన చెన్నై సూప‌ర్ కింగ్స్ 20 ఓవ‌ర్ల‌లో 5 వికెట్లు కోల్పోయి 187 ప‌రుగులు చేశారు. ఓపెన‌ర్లు ఈ మ్యాచ్ లో పెద్ద‌గా రాణించ‌లేదు. సంజుశాంస‌న్ 20 బాల్స్ ఎదుర్కొని 20 ప‌రుగులు చేసి ఔట్ కాగా,రుతురాజ్ గైక్వాడ్ 13 ప‌రుగులు మాత్ర‌మే చేసి వెనుదిరిగారు. ప‌వ‌ర్ ప్లే లోనే 36 ప‌రుగులు చేసి చెన్నై రెండు వికెట్లు క్పోయింది. దీంతో బ్యాటింగ్ చేసేందుకు ఇత‌ర బ్యాట్స్ మెన్ల‌పై వ‌త్తిడి పెరిగింది. ల‌క్నో బౌల‌ర్లు క‌ట్టుదిట్టంగా బౌలింగ్ చేయ‌డంతో చెన్నై బ్యాట‌ర్ల‌లో కార్తిక్ శ‌ర్మ‌, శివం దుబె మిన‌హా అంతా ఇబ్బందులు ప‌డ్డారు. కార్తిక్ శ‌ర్మ 42 బంతులు ఎదుర్కొని 71 ప‌రుగులు చేసి ఔట‌య్యారు. చివ‌ర్లో శివం దుబే భారీ ప‌రుగులు రాబ‌ట్ట‌డంతో చెన్నై గౌర‌వ ప్ర‌ద‌మైన స్కోరు చేయ‌గ‌లిగింది. దుబె 16 బాల్స్ ఎదుర్కొని 32 ప‌రుగులు చేసి నాటౌట్ గా నిలిచారు.

PBKS Vs MI మ్యాచ్ లో గెలిపించిన వ‌ర్మ‌