పార్టీ పరువు తీయకండి:సీఎం రేవంత్
పార్టీ నాయకులు, ఎమ్మెల్యేల బహిరంగ విమర్శలపై ముఖ్యమంత్రి రేవంత్రెడ్డి అసహనం వ్యక్తం చేసినట్లు సమాచారం. ఇటీవల కొందరు నేతలు పార్టీ వ్యవహారాలపై బహిరంగంగా అసంతృప్తి వ్యక్తం చేస్తుండటంపై సీఎం ఆగ్రహం వ్యక్తం చేసినట్లు తెలుస్తోంది. వ్యక్తిగత అభిప్రాయ భేదాలు, సమస్యలు ఉంటే పార్టీ అంతర్గత వేదికలపైనే చర్చించుకోవాలని సూచించినట్లు సమాచారం. రోడ్డెక్కి బహిరంగ విమర్శలు చేయడం ద్వారా పార్టీ ప్రతిష్ఠను దెబ్బతీయవద్దని, ప్రతి ఒక్కరూ క్రమశిక్షణ పాటించాలని నేతలకు హెచ్చరించినట్లు రాజకీయ వర్గాల్లో ప్రచారం జరుగుతోంది.
