(స్పోర్ట్స్ డెస్క్,న్యూస్ఇన్)
సన్ రైజర్స్ హైదరాబాద్ బ్యాటర్లు మెరుపులు మెరిపించారు. రాయల్ ఛాలెంజర్స్ బెంగుళూరు మధ్య ఉప్పల్ స్టేడియంలో జరిగిన మ్యాచ్ లో టాస్ గెలిచి బ్యాటింగ్ చేసిన సన్ రైజర్స్ బ్యాటర్లు 20 ఓవర్లలో నాలుగు వికెట్లు కోల్పోయి 255 పరుగులను ఎస్ ఆర్ హెచ్ చేసి ఆర్సీబీ ముందు 256 పరుగుల లక్ష్యాన్ని ఉంచింది. ఓపెనింగ్ భాగస్వామ్యం నుంచి బ్యాటర్లు హైదరాబాద్ లో క్రికెట్ అభిమానులకు అసలైన మజా అందించారు. ఐపీఎల్ సీజన్ లో శుభారంభం చేస్తున్న ట్రావిస్ హెడ్-అభిషేక్ శర్మలు ఈ మ్యాచ్ లో 4 ఓవర్లలో 45 పరుగులు సాధించారు. 4వ ఓవర్ చివరి బంతికి ట్రావిస్ హెడ్ 16 బాల్స్ ఎదుర్కొని 26 పరుగులు చేసి వెనుదిరిగారు. మరోవైపు అభిషేక్ శర్మ యధావిధిగా ఫోర్లు, సిక్స్ లతో స్టేడియంలో అభిమానులను ఉర్రూతలూంగించారు. కేవలం 22 బంతులు మాత్రమే ఎదుర్కొని 5 సిక్స్ లు, 4 ఫోర్లతో 56 పరుగులు చేసి 9వ ఓవర్లో 97 పరుగులు చేసి పెవీలియన్ చేరుకున్నారు. ఆ తరువాత క్రీజులోకి వచ్చిన క్లాసెన్- అప్పటికే క్రీజులో కుదురుకున్న ఇషాన్ కిషన్ లు అదే జోరును కొనసాగిస్తూ…. మరిన్ని పరుగులు రాబట్టారు. బౌలర్ ఎవరైన ఎదురు దాడి చేస్తూ భారీ స్కోరు చేశారు. 15 ఓవర్లలోనే 200 పరుగుల మైలురాయిని దాటారు. క్లాసెన్- కిషన్ లు పోటీ ఫోర్లు, సిక్స్ లతో స్టేడియం నలు మూలల భారీ షాట్లు ఆడుతూ ప్రేక్షుకులను అభిమానులను ఉర్రూత ఊగిలించారు. క్లాసెన్ 23 బాల్స్ లో హాఫ్ సెంచరీ పూర్తి చేసి కృనాల్ బౌలింగ్ లో ఔటయ్యారు. 210 పరుగుల వద్ద 17 వ ఓవర్లో క్లాసెన్ ఔటయ్యారు.
నితీష్ కుమార్ రెడ్డి బ్యాటింగ్ వచ్చి అదే ఓవర్లో 2 సిక్స్ లు కొట్టి పరుగుల వేట మొదలు పెట్టారు.సన్ రైజర్స్ బ్యాటర్లు 17వ ఓవర్ వరకు జోరు కొనసాగించినా…ఆ తరువాత బెంగుళూరు బౌలర్లు ఎస్ ఆర్ హెచ్ బ్యాటర్లకు పగ్గాలు వేశారు. కట్టుదిట్టమైన బౌలింగ్ తు పరుగుల కట్టడి చేయడంలో సఫలం అయ్యారు. చివరి 3 ఓవర్లలో పెద్దగా పరుగులు సాధించలేకపోయిఆరు. 44 బాల్స్ ఎదుర్కొని ఇషాన్ 77 పరుగులు చేసి చివరి బంతికి ఔటయ్యరు. నితీష్ కుమార్ 12 బాల్స్ మాత్రమే ఎదుర్కొని 3 సిక్స్ లు 1 ఫోర్తో 29 పరుగులు చేసి నాటౌట్ గా నిలిచారు. ఎస్ ఆర్ హెచ్ బ్యాటింగ్ 15 ఓవర్లలోనే 200 పరుగలు సాధించడంతో 260 నుంచి 270 పరుగులు చేసే అవకాశం ఉందని అంచనా వేసి 255 పరుగులకు పరిమితం అయింది.
Leave a Reply