SRH ఘ‌న విజ‌యం రాణించిన ఇషాన్

(స్పోర్ట్స్ డెస్క్, న్యూస్ఇన్‌)

భారీ స్కోరును ఎస్ ఆర్ హెచ్ ఆడుతూ పాడుతూ ఛేదించింది. రాజ‌స్థాన్ రాయ‌ల్స్ నిర్దేశించిన 229 ప‌రుగుల ల‌క్ష్యం స‌న్ రైజ‌ర్స్ కు పెద్ద‌గా ఇబ్బంది పెట్ట‌లేదు. ఇన్నింగ్స్ లో శుభారంభం ద‌క్క‌క‌పోయినా….. ఎస్ ఆర్ హెచ్ కీల‌క ఆట‌గాళ్లు అభిషేక్- ఇషాన్ శ‌ర్మ‌ల బ్యాటింగ్ తో విజ‌యం వైపు ఎస్ ఆర్ హెచ్ అడుగులు వేసింది. ఐదు వికెట్ల‌తో ఆర్ ఆర్ పై ఎస్ ఆర్ హెచ్ విజ‌యం సాధించింది. తొలి బంతికే క్యాచ్ డ్రాప్ అయిన ట్రావిస్ హెడ్ దాన్ని వినియోగించుకోలేక‌పోయారు. అదే ఓవ‌ర్ లో ఒక సిక్స్ కొట్టి జ‌ట్టు స్కోరు 7 ప‌రుగుల వ‌ద్ద వెనుదిరిగారు.

ఆ త‌రువాత అభిషేక్- ఇషాన్ కిష‌న్ లు ఎస్ ఆర్ హెచ్ ఇన్నింగ్స్ ను చ‌క్క దిద్దారు. మ‌రో వికెట్ న‌ష్ట పోకుండా, ర‌న్ రేట్ ఎక్క‌డా త‌గ్గ‌కుండా భారీగా ప‌రుగులు చేప‌ట్టి ఆర్ ఆర్ పై వ‌త్తిడి పెంచారు. 10 ఓవ‌ర్ల‌లో 139 ప‌రుగులు చేశారు.అదే స్కోరు వ‌ద్ద అభిషేక్ రెండో వికెట్ రూపంలో 29 బాల్స్ లో 11 ఫోర్లు, 1 సిక్స్ స‌హాయంతో 57 ప‌రుగులు చేసి ఔట‌య్యారు. మ‌రో వైపు భారీ షాట్లు ఆడి క్రీజులో ఉన్న ఇషాన్ కిష‌న్ అదే జోరును కొన‌సాగించారు. 12 ఓవ‌ర్ల‌లో 166 ప‌రుగుల‌కు స్కోరును తీసుకెళ్లారు.

ఇషాన్ 31 బాల్స్ ఎదుర్కొని 11 ఫోర్లు, 3 సిక్స్ ల‌తో 74 ప‌రుగులు చేసి ఔట‌య్యారు. ఆ త‌రువాత హెన్రిచ్ క్లాసిన్, నితీష్ రెడ్డిలు ఎస్ ఆర్ హెచ్ బ్యాటింగ్ లో అదే జోరును కొన‌సాగించారు.ఇద్ద‌రు పోటీ ప‌డి స్కో రు పెంచారు. 219 ప‌రుగ‌ల స్కోరు వ‌ద్ద నితీష్ 36 ప‌రుగులు చేసి ఔట‌య్యారు.క్లాసిన్ 29 ప‌రుగులు చేసి 220 ప‌రుగుల వ‌ద్ద‌ వెనుదిరిగారు.

వైభ‌వ్ సెంచ‌రీతో ఆర్ ఆర్ భారీ స్కోరు……