లంచం కేసులో నిజామాబాద్ మాజీ సీఐకి ఏడాది జైలు

నిజామాబాద్ మాజీ పోలీస్ ఇన్‌స్పెక్టర్ ధరావత్ బాలాజీకి హైదరాబాద్‌లోని ఏసీబీ ప్రత్యేక కోర్టు ఏడాది కఠిన కారాగార శిక్ష విధించింది. 2011లో నమోదైన అవినీతి కేసులో ఆయనపై నేరం రుజువు కావడంతో బుధవారం (నవంబర్ 11) న్యాయమూర్తి మహ్మద్ అబ్దుల్ జావేద్ పాషా ఈ తీర్పు వెలువరించారు. అవినీతి నిరోధక చట్టంలోని సెక్షన్ 7, 13(1)(డి) రెడ్‌విత్ 13(2) కింద ఒక్కో ఏడాది చొప్పున శిక్ష విధించడంతో పాటు రూ.10 వేల జరిమానా చెల్లించాలని ఆదేశించారు. రెండు శిక్షలను ఏకకాలంలో అనుభవించాలని కోర్టు స్పష్టం చేసింది.