ఇందిరమ్మ సూక్తులు పుస్తకాన్ని ఆవిష్కరించిన సీఎం రేవంత్ రెడ్డి
దివంగత మాజీ ప్రధాని ఇందిరా గాంధీ ఆలోచనలను ప్రజలకు చేరువ చేసే లక్ష్యంతో రూపొందించిన ‘ఇందిరమ్మ సూక్తులు’ పుస్తకాన్ని ముఖ్యమంత్రి రేవంత్ రెడ్డి ఆవిష్కరించారు. గాంధీ భవన్లో జరిగిన కార్యక్రమంలో కాంగ్రెస్ అగ్రనాయకురాలు సోనియా గాంధీ ముందుమాటతో వెలువడిన ఈ పుస్తకాన్ని సీఎం ఆవిష్కరించారు.

రాష్ట్ర రవాణా, బీసీ సంక్షేమ శాఖ మంత్రి పొన్నం ప్రభాకర్ ఈ పుస్తకాన్ని తెలుగులో ప్రచురింపజేశారు. ఇంగ్లిష్లో వెలువడిన ‘Indira Gandhi Selected Sayings’ పుస్తకానికి తెలుగు రూపమే ‘ఇందిరమ్మ సూక్తులు’. డాక్టర్ పొన్నం రవిచంద్ర, డాక్టర్ మామిడి హరికృష్ణ, లక్ష్మి ఈ పుస్తకాన్ని తెలుగులోకి అనువదించారు. తొలుత ఈ పుస్తకాన్ని కర్ణాటక ముఖ్యమంత్రి డీకే శివకుమార్ కన్నడ భాషలో విడుదల చేశారు.
ఇందిరా గాంధీ రాజకీయ ఆలోచనలు, ప్రజాసేవా దృక్పథం, ఆమె సందేశాలను ముఖ్యంగా యువతకు పరిచయం చేయాలనే ఉద్దేశంతో ఈ పుస్తకాన్ని తీసుకొచ్చినట్లు మంత్రి పొన్నం ప్రభాకర్ తెలిపారు. ఇందిరమ్మ ఆశయాలు, పాలనా దృక్పథం భావితరాలకు చేరేందుకు ఈ పుస్తకం ఉపయోగపడుతుందని సీఎం రేవంత్ రెడ్డి అభిప్రాయపడ్డారు.
