(హైదరాబాద్, న్యూస్ఇన్)
తెలంగాణ ప్రభుత్వం పోలీసు శాఖలో 5 వేల పోస్టుల భర్తీకి ఆమోదం తెలిపింది. ఈ మేరకు ఆర్థిక శాఖ (హెచ్ఆర్ఎం-7) జూన్ 27, 2026న జారీ చేసిన జీఓ ఎంఎస్ నెం.78లో నియామకాల వివరాలను వెల్లడించింది. ఈ నియామకాల ద్వారా సబ్ ఇన్స్పెక్టర్లు, అసిస్టెంట్ సబ్ ఇన్స్పెక్టర్లు, పోలీసు కానిస్టేబుళ్లు, డ్రైవర్లు, మెకానిక్ పోస్టులను భర్తీ చేయనున్నారు.
ఆమోదం పొందిన పోస్టులు…
సబ్ ఇన్స్పెక్టర్ (సివిల్) – 148 పోస్టులు
సబ్ ఇన్స్పెక్టర్ (ఆర్మ్డ్ రిజర్వ్) – 14 పోస్టులు
రిజర్వ్ సబ్ ఇన్స్పెక్టర్ (టీజీఎస్పీ) – 12 పోస్టులు
సబ్ ఇన్స్పెక్టర్ (ఎస్ఏఆర్ సీపీఎల్) – 3 పోస్టులు
అసిస్టెంట్ సబ్ ఇన్స్పెక్టర్ (ఎఫ్పీబీ) – 23 పోస్టులు
పోలీసు కానిస్టేబుల్ (సివిల్) – 3,697 పోస్టులు
పోలీసు కానిస్టేబుల్ (ఆర్మ్డ్ రిజర్వ్) – 1,052 పోస్టులు
పోలీసు కానిస్టేబుల్ (ఎస్ఏఆర్ సీపీఎల్) – 24 పోస్టులు
పోలీసు కానిస్టేబుల్ (డ్రైవర్ – పీటీఓ) – 20 పోస్టులు
పోలీసు కానిస్టేబుల్ (మెకానిక్ – పీటీఓ) – 7 పోస్టులు
ఈ పది విభాగాల్లో కలిపి మొత్తం 5,000 పోస్టులను భర్తీ చేయనున్నారు. వీటిలో అత్యధికంగా పోలీసు కానిస్టేబుల్ (సివిల్) విభాగంలో 3,697 పోస్టులు, ఆ తరువాత ఆర్మ్డ్ రిజర్వ్ కానిస్టేబుల్ విభాగంలో 1,052 పోస్టులు ఉన్నాయి.
ప్రభుత్వం ఆర్థిక అనుమతులు మంజూరు చేయడంతో త్వరలోనే నియామక ప్రక్రియ వేగం పుంజుకునే అవకాశం ఉంది. పోస్టుల భర్తీకి సంబంధించిన అధికారిక నోటిఫికేషన్, అర్హతలు, వయోపరిమితి, ఎంపిక విధానం, పరీక్షల షెడ్యూల్ను సంబంధిత నియామక సంస్థ త్వరలో ప్రకటించే అవకాశం ఉందని అధికారులు తెలిపారు.
Leave a Reply