సచిన్ రికార్డును చేరిపేయనున్న వైభవ్ సూర్యవంశీ
(స్పోర్ట్స్ డెస్క్, న్యూస్ఇన్)
యువ సంచలనం, లిటిల్ స్టార్ గా అంతర్జాతీయ స్థాయిలో క్రికెట్ క్రీడాకారుడుగా ముద్ర వేసుకున్న వైభవ్ సూర్యవంశీ సరికొత్త రికార్డు సృష్టించేందుకు రెడీ అవుతున్నారు. ఐపీఎల్ లో రాజస్థాన్ రాయల్స్ జట్టు తరపున ఆడుతున్న వైభవ్ తన అటతో అందరినీ అలరిస్తున్నారు. అటాకింగ్ లో అంతర్జాతీయ గుర్తింపు ఉన్న బౌలర్లను కూడా లెక్క చేయకుండా పరుగులు సాధిస్తున్నారు. వైభవ్ ఆట తీరును దాదాపు రెండేళ్లుగా బీసీసీఐ పరిశీలిస్తూనే ఉంది. క్రికెట్ నిబంధనల కారనంగా ఈ యువ క్రీడాకారుడికి జాతీయ జట్టులో ఇప్పటి వరకు స్థానం దక్కడం లేదు. ఇటీవల 14 ఏళ్లు పూర్తి చేసుకుని 15 వ సంవత్సరంలోకి వైభవ్ అడుగు పెట్టడంతో భారత సీనియర్ జట్టులోకి ఇంట్రీ ఇచ్చేందుకు యువ క్రీడాకారుడికి అర్హత దక్కింది.
త్వరలో భారత జట్టు ఐర్లాండ్, జింబాబ్వే లాంటి జట్లతో సీరీస్ ఆడనుంది. ఈ సీరిస్ కోసం వైభవ్ సూర్యవంశీని ఎంపిక చేయాలని బీసీసీఐ నిర్ణయం తీసుకున్నట్లు క్రికెట్ వర్గాల్లో చర్చ జరుగుతోంది. ఇదే జరిగితే అత్యంత పిన్న వయసులో అంతర్జాతీయ స్థాయి క్రికెట్ ఆడిన ఆటగాడిగా వైభవ్ రికార్డు సృష్టించనున్నారు. గతంలో సచిన్ టెండూల్కర్ పై ఉన్న రికార్డు చెదిరిపోనుంది. గతంలో చిన్న వయసులో ఆడిన క్రికెటర్ గా సచిన్ 16 ఏళ్ల 205 రోజులకు అవకాశం దక్కించుకున్నారు. వైభవ్ కు అవకాశం దక్కితే ఇది మరో ఏడాది తగ్గనుంది.
Leave a Reply