(చెన్నై, న్యూస్ఇన్)
తమిళ నాడు ఎన్నికలు జాతీయ రాజకీయాలపై ప్రభావం చూపేలా కనిపిస్తున్నాయి. ఇండియా కూటమిలో ఉన్న డీఎంకే తో కలిసి ఎన్నికల్లో కాంగ్రెస్ పార్టీ పోటీ చేసింది. ఎన్నికల్లో 5 అసెంబ్లీ స్తానాలను గెలుచుకుంది. జాతీయ స్థాయిలో బీజేపీకి వ్యతిరేకంగా డీఎం కే కాంగ్రెస్ పార్టీతో సన్నిహితంగా మెలుగుతూ వస్తోంది. ఇక రాబోయే రోజుల్లో ఈ పరిస్థితి కనిపించకపోవచ్చు. తమిళ నాడు ఎన్నికల ఫలితాలు డీఎంకే- హస్తం పార్టీల మధ్య కొత్త వార్ కు తెరలేపాయి.
తమిళ ఎన్నికల్లో డీఎంకే పార్టీ అధికారానికి దూరం కావడం…తమిళనాడులో కొత్త రాజకీయ శక్తిగా విజయ్ పార్టీ ఆవిర్భవించింది. విజయ్ దళపతి నేతృత్వంలోని టీవీకే 108 సీట్లకు పరిమితం కావడంతో… సంపూర్ణ మెజార్టీకి 10 స్థానాల దూరంలో నిలిచి పోయింది. దీంతో సెక్యులర్ వాదాన్ని వినిపించిన టీవీకే అధినేతకు కాంగ్రెస్ మద్దతు ఇవ్వాలని నిర్ణయం తీసుకుంది. టీవీకేకు పలు షరతులతో కూడిన మద్దతు ఇవ్వాలని నిర్ణయం తీసుకుని టీవీకే కు చేరువైంది. ఈ విషయంపై డీఎంకే పార్టీ సీరియస్ స్పందించింది. ఎన్నికల్లో ఓటమి చెందడంతో కాంగ్రెస్ పార్టీ డీఎంకే కు దూరం కావాలని నిర్ణయం తీసుకోవడంతో డీఎంకే అధినేత స్టాలిన్ ఇక తమిళనాడులో కాంగ్రెస్ కు చెక్ పెట్టేలా పావులు కదుపుతున్నారు. స్థానిక సంస్థల ఎన్నికల్లో డీఎంకే మద్దతుతో కైవసం చేసుకున్న మున్సిపాల్టీలో, కార్పోరేషన్లలో ఉన్న కాంగ్రెస్ నేతలను పదవుల నుంచి దించేందుకు రెడీ అవుతోంది. దీనికి సంబంధించి ఇప్పటికే పార్టీ అధినేత స్టాలిన్ పార్టీ నేతలకు సూచించినట్లు సమాచారం.
మరో వైపు టీవీకే కు కాంగ్రెస్ దూరం కావడంతో పాటు ఇతర రాజకీయ పార్టీల్లో కూడా ఈ విషయం తీవ్ర చర్చకు దారి తీస్తోంది. ఇతర రాజకీయ పార్టీలు ఇప్పటి వరకు టీవీకే కు మద్దతు ఇవ్వడంపై ఆచి తూచి వ్యవహరిస్తున్నా…జాతీయ పార్టీగా కాంగ్రెస్ తీసుకున్న నిర్ణయం చర్చకు దారి తీస్తోంది. కాంగ్రెస్ పార్టీ టీవీకే కు మద్దతు ప్రటికించినా ఆ పార్టీకి ఇంకా పూర్తి మెజార్టీ లేదు. ఇంకా మరో ఆరు మంది శాసనసభ్యుల మద్దతు టీవీకేకు దక్కితేనే ఆ పార్టీకి సులువుగా అధికారం దక్కించుకుంటుంది. దీనికోసం అతిపెద్ద పార్టీగా అవతరించిన టీవీకే లో కూడా రాజకీయ చర్చలు జోరుగా మొదలయ్యాయి.టీవీకే కు పూర్తి మెజార్టీ లేకపోవడంతో గవర్నర్ టీవీకే పార్టీని ప్రభుత్వం ఏర్పాటు చేసేందుకు అనుమతి ఇచ్చేందుకు సానుకూలంగా స్పందించలేదు. పూర్తి మెజార్టీతో సభ్యుల జాబితా సమర్పిస్తేనే గవర్నర్ టీవీకే ప్రభుత్వం ఏర్పాటుకు అనుమతి ఇచ్చే అవకాశం కనిపిస్తోంది.
TAMIL NADU POLITICS, DMK VS CONGRES, TVK FRIENDSSHIP WITH CONG, DMK SERIOUS, GOVERNOR NOT PERMITTED,
Leave a Reply