ప‌సికూన‌ల‌పై ద‌క్షిణాఫ్రికా భారీ స్కోరు

57 ప‌రుగుల తేడాతో విజ‌యం

20 ఓవ‌ర్లు కెన‌డా బ్యాటింగ్

(స్పోర్ట్స్ డెస్క్,న్యూస్ఇన్‌)

టీ-20 వ‌ర‌ల్డ్ క‌ప్ లో భాగంగా ద‌క్షిణాఫ్రికా కెనాడా జ‌ట్టు ముందు భారీ ల‌క్ష్యాన్ని ఉంచింది. 20 ఓవ‌ర్ల‌లో ద‌క్షిణాఫ్రికా 4 వికెట్లు కోల్పోయి 213 పరుగులు సాధించింది. ముందుగా బ్యాటింగ్ చేసిన సౌత్ ఆఫ్రికాకు ఓపెనర్లు శుభారంభాన్ని అందించారు. క్వింట‌న్ డీకాక్, ఏయిడెన్ మార్క‌ర‌మ్ 7 ఓవ‌ర్ల‌లో ఒక వికెట్ న‌ష్టానికి 70 ప‌రుగులు చేసింది. ఆ త‌రువాత 12 ఓవ‌ర్లో మ‌రో వికెట్ ద‌క్షిణాఫ్రికా కోల్పోయింది. అప్ప‌టికీ ఆ జ‌ట్టు స్కోరు 126 ప‌రుగుల‌కు చేరుకుంది. ఆ త‌ర్వాత వెంట‌నే 13 ఓవ‌ర్లో మ‌రో వికెట్ కోల్పోవ‌డంతో కెన‌డా ఆట‌గాళ్లు సంబ‌రాలు చేసుకున్నారు. అప్ప‌టికీ జ‌ట్టు స్కోరు 137 ప‌రుగులు మా్ర‌త‌మే 14 ఓవ‌ర్లో కూడా ఇంకో వికెట్ ను కెనడా బౌల‌ర్లు తీయ‌డంతో 14 ఓవ‌ర్ల‌లో నాలుగు వికెట్లు కోల్పోయి 138 ప‌రుగులు చేసింది. కానీ ఆ త‌రువాత మ‌రో వికెట్ కోల్పోకుండా 213 ప‌రుగులు ద‌క్షిణాఫ్రికా సాధించింది. సౌత్ ఆఫ్రీకా బ్యాట్స్ మెన్లలో మ‌ర్కర‌మ్ 32 బంతుల్లో 59 ప‌రుగులు సాధించారు. డీకాకా 22 బాల్స్ లో 25 ప‌రుగులు రాబ‌ట్టారు. డేవిడ్ మిల్ల‌ర్, స్ట‌బ్స్ హిట్టింగ్ తో ద‌క్షిణాఫ్రికా భారీ ప‌రుగులు సాధించింది.

అనంత‌రం బ్యాటింగ్ ప్రారంభించిన కెన‌డా త‌డ‌బడుతూనే ఇన్నింగ్స్ మొద‌లు పెట్టింది. ప‌రుగుల ఖాతా తెరువ కుండానే ఓపెన‌ర్ దిల్ప్రీత్ సింగ్ ను ఎంగిడీ అవుట్ చేశారు. ఆత‌రువాత 22 ప‌రుగుల వ‌ద్ద రెండో వికెట్ ను కెన‌డా కోల్పోయింది. సౌత్ ఆఫ్రీకా స్టార్ బౌల‌ర్ ఎంగిడీ బౌలింగ్ ఎదుర్కొనేందుకు కెనా బ్యాట్స్ మెన్లు తీవ్ర ఇబ్బందులు ఎదుర్కోవాల్సి వ‌చ్చింది. ఓపెనింగ్ స్పెల్ లోనే 3 ఓవ‌ర్లు బౌల్ చేసిన ఎంగిడీ 21 ప‌రుగులు ఇచ్చి 3 కీల‌క వికెట్లు ద‌క్కించుకున్నారు. ఆచి తూచి ఆడుతూ కెన‌డా ఆట‌గాళ్లు 10 ఓవ‌ర్ల‌లో నాలుగు వికెట్లు కోల్పోయి 74 ప‌రుగులు చేశారు.

ఐదో వికెట్ ప‌డ‌గొట్టేందుకు ద‌క్షిణాఫ్రికా స్టార్ బౌల‌ర్లంతా ఎంతో శ్ర‌మించాల్సి వ‌చ్చింది.14.2 ఓవర్ల‌లో 114 ప‌రుగుల వ‌ద్ద కెన‌డా ఐదో వికెట్ హ‌ర్ష్ ఠాకూర్ రూపంలో కోల్పోయింది. ఠాకూర్ 29 బంతుల‌ను ఎదుర్కొని 33 ప‌రుగులు సాధించారు. మ‌రోవైపు న‌వ‌నీత్ ధలివాల్ ద‌క్షిణాఫ్రికా విజ‌యానికి అడ్డుగోడ‌లా నిలిచారు.

బౌల‌ర్ల‌ను స‌మ‌ర్ధ‌వంతంగా ఎదుర్కొంటూ 47 బంతులు ఎదుర్కొని 63 ప‌రుగులు చేసి 150 ప‌రుగుల వ‌ద్ద 8వ వికెట్ రూపంలో 20 వ ఓవ‌ర్లో వెను దిరిగారు. 20 ఓవ‌ర్లు పూర్త‌య్యే స‌రికి కెన‌డా 156 ప‌రుగులు చేయ‌గ‌లిగింది. దీంతో ద‌క్షిణా ద‌క్షిణా ఫ్రికా 57 ప‌రుగుల తేడాతో కెన‌డాను ఓడించింది. బ‌ల‌మైన జ‌ట్టుపై కెనాడా బ్యాట్స్ మెన్లు ఆడిన తీరు ఆంద‌రినీ ఆక‌ట్టుకుంది. సౌత్ ఆఫ్రీకా బౌల‌ర్ల‌లో ఎంగిడీ నాలుగు వికెట్లు ప‌డ‌గొట్టి కెనాడా ను క‌ట్ట‌డి చేశారు.