- కాంగ్రెస్ లో కలకలం రేపుతున్న జీవన్ రెడ్డి వ్యాఖ్యలు
(హైదరాబాద్,న్యూస్ఇన్)
గత కొన్ని రోజులుగా రాష్ట్ర రాజకీయాల్లో హాట్ హాట్ గా మారిన మాజీ మంత్రి జీవన్ రెడ్డి వ్యవహారం ఇక కాంగ్రెస్ పార్టీలో కొలిక్కి వచ్చే అవకాశాలు దాదాపు లేనట్లే కనిపిస్తోంది. జగిత్యాల నియోజకవర్గంలో జరుగుతున్నరాజకీయ పరిణామాలతో గత రెండేళ్లుగా ఇబ్బందులు ఎదుర్కొంటున్న జీవన్ రెడ్డి గత కొన్ని రోజులుగా పార్టీలో జరుగుతున్న పరిణామాలపై బహిరంగంగానే వ్యాఖ్యలు చేస్తున్నారు. సిట్టింగ్ ఎమ్మెల్యే సంజయ్ సీనియర్ నేతకు ఎక్కడా ప్రాధాన్యత ఇవ్వకపోవడంతో… సమస్య మొదలైంది. ప్రభుత్వంలో కూడా ఎమ్మెల్యేకు దక్కిన ప్రాధాన్యత ఈ సీనియర్ నేతకు దక్కడం లేదని జీవన్ రెడ్డి వాపోతున్నారు.దాదాపు 40 ఏళ్లుగా కాంగ్రెస్ పార్టీలో ఊంటూ కాంగ్రెస్ నేతగా గుర్తింపు తెచ్చుకున్న ఆయన ఈ పరిస్థితుల్లో కాంగ్రెస్ లో కొనసాగడం దాదాపు అసాధ్యమనే నిర్ణయాన్ని కొన్ని రోజుల క్రితం ప్రకటించారు.
దీంతో అప్రమత్తమైన పార్టీ పెద్దలు రంగంలోకి దిగి జీవన్ రెడ్డిని బుజ్జగించే చర్యలు చేపట్టారు. కాంగ్రెస్ పార్టీ ధూతులుగా ఆ జిల్లాకు చెందిన అమాత్యులు జీవన్ రెడ్డి, అడ్లూరి లక్ష్మణ్ లు జీవన్ రెడ్డితో చర్చలు జరిపారు. కానీ జీవన్ రెడ్డితో జరిపిన చర్చలు సఫలం కాలేదని తెలుస్తోంది. నియోజకవర్గంలో, రాష్ట్రంలో జరుగుతున్న పరిణామాలపై జీవన్ రెడ్డి అసంతృప్తి వ్యక్తం చేసినట్లు తెలుస్తోంది….దీంతో ఇద్దరు మంత్రులు కూడా వచ్చిన దారిని వెళ్లిపోయారు. ఈ విషయంలో ముఖ్యమంత్రి రేవంత్ రెడ్డి స్పందించిన తీరును కూడా జీవన్ రెడ్డి ఈ భేటీలో ప్రస్తావించినట్లు తెలుస్తోంది. జీవన్ రెడ్డి లాంటి నేతల పార్టీ మార్పు విషయం తన పరిధిలో లేదని పార్టీ పెద్దలు దీనిపై నిర్ణయం తీసుకుంటారని సీఎం రేవంత్ రెడ్డి మీడియాతో జరిగిన చిట్ చాట్ లో తన అభిప్రాయాన్ని వ్యక్తం చేశారు. కాంగ్రెస్ హై కమాండ్ ఆదేశాల మేరకు మంత్రులు శ్రీధర్ బాబు, అడ్లూరి లక్ష్మణ్ లు జీవన్ రెడ్డితో జరిపిన మంతనాలు సక్సెస్ కాకపోవడంతో ఈ నెలాఖరు నాటికి జీవన్ రెడ్డి పార్టీ వీడడం ఖాయమనే ప్రచారం జరుగుతోంది.
కాంగ్రెస్ గురించి జీవన్ రెడ్డి ఏమన్నారో చూడండి….
జగిత్యాల రాజకీయాలపై పట్టు సాధించాలంటే జీవన్ రెడ్డిని బీఆర్ ఎస్ లో చేర్చుకునేందుకు పార్టీ వర్కింగ్ ప్రెసిడెంట్ దాదాపు నెల రోజుల నుంచి పావులు కదుపుతున్నట్లు తెలుస్తోంది. పార్టీ అధినేత కేసీఆర్ తో కూడా జీవన్ రెడితో మాట్టాడించారని బీఆర్ ఎస్ లో చర్చ జరుగుతోంది. అయితే జీవన్ రెడ్డి పార్టీ కాంగ్రెస్ తో తెగతెంపులు చేసుకోవడం ఖాయమైన తరువాత మరో జాతీయ పార్టీ అయిన బీజేపీ కూడా రంగంలోకి దిగి జీవన్ రెడ్డిని బీజేపీలోకి ఆహ్వానించినట్లు తెలుస్తోంది. పార్టీలో తగిన ప్రాధాన్యత ఇస్తామని హామీ ఇచ్చినట్లు సమాచారం. కానీ జీవన్ రెడ్డి కారెక్కేందుకే ఆసక్తి చూపిస్తున్నట్లు ఆయన సన్నిహితులు చెబుతున్నారు. ఏ పార్టీలో చేరుతారన్నది ఇంకా అధికారికంగా ఖరారు కాకపోయినా…. బీఆర్ఎస్ చేరడం దాదాపు ఖాయమే అని తెలుస్తోంది. బీఆర్ ఎస్ నేతలతో కలిసి నిరసన ప్రదర్శనల్లో పాల్గొనడం, రంజాన్ సందర్భంగా బీఆర్ ఎస్ నేతలతో నే కలిసి గడపడం వంటి పరిణామాలతో పరిశీలిస్తే బీఆర్ఎస్ లో చేరాలని నిర్ణయం తీసుకున్నట్లే అన్న చర్చ జరుగుతోంది.
అయితే జీవన్ రెడ్డితో పాటు ఆయన వర్గాన్ని మొత్తం బీఆర్ఎస్ లో చేర్చుకునేందుకు అనుగుణంగా గులాబీ పార్టీ అన్ని ఉమ్మడి జిల్లాల్లో చక్రం తిప్పుతున్నట్లు తెలుస్తోంది. ఇదే జరిగితే మూడు, నాలుగు జిల్లాల్లో కాంగ్రెస్ పార్టీ క్యాడర్ జీవన్ రెడ్డితో పాటు పార్టీని వీడే అవకాశం ఉంది. అయితే జీవన్ రెడ్డి పార్టీ వీడడం దాదాపు ఖరారు కావడంతో…నేతలను కాపాడుకునే పనిలో కాంగ్రెస్ పార్టీ ఫోకస్ పెట్టినట్లు ప్రచారం జరుగుతోంది.
మంత్రులతో చర్చల అనంతరం జీవన్ రెడ్డి చేసిన వ్యాఖ్యలు మరింత హాట్ హాట్ గా మారాయి. దేవుడు శాసించాడు….. మానవుడు అనుసరిస్తాడంటూ వ్యాఖ్యానించడంతో కాంగ్రెస్ లో కొనసాగడం లేదన్న స్పష్టమైన సంకేతాలు అని అనుచరులు అంటున్నారు.
Leave a Reply