(స్పోర్ట్స్ డెస్క్,న్యూస్ఇన్)
తడబడుతూ బ్యాటింగ్ చేసిన రాజస్థాన్ రాయల్స్ తక్కువ స్కోరునే కాపాడుకుంది. ఎల్ ఎస్ జీ బ్యాటర్లను తమ బౌలింగ్ తో కట్టడి చేయగలిగింది. 160 పరుగుల విజయ లక్ష్యాన్ని కాపాడుకునేందుకు ఆర్ ఆర్ కెప్టన్ పరాగ్ సమదర్ధవంతంగా బౌలింగ్, ఫీల్డింగ్ లతో ఎల్ ఎస్ జీ బ్యాటర్లకు ఎక్కడా అవకాశం ఇవ్వకుండా వ్యవహరించారు. తక్కువ స్కోరే సాధించినా లక్నో జట్టును మరింత తక్కువకు కట్టడి చేసి 40 పరుగుల తేడాతో ఆర్ ఆర్ విజయం దక్కించుకుంది.
160 పరుగుల విజయ లక్ష్యంగా బరిలో దిగిన లక్నో సూపర్ జెంట్స్ బ్యాటర్లు తొలి మూడు ఓవర్లలోనే బర్గర్, అర్చర్ బౌలింగ్ లో మూడు కీలక వికెట్లను కోల్పోయింది. ఆయుష్ బదోని 9 పరుగుల వద్ద, పంత్ 10 పరుగుల వద్ద, మార్కరమ్ 11 పరుగుల జట్టు స్కోరు వద్ద ఔట్ కావడతో ఆర్ ఆర్ జట్టు ఊపిరి పీల్చుకుంది. ఆతరువాత మిచెల్ మర్ష్, నికొలస్ పూరన్ లు జట్టు స్కోరును బాద్యతా యుతంగా ఆడుతూ ముందుకు తీసుకెళ్లే ప్రయత్నం చేశారు. మరో వికెట్ కోల్పోకుండా జట్టు స్కోరు 54 పరుగులకు చేర్చారు. ఫాంతో సతమతవుతున్న పూరన్ ఈ మ్యాచ్ లో కూడా 22 పరుగులు మాత్రమే చేసి వెనుదిరిగారు. మరో వైపు మర్ష్ క్రీజులో నిలదొక్కుకుని ఉండడంతో జట్టు విజయం పై ఆశలు ఇంకా కోల్పోలేదు. పూరన్ స్థానంలో హిమ్మత్ సింగ్ లు భారీ షాట్లు ఆడడంతో మ్యాచ్ ఎల్ ఎస్ జీ గుప్పిట్లోకి వచ్చిందన్న పరిస్థితి కనిపించింది. ఈ పరిస్థితుల్లో హిమ్మత్ సింగ్, మార్ష్ లు ఒక్క ఓవర్తేడాలోనే ఔట్ కావడంతో ఆర్ ఆర్ కు ఆశలు పెరిగాయి.
తక్కువ స్కోరునే కాపాడుకున్న RR…..
హిమ్మత్ సింగ్ 15 పరుగులు చేసి ఔట్ కాగా మార్ష్ 41 బంతులు ఎదుర్కొని 51 పరుగులు చేసి ఔటయ్యారు. దీంతో ఆర్ ఆర్ మ్యాచ్ లో పైచేయి సాధించింది. ముకుల్ ఛౌదరీ క్రీజులో ఉండడంతో ఇంకా ఎల్ ఎస్ జీ ఆశలు వదులుకోలేని పరిస్థితి నెలకొంది. 16వ ఓవర్లోనే ముకుల్ ఔట్ కావడంతో ఆర్ ఆర్ కు మరోసారి ఆధిపత్యంలోకి వచ్చింది. దీంతో 16.1 ఓవర్లలో 7 వికెట్లు కోల్పోయి 111 పరుగుల వద్దకు లక్నో జట్టు చేరుకుంది. షమీ, మయాంక్ యాదవ్ లు కూడా కేవలం ఆరు పరుగులు వ్యవధిలో ఔటయ్యారు. 119 పరుగుల వద్ద 18 ఓవర్లో లక్నో సూపర్ జెంట్స్ ఆలౌట్ అయింది. జోఫ్రా ఆర్చర్ నాలుగు వికెట్లు తీసుకున్నారు. ఆర్ ఆర్ బౌలర్లు ఈ మ్యాచ్ ను గెలిపించడంలో సక్సెస్ అయ్యారు. ఫీల్డింగ్ లో కూడా ఎక్కడా కూడా అవకాశం ఇవ్వకుండా క్యాచ్ లు తీసుకోవడంతో లక్నోకు ఓటమి తప్పలేదు.
Leave a Reply