(చెన్నై,న్యూస్ఇన్)
తమిళనాడు రాజకీయాల్లో సంచలనం సృష్టించిన టీవీకే పార్టీ అధినేత విజయ్ ఆ పార్టీ శాసనసభ్యులతో భేటీ కానున్నారు. 118 స్థానాలు వస్తే సంపూర్ణ మెజర్టీతో అధికారికం దక్కుంచుకునేందుకు టీవీకే కొద్ది దూరంలో ఆగిపోయింది. దీంతో ప్రభుత్వ ఏర్పాటుకు ఇతర పార్టీల మద్దతు తప్పని సరైంది. అయితే డీఎంకే, ఏఐఏడిఎంకే పార్టీలతో గాని ఆ నేతలతో గాని సంప్రదింపులు ఉండవని విజయ్ గతంలోనే ప్రకటించారు. ఇప్పుడు విజయ్ తో కలిసేందుకు ఏ ఏ రాజకీయ పార్టీలు ముందుకు వస్తాయన్నది ఆసక్తి రేపుతోంది. అతి తక్కువ సంఖ్యాబలం మాత్రమే ఆధార పడాల్సి వస్తున్నా…హంగ్ అసెంబ్లీగా తమిళ అసెంబ్లీ మారనుంది. ఇప్పటికే అతిపెద్ద పార్టీగా విజయ్ దళపతి పార్టీ టీవీకే అవతరించడంతో కాంగ్రెస్ అగ్రనేత రాహూల్ గాంధీ విజయ త్ మాట్లాడారని రాజకీయ వర్గాల్లో చర్చ జరుగుతోంది. ఇతర పార్టీలకు చెందిన కొద్ది మంది ఎమ్మెల్యేలు కూడా తమిళనాడులో అక్కడక్కడా విజయం సాధించారు.
వారంతా విజయ్ తో కలిసి వస్తే…. ప్రధాన పార్టీల మద్దతు విజయ్ కు ఏమాత్రం అవసరం లేదు. ఈ అంశంపై చర్చించడంతో పాటు పార్టీ ఎమ్మెల్యేలకు విజయ్ దిశా నిర్దేశం చేయనున్నారు. తదుపరి కార్యాచరణపై ఎమ్మెల్యేకు స్పష్టత ఇచ్చే అవకాశం కనిపిస్తోంది. దీనికి తోడు పార్టీ ఎమ్మెల్యేల్లో 90 శాతానికి పైగా తొలిసారి ఎమ్మెల్యేలగా ఎన్నిక కావడంతో వారికి అసెంబ్లీ విధివిధానాలపై కూడా అవగాహన కల్పించే అవకాశాలున్నాయి. ఎమ్మెల్యేలకు త్వరలో శిక్షణా తరగతులను కూడా విజయ్ నిర్వహించనున్నారు. పార్టీ అధినేతగా విజయ్ ఉన్నా…ఆయన కూడా తొలిసారి ఎమ్మెల్యే కావడంతో అన్ని అంశాలపై ఈ సమావేశంలో కీలక నిర్ణయాలను వెల్లడించే అవకాశం ఉంది. అతి పెద్ద పార్టీగా ప్రభుత్వ ఏర్పాటుకు తమకు అవకాశం ఇవ్వాలని గవర్నర్ కు విజయ్ లేఖ రాశారు. రెండు వారాల సమయం ఇస్తే తన మెజార్టీ నిరూపించుకుంటాననివిజయ్ లేఖలో పేర్కొన్నారు.
స్టాలిన్ రాజీనామా……
తమిళనాడు సిఎం స్టాలిన్ తన పదవికి రాజీనామా చేశారు. ఎన్నికల ఫలితాల్లో టీవికే అతిపెద్ద పార్టీగా అవతరించడంతో డీఎంకే అధినేత ఎంకే స్టాలిన్ మంగళవారం రాజీనామా లేఖను గవర్నర్ కు సమర్పించారు. డిఏంకే పార్టీ శాసనసభా పక్ష సమావేశం కూడా మంగళవారం జరుగనుంది. ఈ సమావేశంలో ఉదయం నిధి స్టాలిన్ ను పార్టీ ప్రతిపక్ష నేతగా ఎన్నుకోనుంది. పార్టీ అధికారం దక్కించుకోకపోయినా….ప్రతిపక్ష పార్టీ పాత్ర పోషించనుంది. స్టాలిన్ 30 ఏళ్ల తరువాత రాజకీయ జీవితంలో ఓటమి ఎదుర్కోవాల్సి వచ్చింది. 1996 లో రాజకీయాలు మొదలు పెట్టిన స్టాలిన్ వరస విజయాలు సాధించారు. కొలత్తూరు నియోజకవర్గంలో 2011 నుంచిఎమ్మెల్యేగా గెలుస్తున్నా…టీవీకే ప్రభజనంతో ఈ ఎన్నికల్లో స్టాలిన్ స్వయంగా ఓటమి చెందారు.
Leave a Reply