అభిషేక్ శ‌ర్మ‌…….. '0' కంటిన్యూస్……!

ప‌సికూన జ‌ట్టుతోనూ బ్యాటింగ్ లో విఫ‌లం

(స్టోర్ట్స్ డెస్క్,న్యూస్ఇన్‌)

భార‌త్ జ‌ట్టు టీ-20 స్టార్ బ్యాట్స్ మెన్ అభిషేక్ శ‌ర్మ జీరో స్కోరు ను కొన‌సాగిస్తున్నారు. టీ-20 ప్ర‌పంచ క‌ప్ కుముందు బ్యాటింగ్ లో విధ్వంసం సృస్టించి అభిషేక్ శ‌ర్మ ప్ర‌పంచ క‌ప్ లో పెద్ద‌గా రాణించ‌ లేదు. భార‌త జ‌ట్టు సూప‌ర్ 8 ద‌శ‌కు చేరుకున్నా ఇందులో అభిషేక్ భాగ‌స్వామ్యం పెద్ద‌గా లేద‌నే చెప్ప‌వ‌చ్చు. టీ-20 ప్ర‌పంచ క‌ప్ మ్యాచ్ లో యూఎస్ లో సున్నా ప‌రుగుల‌కే ఔట‌య్యారు. దాయుదుల పోరు అయిన పాకిస్తాన్ తో మ్యాచ్ లో భారీ అంచ‌నాల మ‌ధ్య అభిషేక్ మ‌రోసారి అంద‌రినీ నిరాష‌ప‌రిచారు. మొద‌టి ఓవ‌ర్ లో మూడు బంతులు డిఫెన్స్ ఆడిన అభిషేక్ నాలుగో బంతికి భారీ షాట్ ఆడ‌బోయి ఔట‌య్యారు. కానీ ఈ మ్యాచ్ లో ఇషాన్ శ‌ర్మ అద్భ‌త ఇన్నింగ్స్ తో అభిషేక్ పరుగులు చేయ‌క‌పోయినా భారత జట్టుకు ఎలాంటి ఇబ్బందులు కాలేదు. ఇక గ్రూపు ద‌శ‌లో మ‌రో మ్యాచ్ అయిన ప‌సికూన జ‌ట్టు నేద‌ర్లాండ్స్ తో కూడా త‌న జీరో ఖాతాను కొన‌సాగిస్తూ….మ‌రోసారి అంద‌రినీ నిరాష ప‌రిచారు.

గ్రూప్ ద‌శ‌లో అభిషేక్ ఫాం జ‌ట్టుకు ఎలాంటి ఇబ్బంది క‌లిగించ‌క‌పోయినా…ఇక రాబోయే మ్యాచ్ ల‌న్నీ భార‌త జ‌ట్టుకు కీల‌క మ్యాచ్ లుగా భావించాల్సి ఉంటుంది. గ‌తంలో సంజు శాంస‌న్ కూడా ఇదే విధంగా బ్యాటింగ్ లో ఫాం కోల్పోవ‌డంతో…ప‌లు మార్లు అవ‌కాశం ఇచ్చిన జ‌ట్టు సంజు స్థానంలో ఇషాన్ ను రంగంలోకి దించింది.. ఇషాన్ తో ఓపెనింగ్ జోడితో అభిషేక్ ఇప్ప‌టి వ‌ర‌కు భారీ భాగ‌స్వామ్యాన్ని అందిచ‌లేక‌పోతున్నారు. అభిషేక్ ఫాం పై భార‌త జ‌ట్టు బ్యాటింగ్ కోచ్ స్పందించేందుకు పెద్ద‌గా ఆస‌క్తి చూప‌లేదు.టీ -20 మ్యాచ్ లో ఏ ఒక్కరిపైనే ఫోక‌స్ పెడితే స‌రిపోద‌ని ఒక్కోసారి ఒక్క బ్యాట్స్ మెన్ 10 బంతుల్లో 30 ప‌రుగులు చేస్తే అది కూడా కీల‌కం అవుతుంద‌ని, అభిషేక్ బ్యాటింగ్ ఫాం గురించి ఆలోచించాల్సిన అవ‌స‌రం లేద‌ని వ్యాఖ్యానించారు. ఇక ఇప్ప‌టి నుంచి భార‌త జ‌ట్టు అన్ని మ్యాచ్ లు భార‌త్ లోనే ఆడాల్సి ఉంటుంది.

పాకిస్తాన్ జ‌ట్టుతో ముందుగా బ్యాటింగ్ చేసిన భార‌త జ‌ట్టు బ్యాటింత్ లైన‌ప్ రాణించినా….నెద‌ర్లాండ్స్ మ్యాచ్ లో భార‌త ప‌వ‌ర్ ప్లేలో కేవ‌లం 39 ప‌రుగులు మాత్ర‌మే చేసి రెండు కీల‌క వికెట్లు కోల్పోయింది.

సూప‌ర్ 8 లో భాగంగా తొలి మ్యాచ్ సౌత్ ఆఫ్రీకా జ‌ట్టుతో త‌ల‌ప‌డ‌నుంది. ఆలోపైనా భార‌త బ్యాటింగ్ ఆర్డ‌ర్ లో మార్పులు చేసి అయినా అభిషేక్ స్కోరు బోర్డును ప‌రుగులు పెట్టేలా జ‌ట్టు యాజ‌మాన్యం దృష్టి సారించాల్సిన అవ‌స‌రం ఉంద‌న్న అభిప్రాయం వ్య‌క్తం అవుతోంది.